導演錢國偉首部台灣電影《台北夜蒲團團轉》日前在台北舉行記者會，一眾參與女演員性感登場，尤其是「台灣波霸」雞扒妹（鄭家純）和被台灣傳媒封為「香港奶神」的Barbie（夏尉喻）拋胸撐場，令該戲先聲奪人。日前該戲試造型，雖然今次戲種講明是喜劇，但以夜蒲為主題，一眾女演員當然不會着樽領，當中繼續以雞扒妹和Barbie造型最突出，性感程度比起記者會有過之而無不及，相信到時電影一定能吸引不少男士的眼球。
今次電影故事以男主角關楚耀一晚發生的事為骨幹，但由於有不少回憶片段，所以造型也不少。身為男主角的關楚耀當然艷福不淺，除了正印港女女友Barbie外，還結識女主角、台灣混血美女許維恩。
拋胸唔錫身
錢國偉說：「電影係講關楚耀為咗搵女友Barbie，同老友陸永嚟咗台灣，仲遇到『自由發揮』，幾個大男人喺一晚遇到嘅事，都幾瘋狂同搞笑。雞扒妹就會跟陸永飾演一對，至於台灣靚女陶嫚曼就會跟自由發揮嘅阿達做情侶。」雖然是喜劇，但當日所見雞扒妹和Barbie的造型，一樣相當性感，一個泳衣加超大窿魚網裝；另一就超低胸大V到險走光，但兩人亦繼續唔錫身，試穿性感衫拋晒胸一樣無詐型。造型已經咁吸引，相當到時電影應該更有睇頭啦！
