馬迷千萬元人情賀四叔 - 香港賽馬討論區 - 賽馬世界

Running

虛擬馬主

UID 2195
精華 36
積分 1352
帖子 25073
港元 2750 萬
存款 10 萬
聲望 30
閱讀權限 20
註冊 1/1/2006
來自 Around the World

#1

發表於 17/12/2006 04:01 PM 資料短消息

馬迷千萬元人情賀四叔

有理由相信，「好好彩」做  李太徐子淇，已經直接同間接咁破壞  社會和諧氣氛。

首先，好多本來蜜運中癡男怨女，睇完呢單新聞之後，都開始抱怨自己點解咁唔好彩；

其次，由於唔係所有恒基集團  手足都有一萬蚊大利是，難免有人心生嫉妒，覺得世界唔公平；
其三，好多馬迷噚日都為徐子淇而作出錯誤  投注，總共輸成千萬銀，傷盡 fans 心。

噚日八方茶餐廳食早餐，周圍茶客都講緊徐子淇下嫁  基太子李家誠單野，
人似乎關心個豪門婚禮多過壽終正寢舊天星鐘樓。以下係其中一對男女  對話，女方話：

「如果我識到李家誠就好  ，有幾億禮金。」
男方答：「如果我係李家誠就好  ，可以娶到徐子淇。」女方即刻變左黑臉琵鷺，非常嬲怒。

咁究竟街坊街里最想做李家誠定係徐子淇呢？原來兩個都唔係，而係恆地員工，
皆因大老闆四叔李兆基已經宣布派利是，一人一萬。年尾流流，
失驚無神有人塞成皮野落你個袋度，真係恨死普天下打工仔。

愛駒「幸運鑽石」跑尾二

恆地員工大約有一千人，四叔大拿拿私人醒成千萬出來，同下屬分享迎娶新抱  快樂，
不過就唔係所有恒基集團人都感受到佢老人家愉快心情；
煤氣、美麗華同香港小輪  員工都冇份，就連恆地租務部職員，噚日都向八方投訴，話佢並無收到利是。

都話幸福唔係必然  喇！好似四叔隻愛駒「幸運鑽石」咁，
噚日沙田出賽，普羅馬迷見到報紙頭條徐子淇，成身幸運鑽石咁應景，
諗住四叔今次一定會去馬，以賀新婚，個個都追捧「幸運鑽石」，
成為 2.1 倍大熱門，獨贏位置連贏成千萬銀買左佢身上。

點知「幸運鑽石」跑尾二過終點，馬迷賭注全部化為四叔的人情賀禮，
隻馬賽後仲被獸醫驗出氣管有好多血。

「幸運鑽石」係由李兆基、鄭裕彤同明嘉福合夥買入  ，
賽後明嘉福話，隻馬跑得咁肉酸，累馬迷輸錢有少少唔開心。

至於明嘉福自己有份  團體馬「海中寶」就跑第二，
佢仲買中「世紀巨星」搭「海中寶」呢條三百幾倍大冷 Q ，未至於空手離場。