亞 視 去 年 的 亞 姐 造 馬 醜 聞 ， 搞 到 亂 七 八 糟 ， 昨 日 亞 視 高 層 葉 家 寶 終 於 站 出 來 解 畫 ， 並 宣 佈 結 果 維 持 原 判 ， 冠 軍 姚 佳 雯 、 亞 軍 顏 子 菲 、 季 軍 賴 琳 恩 可 以 繼 續 留 任 ， 不 過 調 查 報 告 不 公 開 ， 出 錯 原 因 冇 解 釋 ， 一 切 仍 然 是 個 謎 。
去 年 12 月 舉 行 的 《 亞 洲 小 姐 競 選 》 以 網 上 及 電 話 投 票 方 式 選 出 三 甲 ， 不 過 其 後 被 揭 投 票 數 據 與 賽 果 不 符 ， 亞 視 前 行 政 總 裁 王 維 基 懷 疑 造 馬 ， 更 由 亞 視 執 行 主 席 張 永 霖 開 記 者 會 向 公 眾 及 監 票 委 員 會 主 席 霍 震 霆 致 歉 ， 又 宣 佈 成 立 3 人 獨 立 調 查 委 員 會 調 查 。 不 過 調 查 結 果 遲 遲 未 公 佈 ， 一 拖 再 拖 之 後 ， 昨 日 製 作 行 政 及 統 籌 副 總 裁 葉 家 寶 表 示 ， 亞 視 接 納 委 員 會 建 議 3 位 亞 姐 眾 望 所 歸 ， 繼 續 留 低 。
亞 視 自 揭 亞 姐 造 馬 ， 之 前 嚴 陣 以 待 ， 如 今 公 佈 調 查 結 果 卻 予 人 草 草 了 事 的 感 覺 ， 昨 日 在 大 埔 亞 視 總 台 舉 行 「 2008 亞 洲 小 姐 簽 約 儀 式 」 ， 葉 家 寶 多 番 被 要 求 解 釋 委 員 會 審 查 後 所 得 的 結 果 ， 但 他 堅 持 不 會 對 外 及 對 政 府 公 開 報 告 ， 他 說 ： 「 我 哋 只 係 電 視 台 選 美 盛 事 ， 唔 會 對 政 府 公 開 報 告 ， 霍 生 （ 霍 震 霆 ） 都 唔 會 ， 張 生 （ 張 永 霖 ） 之 前 好 清 楚 講 過 事 件 同 霍 生 無 關 。 」
當 被 問 到 以 甚 麼 理 據 令 三 位 亞 姐 留 任 ， 葉 家 寶 說 ： 「 係 獨 立 委 員 會 建 議 唔 需 要 重 選 ， 賽 果 不 變 。 」 他 又 強 調 今 次 亞 姐 競 選 並 不 兒 戲 ， 他 說 ： 「 成 個 賽 事 冇 兒 戲 感 覺 ， 所 有 佳 麗 有 努 力 過 ， 冠 亞 季 都 得 到 觀 眾 認 同 ， 大 部 份 觀 眾 都 覺 得 佢 哋 係 眾 望 所 歸 。 」 至 於 造 馬 醜 聞 引 起 其 他 佳 麗 不 滿 ， 他 說 ： 「 用 乜 嘢 賽 制 都 有 佳 麗 不 滿 ， 每 年 都 有 造 馬 、 內 定 新 聞 ， 我 唔 會 理 。 」 他 又 說 ： 「 技 術 上 問 題 解 釋 唔 到 ， 會 引 起 好 多 問 題 ， 今 次 成 立 獨 立 委 員 調 查 ， 我 哋 就 要 信 佢 哋 。 」
冠 軍 姚 佳 雯 表 示 等 待 結 果 時 都 會 影 響 心 情 ， 她 說 ： 「 有 屋 企 人 同 朋 友 都 會 打 來 問 ， 但 係 就 唔 係 好 擔 心 ， 因 為 自 己 讀 緊 書 冇 諗 其 他 嘢 ， 𠵱 家 時 間 都 剛 剛 好 ， 我 完 成 咗 個 碩 士 課 程 。 」 今 次 亞 姐 鬧 劇 ， 會 不 會 覺 得 亞 姐 好 兒 戲 ， 她 說 ： 「 唔 覺 得 ， 亞 視 都 係 重 視 比 賽 先 講 出 來 ， 如 果 唔 講 都 冇 人 知 。 」
亞 軍 顏 子 菲 、 季 軍 賴 琳 恩 表 示 比 賽 之 後 ， 已 經 把 所 有 的 禮 物 都 分 發 給 親 友 ， 顏 子 菲 說 ： 「 都 係 一 句 ， 到 時 先 算 ！ 唔 係 今 日 個 結 果 咪 睇 吓 點 樣 拎 番 出 來 。 」 賴 琳 恩 對 於 今 日 的 賽 果 不 以 為 然 ， 參 加 亞 姐 後 她 的 知 名 度 在 台 灣 大 大 提 高 ， 工 作 量 大 增 ， 她 說 ： 「 名 次 並 不 重 要 ， 簽 約 以 後 我 只 有 一 個 要 求 ， 就 是 要 給 我 工 作 ， 多 參 加 公 益 活 動 。 」
