樂瞳最近在TVB新劇《陪著你走》飾演明星助手「何娜」，跟張振朗飾演的明星「金秀玄」發展一段不能公開的苦戀，坦承以往曾有過「地下情」經驗，所以很理解角色慘痛感受，演起來特別投入。不過，談到現在感情狀況，她即露出甜到漏笑容表示，有正在了解中的追求者，默認有新戀情。撰文：杜淑霞
這天見樂瞳除了瘦了，打扮亦明顯較以往成熟，她坦承想擺脫以往小妹妹形象，「希望大家睇到我大個女，可以試多啲唔同角色，今次監製都畀咗個好好機會，『何娜』個角色唔再係咁妹妹仔，仲會有咀戲，算係一個幾大突破。」
沒結果地下情
對於角色跟張振朗的一段苦戀，樂瞳更加身同感受，「其實以前自己都試過同圈中人拍拖，但係唔可以公開，大家去邊都要一先一後咁行，真係幾辛苦㗎！所以我好明白『何娜』嘅感受，仲要『金秀玄』係明星，佢只係助手，就更加慘，但好彩『金秀玄』對佢好好，佢哋最終都會有好結果。」
從樂瞳羨慕的語氣，好明顯她那段「地下情」卻沒有好結果，不過她的感情亦已有着落，早前她到泰國慶生，還將三點式相放上網，同行者就是新對象，「係有個圈外人了解中，嗰次去泰國佢都有去，但係仲有一大班朋友一齊，唔係單獨兩個人。（今次會正式公開？）遲啲先算啦！大家仲喺度了解緊嘛！」
