寫真大戰下月即將展開，雖然一班o靚模聲言會施展渾身解數，務求露出一片天，但露極有個譜，始終會穩守最後三點防線。不過人算不如天算，最近剛拍罷電影《喜愛夜蒲》的「葛女郎」Phoebe（許穎），近日在網上竟然有批疑似她的裸照流傳。昨日忙於為新歌拍攝MV的Phoebe，承認早前遺失了手機照片可能因而外洩，提到裸照被公開一事，她不禁哭訴：「我俾人睇晒啦！點算呀！」\
Phoebe昨日為新歌《回憶》拍攝MV時接受本報訪問，她承認上周在商場洗手間留下電話，「我嗰日做完嘢，去咗商場買嘢，點知去洗手間擺低咗個電話之後，就唔記得咗攞返，之後返轉頭都已經搵唔到啦！」
貪玩惹禍
Phoebe提到遺失電話一事仍留有餘悸，原來她在微博留言希望好心人執到會送回給她，但竟然被人出言威脅，最初她以為只是網友講笑，怎料近日她的秘密裸照在網上流傳，令她更覺害怕。她說：「個網友喺微博度話執到我電話，仲威脅我唔好報警，唔係會將啲相放上網，我以為佢講吓笑，但係之後就有記者問我呢件事，我先知啲相真係俾人放咗上網啦！」
向來拍戲影相不錫身的Phoebe，對於今次三點盡露人前，她不禁哭着說：「拍戲同影相會做晒安全準備，一定唔會走光，但係呢啲係我貪玩影，冇諗過畀人睇到，點知會搞成咁，依家我咩都俾人睇晒，真係唔知點算呀！呢次真係好大教訓，以後我都唔會再影呢啲相，亦都會小心保護財物。（仲會唔會有啲更激㗎？）肯定冇，呢啲我都只係貪玩先影咋！」
