暑假還有三個月就到，又是o靚模們賣肉搶錢的好時機，已屬神枱級的周秀娜及Jessica C.等已講明因太忙可能今年無暇拍寫真，宅男們當然極失望，不過，好身材索模何其多，日本通王友良Ivan便帶了有「翻版藤原紀香」之稱，擁33C驕人上圍的日本索模小水彩Aya K來港食大茶飯，「我好羨慕師姐馬瑙Kate M有好多Job，又可以同伊健同台做Show，我會以師姐為目標。」問到點睇周秀娜及Jessica C.，將於五月正式攻港的小水彩即挺起胸膛說：「我是來搶飯碗的。」言語間擺明不放兩位阿姐在眼內。
27歲，貴為日本OL時裝雜誌《Can Cam》專屬模特兒的小水彩去年被Ivan睇中，簽約收歸旗下後即由日本轉戰到港發展。由於Aya的爸爸是髮型師，媽媽是Fashion Stylist，所以她3歲已入行拍廣告，模資超過20年，經驗絕對十足。來港後，Aya經常孖住王友良出騷亮相，來港不久便被側田睇中邀拍收山最後一首MV《Saranghae》（韓語-我愛你），佢仲大爆側田對她勁殷勤。「佢好gentleman，拍MV嗰日買飯盒畀我食。」讚拍擋之餘，Aya對經理人亦大賣口乖：「我去年三月第一次來香港，已愛上這個地方，購物又平又方便。Ivan雖然工作忙，但有時會陪我去買衫，接Job又謹慎，唔會叫我影好Cheap嘅性感相。」
自信爆棚
讚完拍擋同經理人後，好嘴甜的她亦不忘大擦師姐馬瑙（Kate M）的鞋，「佢喺中巴混血兒，上圍有34D，樣靚身材又好，簡直係我眼中嘅女神，入行無耐，就有機會同鄭伊健喺演唱會上跳舞，俾過萬人欣賞，真係好羨慕佢。」問到會否羨慕神枱級女模如Jessica C及周秀娜？Aya即時昂首挺胸笑說:「我覺得日模擺甫士同包裝都好過香港好多model，我身材也不差吧。」
