在《喜愛夜蒲3》首映禮上，「寸嘴Barbie」夏尉喻穿上超激窩釘款低胸裙，因過份將胸部外露惹來同劇女演員不滿向監製投訴，最終Barbie被監製勒令低調，可憐Barbie有冤無路訴，想搶鏡不是罪，但Jeana五十步笑百步，恥笑人家不跟潮流走，強調窩釘是去年款式，但一向勇字在心口的Barbie無所謂，揚言唔覺Out，自己鍾意就可以，早已忘記不快事的她昨日跟同公司的文凱玲（Connie）及石天欣慶生日，事關1月1日是Barbie的29歲牛一，賀聖誕兼預祝生日，穿低胸裙的Barbie玩得好癲，經常處於走光之間，好驚險。
因為監製唔鍾意，Barbie在《夜蒲3》的宣傳活動上被失蹤，對於此事，Barbie不欲多談，但她強調所穿低胸裙絕不過氣，「一啲都唔Out，配合自己去着。」問到生日願望，Barbie坦言希望事業順利發展，名利雙收，對於《夜蒲3》的表現，Barbie有點尷尬，「應該由觀眾去評價，唔應該由自己畀分數。」而剛過生日，31歲的Connie因為一直忙登台，所以好想放假，並透露接了一部打片，來年希望嘗試拍電視劇，可以拍到TVB劇更好。
製造走光危機
訪問完後，《夜蒲3》孖妹同石天欣齊蒲頭跟Fans開聖誕Party，請得Fans參與，同Fans影相，玩遊戲是常識，之後就輪到跟Barbie預祝及Connie補祝生日，因為Barbie上圍好澎湃，一烏低身即製造走光危機，5吋事業線贈Fans呢招𠱁得一眾中年男粉勁開心，瘋狂按相機，而準壽星女跟Barbie蛋糕影相更恐怖，一蹲低，35D整齊地被放上枱，好壯觀。
