河馬仔
虛擬馬主
 
UID 3620
精華
1
積分 0
帖子 6146
港元 288 萬
存款 0 萬
聲望 570
閱讀權限 20
註冊 11/3/2007
|
發表於 11/11/2009 01:49 AM
資料
短消息
|
(河馬仔專欄)11月11日賭博默示錄觀後感+賽馬日分析
賭博黙示録カイジ其實係日本漫畫家福本伸行在講談社之作品,前後原來由1996年開始已分幾集連續到現在,可算係長壽漫畫,分別是<賭博默示錄><賭博破戒錄><賭博墮天錄>及未完的<賭博堕天録カイジ 和也編>.
一本漫畫可以累積賣過千萬部可說是非常不簡單,作者福本伸行當然是高手之中的高手,此作者就是因為賭博默示錄此作品而奪得第22回講談社漫画賞.
福本先生極度擅長勾畫出人性心理上之特質,特別在賭博系列之漫畫,其最出名的場景[ざわ・・・]更能顯示出賭博者心理上之搖晃及不安.除描寫賭博的陰險,使詐,謀略之外,其實作者最能在漫畫中捕捉到賭博者,特別係描寫出瀕臨死亡之賭徒之無助,紊亂,歪曲,慌忙之心理,最能夠活活地表現出來.雖然小弟並未去到如此落索之田地,但亦深深認同漫畫內賭博之人性心理等等.
作者刻意描寫主角伊藤開司係一個只有賭博才會精神的人,在章節中都在生死賭博中生還過來,特別係賭博默示錄中在希望之船玩猜拳咭遊戲,以及及後之亡命過鐵橋及最後E CARD之心理戰等等,一幕一幕刻劃出賭徒由亢奮到墮落,滅亡之路,絕對顯露出作為賭徒之悲哀.而最重要的一點係作者每每在解釋伊藤開司之行動時都能指出當時賭博者之心態,謀略,見地等等,往往觸動讀者之神經.
這就是動畫及今次真人版之最大分野..........
動畫及漫畫版中,對片中各人之心理及精神描寫係非常充足及畫得出神髓,可惜今次影片中就略遜一籌.由於影片不能每每需要就一些題材進步取捨,當然有些情節係有了改動,這是可以理解而且效果不俗,只可惜主角方面顯現不了出來,藤原竜也在好多幕之中,特別在鐵橋之一幕,唔知點解悲傷,忿怒之時個樣都係好似'O嘴'一般,看起來不太自然,而且因為主角之內心描寫在此片來說係非常重要,只是在勝利後講出點解贏出其實未能做畫龍點晴之效.
相反來說,奸角之一,飾演利根川幸雄一角之香川照之卻做得出效果,內心外在亦入木三分,特別在E CARD的一幕,其陰險及冷漠無情發揮得非常到肉.而飾演石田光司之光石研亦演出不俗.相反來說,飾演遠藤凛子之天海祐希(動畫此角應該是男的),其表現有點格格不入,可能係戲內交待得冇漫畫般清楚,故此在有少少泛駁情節之下更令人失望啦.
其實內容在賭片來說已經算係豐富及吸引,只係片內常有之日劇較誇張之情節大家可能要包容一下.大家如果對此片及原作有期待的話,建議先睇片,後睇其漫畫及動畫,才有更好的效果,因為動畫版很多人看過,特別在過橋的一幕,很多人係睇完個心都好唔舒服,感覺上比電影版更強烈.
現在能如此詳細刻劃賭博之漫畫已經唔多,此漫畫能變成電影一定有其理由,如此作品之內在質素可見一斑.
是日河馬仔八場心水選擇:
第一場:
11.鴻霸之星-始終上場走二疊都能壓住及後有表現之松風算係老馬有態.今場快馬極多啱哂佢均速慳慳埋埋入直路.老馬唔見有乜理由仲要保留,四干八正之馬膽.
是場心水:
11.鴻霸之星-3.勝利世界-5.勁駿-6.分享
第二場:
8.封面-上場唔係起步唔夠快焗住搶之下但尚算唔係潰敗,講真班實情有可原.今戰繼續用回滇仔坐陣,照理應唔會好似上仗般走如此不利位置.晨操快跳一段步步夠闊而且一點肥感都冇.換配備似有備而來要防
是場心水:
8.封面-4.呼風喚雨-7.旅遊領隊-11.鑽之寶
第三場:
4.馬有成-全晚晨操數一數二靚馬一隻,慢跳快跳弓頸精神眼神銳利.上場雖然被多多昇K.O.,不過後駒可在三班同樣食糊,看來今場對手水到爆,如杜生如上場般非常用心地將隻馬攝入欄的話,必然首選
是場心水:
4.馬有成-2.雄爆-8.超力好-12.太陽昇
第四場:
7.愛拼者贏-上場沿途飛出外疊走絕對可以當冇跑過,不過其實此馬居然仲有走勢,這是大家都難料的.今次雖然滇仔唔騎,但巫生操完冇得騎,反而強哥今晚隻隻馬都頗好機會,快跳主動肯走步伐順暢,不可忽視
是場心水:
7.愛拼者贏-1.寶威威-9.健康藍莓-8.得運寶
第五場:
10.大進-上場狀態七成都唔到之下追勢都算吸引,該場對手絕對唔係想像般弱,快踱隻馬終於定番哂,最緊要係自色已經冇哂以往的鴛鴦色,有顯著進步戈1之馬又係不可不理
是場心水:
10.大進-6.鋼意-7.綠茵勁贏-1.雙辣
第六場:
12.中華英雄-雖然轉型泥地馬但本身此程都準,快跳此馬仍然冇疲態,雖然要對特好如此強手,但計勇銳之勢特好有所不及,老馬會趁快用要慎防突襲
是場心水:
12.中華英雄-3.特好-11.風陵渡-6.紅封包
第七場:
5.勇將軍-雖然上次係一條直路大後上衝前,不過此馬舊年入Q一場冼生騎到靚一靚入圍一仗係居中的.始終此馬唔可以講到好叻但此群夠用,用柏寶騎都算係明刀明槍出擊,快跳三段馬身已經唔圓,隻馬自動曉得走,狀態真係到哂位.
是場心水:
5.勇將軍-4.按得快-2.漂亮第一-8.瀟洒叻龍
第八場:
7.驕陽飛駒-上戰開始識得點樣學追馬,走勢雖然唔係好強但算係按部就班地跟得上.又再換配備加眼罩操個課生動而且輕爽.今仗快馬少如一早走得出,應該現到真身
是場心水:
7.驕陽飛駒-2.金碧亮馬-8.明駿之寶-9.極品絲綢 |
MSN:hippoatwork2006@yahoo.com.hk
BLOG:http://hkheadline.com/blog/list_blog_express.asp?f=2SRIYD8XQF150946
|
|
|
