多得老闆小小超李澤楷肯泵水，全城關注「撳錢」黃婉曼，人氣再度爆升。日前晚上，黃婉曼約埋廣告商飯聚，為新清熱產品「Kiwi Cool」度橋宣傳，玩拋橋？對慣性食腦的黃婉曼�謠縑Aeasy job！�蠿麈Z廣告客笑聲不絕，最緊要開心，黃婉曼再主動為眾人挾魚生、遞紙巾，咁識做人，難怪長做長有。

　　26歲的黃婉曼「撳錢」上位，全民皆封宅男宅女，無非想撳中獎金，鏡頭前的黃小姐，繼續傻大姐式招牌笑容，被關注指數每日飆升，火速成為廣告商寵兒的她，出騷拍廣告冇停，真係去到邊，都見到呢位宅男女神。

　　繼「奇異瘦」健康食品廣告後，黃婉曼再下一城，接拍「Kiwi Cool」清熱產品廣告，同一老闆，酬勞依然和味，輕輕鬆鬆袋六位數快錢，黃婉曼自然要加多兩錢肉緊。上星期，應廣告商之邀，跟巿場部工作人員，到佐敦「牛皇」打邊爐飯聚，順道傾談宣傳計劃，一行十二人，坐埋一齊諗計度橋。


　　拋橋笑唔停

　　當晚所見，悉心打扮的黃婉曼甫到場，便跟巿場部「一哥」坐埋邊密密斟，人人拋橋，「打野戰、巡火鍋店、街頭贈飲」，一人一句，笑聲不絕。及後，黃婉曼主動為眾人挾魚生，「花竹蝦好新鮮呀，你快�灟��魽A謝謝你呀！」笑住口挾件刺身給巿場部「一哥」，又與工作人員打成一片，黃婉曼果然識做。