靚模陳嘉寶和蔡穎恩（ Evelyn）近日經常出雙入對出席活動，就連接 job拍廣告也孖住上搵真銀，日前他們一起拍攝隱形眼鏡藥水的廣告，拍攝時有講有笑，即使要胸撞胸拍照也表現得十分自然，態度親密，兩人稱不怕傳出斷背戀， Evelyn更笑說：「我係有少少寒背，不過我哋都鍾意男仔。」
o靚模陳嘉寶和有份參演電影《歲月神偷》的蔡穎恩憑清純外形得到不少工作機會，經常孖住上出席活動搵真銀，近日他們更齊齊接拍一個隱形眼鏡藥水廣告，實行組成「新 Twins」。
細心為友撥髮
日前陳嘉寶和 Evelyn到牛頭角拍攝廣告硬照，兩人分別演繹 5個不同造型，包括 OL、活潑少女及運動健將等。
現場見陳嘉寶和 Evelyn在鏡頭前後均表現得相當親暱，為拍照更不時要做出胸貼胸或大腿貼大腿等動作，不過兩人都沒有流露尷尬神色，還表現得十分受落，陳嘉寶並不時細心為 Evelyn整理頭髮，似乎不怕過份親暱而傳出斷背戀。
陳嘉寶和 Evelyn笑言兩人情同姊妹，所以親暱拍照也不會覺得尷尬，至於會否怕被傳斷背，陳嘉寶即搞笑說：「我好直 o架。」 Evelyn也搶着說：「我係有少少寒背，不過我哋都鍾意男仔。」
雖然陳嘉寶和 Evelyn感情要好，但品味及行事風格迥異，所以她們異口同聲表示除了荷李活型男尊尼狄普（ Johnny Depp）之外，一點都不擔心會愛上同一個男仔， Evelyn笑說：「我哋未試過鍾意同一個人，好似我鍾意食辣，佢就唔食，大家口味都唔同。」
