終於唔駛悉尼+維省兩邊檢討，輕鬆好多。

全日考菲爾德跑9場賽事，最注目當然係考菲爾德堅尼。全澳洲3歲精英爭總獎金100萬澳元的賽事。

全日場地為 Dead , 賽事模式同上年同賽日的模式好接近。

又係留到最後飛出最外衝一定無‘行’ ，因為計賽事步速加埋考菲爾德馬場個大彎，蝕都蝕死。直路你冇可能可以平反敗局。

大部份頭馬及二三名的馬匹都係跟四五位及盡量在中間場地衝刺。

頭三場留意價值唔多，就算你話R3 考菲爾德杯的預賽 Winning Edge Presentations Stakes (G2 2400)

重複跑10次我相信都會唔同賽果。

「更勝一籌」出閘一開始已經做錯，我寧可你特登攝入內欄都唔好第一個彎同人地走三疊，8隻馬場合邊個蝕得最少同隻馬有根本上穩上此場的三甲。(賽後驗出受傷退役)

不過呢場少有竟然頭段步速偏快，轉彎先變番慢。

Dolphin Jo 嬴都係嬴在全程冇得點蝕過，直路有埋「更勝一籌」自己拉停，位都唔駛點搵，去到250先騎。

外面果D死騎爛騎，去到50米邊貫注到尾。

「愛美圖」飛出最外檔衝刺正中呢個馬場最蝕底的跑法特色，馬其實都不能再進。做D配種好過。

不過呢場水準確一般，下場可能多匹馬未必能夠跑得返。

R4 史利士錦標 (G2 1000)

賽前大熱 Lucky Secret 都覺得奇，雖上場負61kg大勝其他馬三馬位，但果場對手好弱。

Kaphero 夾萬利嘉多錦標季軍之名參戰，同Lucky Secret 同一負磅，卻得4.60的次熱。心之不妙。 (賽後驗出有傷)

出閘，Lucky Secret 都唔駛點推已經埋到欄兼帶頭，Kaphero好似一開頭跟唔到佢速度仲要移出二疊。放唔出就係咁先。

呢場賽事上屆冠軍乃菲特文旗下的3歲雌馬 Royal Asscher，今年派另一3歲馬Wilander 打衛冕戰。

Wilander 乃上年2歲之星，藍鑽石錦標大熱門可惜落敗而回。今年睇準雅閣圍錦標(G1 1200)來報署。經上場熱身過後，狀態急升加上利用此場3歲馬負輕磅的優勢，而且此賽水準年年都唔算高。

此場走三疊都岩岩好在終點前趕過Lucky Secret。證明比上年有進步。

有過今場經驗下場對番同齡馬就存在優勢，確有繼續留意的必要。

Lucky Secret 早段連另一匹快馬都唔夠佢快，放得比上場更加暢順。但直路移出中間(馬性問題)。現在輸俾Wilander 不足一絛頸。最好爭取級際賽機會又要等下次。

Gamble Me 之前都係 List 水準，近年澳洲短途真係 ...

希望Wilander 可再進步，接到班。

備忘馬匹 : Wilander

講下戲肉，連續三場一級賽。

R5 勇倫霸錦標 (G1 2000)

連續三年出馬數都小貓三四隻

大熱「龐貝尊主」更賽後驗出勇戰受傷，明顯係轉彎果時要避開 Casaul Pass 後蹄。在急彎時又整親。

嬴馬的「多樂谷」完全唔同之前數仗，晨早就狂推要放頭。就此在直路頭走甩又一放而返。

完全係上年「馬爾代夫」上年在直路頭走甩的方法。

廖偉德心急了少少，可能怕塞掛。晨早走二疊生位，又估唔到 Casaul Pass 自己咁快冇轉彎時就退。比想像中蝕位更多，返來輸一個頭。失運馬。

如果佢走 Gullotine 個位可能已經嬴馬，跑馬就是如此。

Gullotine 看來上到來一級賽只係 3 -6 名的馬匹。今場走位一絕咁靚。

C'est La Guerre 追勢唔錯喎，睇有冇機在墨爾本盃成為另一匹「黑馬」

「意國小城」失望，可能退化中。

R6 杜勒讓賽 (G1 1600)

