衞蘭（Janice）昨日為剛推出的英文專輯在海港城舉行簽名會，吸引逾四百歌迷排隊等候，Janice新碟推出首周即達金唱片銷量，問她會否與妹妹衞詩（Jill）慶祝？她微笑謂：「妹妹想過平靜生活，我唔再提妹妹啦！」
Janice籌備多時的英文專輯《MORNING》面世首周，即有金唱片銷量，而本地及海外銷量總計更高達白金唱片數字，昨日她在海港城舉行新碟簽名會答謝歌迷。

想做韓文歌
大會原定只派發兩百個簽名籌，但卻有四百歌迷到場，Janice得悉後興奮表示：「有咁多人鍾意好開心，真係估唔到咁多人嚟，以為香港人聽英文歌都只會關注國際藝人，不過公司對呢個Project都好有信心。」

對於自己有新歌在網上外語歌曲榜的成績僅次於米高積遜的歌曲，且多日來穩守次席，問Janice會否覺得新歌剛巧遇MJ離世，只能佔第二位感不值？她說：「唔好咁講，MJ係我偶像。（信心大增？）希望有好成績，仲想公司下次畀我做一首韓文歌，當完成心願。」

Janice續說，未有時間寄新碟給媽媽試聽，但笑言至少媽媽識聽英文歌。至於會否與妹妹Jill慶祝好成績？Janice微笑婉拒回應：「我唔想提妹妹，Sorry，我私底下乜都會同佢分享，但佢想過平靜生活，唔想成日喺報紙睇到自己個名。」

音樂會延期
另外，Janice原定今日舉行的露天音樂會因天雨延至廿六日舉行，但有美國歌迷已來港，Janice得悉後即大叫：「Oh My God！（補償？）我會點首歌畀佢哋聽。」