容光煥發的官恩娜（Ella），首度親口承認與中法混血兒J醫生共墮愛河，蜜運兩月已火速進展到「過夜」，Ella甜絲絲自爆與男友日日煲電話粥玩視像，愛得癡纏。
最近被拍得與老外密會的Ella，人逢喜事精神爽，昨日穿上超低胸露腰裙出席活動，同場還有靚模Kama、周柏豪，Ella坦承蜜運中，她甜笑說：「開始咗冇耐，係朋友介紹，（點稱呼佢？）J先生，佢係中法混血兒，係一個專科醫生。」
半年冇見過吳卓羲
Ella大方表示男友已見過她家人，家人對男友印象好好，她說：「讚佢有才華、人品好、性格溫和，（話佢喺你度過夜？）留宿一晚都好正常。」談到男友Ella就忍不住甜笑，但提到報道形容她的住所是「炮房」，Ella就激動說：「無中生有，咁樣誣衊我，令我好唔開心，報道出街時係我生日，我嬲到喊咗成晚。」
Ella又強調她與家人同住：「點解寫到咁？影響我形象。」她又否認報道指她一腳踏兩船，更否認與吳卓羲見過面，她說：「成半年冇見過。」
Kama拒行比堅尼騷
身穿露肩裝的Kama對一班靚模被網民狂插，她說：「最緊要表達自己特色，唔使着太多性感比堅尼，睇太多會厭。」Kama自言身材不及一班靚模：「性感唔係在於布多布少，我本寫真係sell感覺。」她也不會行比堅尼騷，因為公司叫她留番最性感一面影寫真。
