以歷史觀點看今季打吡大賽
南北半球馬的迷思
一般印象中,南半球馬較早熟,而且中短途馬居多.而北半球馬較遲熟,而且需要更多時間去適應水土,但係馬匹較有長力.
不過用2000年以來的14匹打吡冠軍來做指標,南北半球馬平分秋色,各佔七隻.
值得一提的是七隻南半球打吡盟主中,有六隻來自紐西蘭,只有一隻勝威旺來自澳洲.大家唔好忘記大衞希斯係澳洲根基深厚,較易取得好馬.所以我對澳洲運港的長途級際賽份子甚有戒心. 要知道澳洲好的長途馬較少,一旦手握良駒,就不會輕易割愛.而歐洲的長途菁英輩出,所以賣一些質素稍次的馬匹來港,也足以稱霸香港長途賽.
至於紐西蘭馬點解可以出咁多打吡冠軍,我相信絶非巧合,在此希望有識之士能指點迷津.
路遙知馬力
以前打吡跑千八米,有D長力不足既馬,亦有機會賺慢步速偷下雞.自轉跑二千米之後, 無一隻可以由頭帶到尾贏馬,歷年冠軍都有強勁的變速能力.而且每隻打吡之前都贏過千六或以上. 香港高班長途賽事不多,如果能在打吡前贏一場千八或上的賽事,會令人更有信心.如事事為王,閒話一句,打吡之前贏千八巳顯出皇者氣勢.
適應水土更重於級數
眾多外國級數好高既馬,運港後跑來一無是處,除了有些馬匹有傷在身之外,主要原因係未能適應水土. 2000年以來,歷年冠軍在打吡之前至少在港贏過一場.所以證明巳適應香港水土非常重要.
今季打吡要角
我覺得今季打吡係大摩雙雄步步友和威爾頓之爭.
兩駒之中我覺得步步友質素較高,更具爆發力,以血統來計,步步友應該係一匹中短途馬,能贏千六巳經算係破格,但係要跑到二千,我有點懷疑步步友的長力.但係經典一哩賽應該係步步友的囊中物.計打吡機會,我更睇好威爾頓,此駒下線家族長力深厚,上次贏千六轉彎巳經要力策, ,增程肯定更啱跑.該場末段爆出一段21.93,呢種爆發力,無幾多隻四歲馬可以擋得住.綜合馬匹級數,長力,爆發力,水土適應以及練馬師等種種因素,我最睇好威爾頓可以成為今季打吡盟主.
[ 本帖最後由 阿源 於 22/12/2013 11:08 AM 編輯 ] | |