妄攝o靚模出位，寫真大賣，當中年僅18歲的翻版李嘉欣陳雅絲（Cat）原來是末代會考生，對8月4日放榜十分緊張，昨日更冒住黑雨，孖好姊妹鍾永慧Iris到尖沙咀加連威老道gi商場掃貨減壓，其間更捉住駐場居士贈言，記者聽到她被叮囑「做娛樂圈要主動，你會被性格拖累。」又啱喎，唔主動又點上位。
為減壓，翻版李嘉欣Cat懶理黑雨警告，約埋孖好姊妹Iris到尖沙咀gi商場掃貨，兩人谷胸上陣，大晒事業線，令在場男士睇到眼定定。
居士提示要主動
商場近期舉辦一個撐會考生活動，以大熱神算保羅及居士為會考生問卜，又大派現金劵。兩女在女裝部狂掃低胸短裙，買至興起，Cat更索性走出試身室，在鏡前自轉。買到大包小包，兩人再找神算保羅預測會考分數，
之後又找居士問前程，記者走近聽到居士說：「你個人好堅強，要好有決心喺娛樂圈發展，但會遇上很多是非和風浪。而且你亦要主動啲，性格太靜都唔係好。」Iris則被指感情用事，任性，需要人時刻提點，Iris聽後大呼好準！離開時見有記者，Iris即說：「商場好多不同有趣的飾物，又有靚衫賣，老闆娘話每件衫都只入幾件，唔怕會撞衫。」身旁的Cat則興奮地說：「個商場好正，唔止有靚衫賣，仲有得占卜，保羅話我會考14分以上！」
