石詠莉昨日為三級片《3D肉蒲團》錄主題曲，性感女模出身的她，斥性感o靚模已太濫，更大爆有人開「上牀價」，涉事者的英文名就包含C、D及疊字！
性感組合Freeze拆夥後，石詠莉單飛，繼續在樂壇發展。她昨日以密實Look錄音，說不想再以性感作招徠，問她是否不屑現在有太多性感o靚模？
她直言太濫、太多，又大爆有o靚模「賣身」，她說：「某部份好離譜，開埋上牀價，搵食啫，唔使行到呢一步！每次價錢幾千到幾萬不等，我識佢哋，但唔係朋友囉！」
微博中勸女孩子「回頭是岸」
問石詠莉是否有證據？她說：「畀錢嗰個親口同我講，係我朋友嘅朋友。（你曾被問過價？）梗係有啦，問過幾次！」石詠莉續指「賣身o靚模」的名字中有「C」、「D」和疊字，有記者問她口中的「賣身o靚模」，是否出現過在「o靚模援交」的雜誌報道中？石詠莉即點頭，她其後在微博中勸女孩子「回頭是岸」。
就石詠莉的言論，o靚模DaDa Chan（陳靜）透過經理人表示，不會回應；DaDa Lo（盧頌之）則說：「無接過類似邀請。」「浸大E神」Carol（楊梓瑤）就表示：「畀錢上牀係犯法，我唔做呢啲嘢。」周秀娜（Chrissie）就似反窒石詠莉道：「我忙到連吃飯都無時間。我又無整容，做乜問我！」
