話極退出都仲見報做宣傳的陳冠希 又回歸香港，口話要處理公司業務，實質四圍蒲，日前特意到名店買卡地亞訂情指環𠱁女，又速掃兩副逾萬元太陽眼鏡，陳CEO確係豪氣過人。
裸照事件對陳冠希的打擊有幾大？無人知，皆因這位開記招宣告無了期退出娛樂圈的男主角，至今仍無間斷見報做宣傳，一時拍西片，一時開時裝店，百足咁多爪，點知邊瓣有機跑出。
貴賓陳CEO得戚笑
最近，30歲仔做CEO的陳生現身中環名店，先掃卡地亞LOVE系列情侶指環的他，心情亢奮，即使見有記者在場，依然無理，自顧自走入置地溥儀揀太陽眼鏡，全程拿着電話傾唔停，陳生睇得上眼的，都會拿上手仔細形容給電話中人聽，唔使15分鐘，扑槌買兩副同款唔同色的太陽眼鏡，埋單$10,700，店員殷勤招呼貴賓，陳CEO受晒，笑得得戚。
離去見記者仲影，乜都唔講，招牌式笑容揮手講再見。無錯，大家的確再見，事隔兩日，陳CEO再次百忙抽空陪母遊中環，問他新年點過？陳CEO錯愕手指指說：「呢個咪我阿媽囉！」係係係，全世界都知你孝順，新年陪阿媽遊街，難度大家會覺得他大時大節只會攬女自拍搞氣氛？咪再亂諗。
陳冠希返港不忘掃貨𠱁女友楊永晴。
做佢條女 咪1-2日1次快操:ooo:
