我看今年的Champion Mile和QE Second - 香港賽馬討論區 - 賽馬世界

Running

虛擬馬主

UID 2195
精華 36
積分 1352
帖子 25073
港元 2750 萬
存款 10 萬
聲望 30
閱讀權限 20
註冊 1/1/2006
來自 Around the World

#1

發表於 29/4/2007 07:29 PM 資料短消息

我看今年的Champion Mile和QE Second

Champion Mile：

乜o野叫做大賽騎師，靳能就示範一次俾你睇。

今日直到呢場之前，跑法上幾乎一面倒利前領及守中間位，能叔似乎知道呢個情況，所以步步穩呢隻未試過放頭o既馬，今次居然一反常態，放頭走，結果呢場完全冇步速o既賽事下，就咁樣俾佢一放到底。

睇o黎能叔可能有詳細了解過今日形勢，先至作出呢種跑法~~~~

如果大家有留心一樣o野，隻馬今次就算放頭，完全冇上次人馬角力、閃o黎閃去o既鏡頭，隻馬順放後，能叔完全可以Easy地Handle到隻馬，唔通呢樣真係功力上o既分野？定係隻馬係需要好硬功o既騎師先收到佢？

當然場地因素幫到佢唔少，畢竟隻馬跑變化地係適合過快地。

俊俊臨場見個身削得緊要，狀態、神色真係比之前差好多，咁都第四係靠鬥心，打比後遺症果然厲害。:ppp:
睇o下告仔點樣養返好隻馬啦；

至於老牛，就算場地係快都未必有用，因為隻馬的確有老退跡象~~~:sss:

好爸爸係咪上到Group 1就打回原型？我覺得需要再觀察多次先好下定論，畢竟佢今日都係受到場地形勢所限。:ggg:

勝利飛駒可以有第二，真係要多謝白生，走位、跑法一絕下爭取到應有位置，冇咁上o下功力真係做唔到。

女皇杯：

擒晚我同的士、主席講過：賞月今次o黎到香港後，狀態同角逐情緒好似怪怪地，對比上次香港杯，今次係稍為差o左o的。

到今日再睇臨場，馬就冇乜o野，但對比上次香港杯o個種銳勢，今次係差o左o的；而且計埋今日形勢，對佢相當不利。

最初我以為武生好似跑Duty Free咁，跟前少少以減低今日形勢所帶來o既影響(因為上次咁跑下都可以發揮出水準)，點知一起步仲夠膽死留後；轉灣再飛出N叠，當正係DI咁跑，結果入到直路完全冇得追！追追下甚至力不從心，最後幾步已經見隻馬開始停~~~~:sss:

雖則爆冷有爆炸開路，但能叔仲識得了解今日形勢，所以走位上佢比賞月更醒目~~~~

由此可見，能叔俾人叫得做大賽之王，絕對唔只係騎功，對於賽事形勢o既閱讀及分析，今日兩場大賽完全睇到晒！

反觀武生，唉，我懷疑佢根本冇了解今日場地形勢，以為隻馬有就點跑都得；今次可以話完全中晒招！:uuu:

凌雨o係杜拜硬撼完後，今次雖然有步速之助，但形勢上見隻馬全程幾搶口o下，似乎走出少少對隻馬係有一定影響；最後跑到第二頂得住賞月，已經值得掌聲鼓勵。

其他馬都冇乜o野可以講，活力金剛不如再等o下啦，隻馬下季一定會更好。

[ 本帖最後由 Running 於 29/4/2007 07:39 PM 編輯 ]