連續第三年嬴完羅柏奇勒錦標既馬匹都未能在杜勒讓賽取得勝利，今年更特別到羅柏奇勒錦標頭三名馬匹在此賽中全部下馬。

講左上次羅柏奇勒錦標的頭馬 Orange County 我覺得係岳禮華其中一場失敗的作。以佢上次咁有經驗的騎法，無理由將隻留到最後來跑。上次寧蝕盡都跟番 10 -12 位。轉彎拉出大外欄衝刺係有衝過，不過轉彎都蝕哂，去到 150 只能維持同速。今場發揮同上場比較有好大的分別。

最重磅的 Bon Hoffa 仲令人發火，由頭到尾都冇改變過任何位置。出閘到最後都係內欄包尾位置。跑緊什麼。

嬴馬Alamosa 實力一定在呢組必夠爭，始終證明過輸俾Weekend Hussler, 「龐貝尊主」同「馬爾代夫」的馬匹。只係鞍上人頭幾場表現俾佢嚇一嚇。今場係中間一爆就嬴，嬴來有餘未盡。不過下場2000米，對手同擅長的路程適應性受到考驗。

2 -7 名相差不足2馬位Rockwood 靠個磅拎第2，Pillar of Hercules 早了點發力但都有第3。

甘寧斯兩隻: Raheeb 都係果堆馬一齊爆，暫時未有實力挑戰頭馬但睇可唔可以在11月中靠體力嬴番場。

Turffontein 直路頭仲跟人馬尾，靠均速大步的馬匹。白布朗呢場跑得論盡。

Kingda Ka 好番D，但仍未夠。我睇下場阿拉柏酋長錦標到胃。始終仲有52.5kg 呢個磅。

Mraching 等退役應該用盡，Here De Angles 落番短途吧

希斯三隻，「糖果屋」等希斯俾唔俾佢退役，The Fuzz 神經馬，「莫羅托夫」明顯唔夠班，等香港賽馬會錦標。

備忘馬匹 : Kingda Ka

[ 本帖最後由 S.WEEK 於 14/10/2008 05:23 PM 編輯 ]

R7 考菲爾德堅尼 3歲 G1 1600

優勝劣敗的賽事

頭三名完全冇跑錯，實力最高確是 Whobegotyou。連續兩場視對手如無物。時間: 1:36:4俾上年Weekend Hussler 更快。睇現在已經有挑戰年長馬的實力。

論賽事水準，我認為此賽係近五年我認為最高水準的一屆。因為二三名確非等閒之輩。

態況最近出了評分。我認為評分十分合理，用取勝距離同場地的時間值這個評分。難得在於第二名及第三名在跑法上並沒有任何大錯誤，更特顯Whobegotyou有如何厲害。

Time Thief 今仗才是其應有的跑法，不應跟咁前。跟中間 7, 8位係最理想的跑法。直路同Whobegotyou同一位置爆當然唔夠Whobegotyou 衝刺力凌厲。但在他後三身位的 Von Costa De Hero 一定頂到。如果平時這樣跟前，呢個第二未必有。

Von Costa De Hero 亦無跑錯，留後跑一定要講沿途的際遇。今次跟實Whobegotyou來跑，麥維凱睇佢加速自己亦發力。可惜Von要一段時間先撻起唔係學Whobegotyou話俾就即有反應。第三都合理

Duporth 轉彎轉出來生位果下幾危險，嬴在對個年長馬有哂經驗。但今年維省頭三名馬匹實在太惡。輸質素同首次左轉。

Carnero 今仗又跑番出水準喎，可惜排檔關係局住留後今仗追好多個馬位。下次有留意的必要

Dreamscape 同 Duporth 有類似的情況可惜呢場你冇一段強的後勁無可能入到三甲。

All American 似做副車，不過我睇貨應該用哂。

Fernandina 傳有傷，下次再睇表現。

Lord Tavistock 最失望果匹，早段望空三疊亂走走哂，直路收停。唔知有冇傷。

備忘馬匹 : Carnero