巫 斯 義 今 晚 停 賽 復 出 ， 季 中 騎 「 精 彩 鬥 士 」 被 競 賽 小 組 裁 定 未 盡 全 力 策 騎 重 罰 ， 由 於 老 巫 已 經 唔 係 第 一 次 犯 天 條 ， 一 般 估 計 佢 騎 埋 今 季 都 可 以 講 拜 拜 。 但 係 老 巫 自 己 就 唔 係 咁 睇 ， 佢 日 前 接 受 鬼 佬 報 紙 訪 問 時 ， 話 已 經 入 紙 申 請 下 季 全 季 公 司 騎 師 牌 照 ， 強 調 自 己 喺 「 精 彩 鬥 士 」 事 件 清 白 之 餘 ， 仲 好 樂 觀 可 以 喺 香 港 繼 續 佢 嘅 策 騎 事 業 。

老 巫 行 動 上 照 入 紙 申 請 下 季 公 司 騎 師 牌 照 ， 私 底 下 係 咪 真 係 咁 有 信 心 留 得 低 ， 得 佢 自 己 知 。 事 實 上 ， 任 何 騎 師 都 可 以 入 紙 ， 向 馬 會 牌 照 委 員 會 申 請 公 司 騎 師 牌 照 ， 但 係 牌 照 委 員 會 發 唔 發 牌 畀 你 ， 又 係 另 一 回 事 ， 牌 委 會 發 唔 發 牌 都 好 ， 基 本 上 唔 使 交 代 理 由 ， 騎 師 被 拒 都 奈 佢 唔 何 。

除 咗 老 巫 要 為 下 季 牌 照 奔 波 ， 同 佢 一 樣 處 境 嘅 仲 有 華 將 大 哥 大 鄭 雨 滇 ， 阿 滇 季 初 騎 「 軍 駒 」 未 盡 全 力 被 重 罰 ， 停 賽 復 出 後 經 過 一 輪 低 潮 ， 最 近 表 現 叫 做 開 始 復 蘇 。 由 於 阿 滇 亦 唔 係 首 次 犯 天 條 ， 有 唔 少 傳 言 都 話 佢 下 季 未 必 有 牌 。 老 巫 同 阿 滇 下 季 究 竟 有 冇 牌 ， 唔 使 幾 耐 就 揭 盅 。 平 心 而 論 ， 牌 照 委 員 會 審 理 佢 兩 個 嘅 牌 照 申 請 時 ， 考 慮 嘅 因 素 都 係 大 同 小 異 ， 一 係 兩 個 都 有 牌 ， 一 係 兩 個 都 冇 牌 ， 咁 就 一 視 同 仁 ， 大 家 都 心 服 口 服 。 不 過 ， 怪 事 時 時 有 ， 牌 照 委 員 會 嘅 決 定 係 咪 一 定 咁 正 路 ？ 若 然 最 終 漏 低 一 個 冇 牌 ， 睇 怕 都 會 引 發 幾 大 爭 議 。


http://hk.racing.nextmedia.com/art_main.php?showdate=20150513&sec_id=3400631&art_id=17157767

以我阿索經驗睇根本唔會冇牌,收得皮的話起碼停賽超過年幾,
然後復出冇咩人俾馬佢騎,自自然然咁淡出,
老巫一年先至出現罰停賽唔夠一年,試問下季唔發牌機會唔大.,
再講係名牌大賽世界知名騎師,馬會冇咁易手起刀落的,放心!
阿滇上季城中話題今季軍駒,停賽期唔係想像中奈,
下季發牌機會都唔覺有咩問題,再講連咁都發牌有問題,
班倒屎自己出來肚腩大大騎埋一份,先至夠騎師用囉!

頭一 part, FACT
之後就夾硬話 咩私 底 下 係 咪 真 係 咁 有 信 心 留 得 低 ， 得 佢 自 己 知
發唔發比你係另一回事

你直接成程陰謀論咪算 lor
唔好扮係報導啦

N 年前已經講嘅 "老巫開倉" 係咪冇左件事㗎喇?

刀仔條友開倉咪隻隻2檔4.5疊,果時壯觀囉!

  蘋果真係有登到有關主題: 有牌或冇牌 最重要一視同仁

呢篇野毫無價值可言，一切都系作者自行猜測，而且根本冇依據。