唔講真係唔知....
--
烙號拍賣 多多益善
馬匹烙號，好比汽車車牌，係一個代號，查找車牌，就可以翻出車主資料，同樣，一睇烙號，就可以查找馬主是誰。烙號，是烙在馬匹身上，號布，則是披在馬背上的烙號，方便馬房上下以致馬迷觀操者識記。
以往的車牌，一般都是輪號碼排序，只有少數預留，可供特權人士，亦可作慈善拍賣，如今，車牌甚至可以完全不按排序，自我創意，只須交付特別牌照費即可。原來，馬匹烙號比起車牌更有彈性，老早就不必跟大隊排冧巴，大可自選號碼，只是一般馬主不知情而已。
「堅旺財」馬主兼馬會董事郭志桁有新馬到港，原本按序編號P274，但郭董「唔收貨」，相信因為諧音不好意頭，於是重新按序延後獲配P314，郭董又「唔收貨」，終於再順延一個冧巴，變成P315，郭董亦不為已甚，OK啦！因此，P274與P314兩個烙號就留「空」。
郭董的實例揭示了原來馬匹烙號係可以自由選擇的，假如秦瓊老友馬主榮日後有馬抽到烙號167或169，我必會建議他敬謝不敏「唔收貨」，堅持要中間落墨，選取168，夠晒好意頭嘛，秦瓊也建議馬會不妨留起好意頭烙號拍賣，以作行善。
今期推介「紀利威威」，1400米耍家，曾大勝「綠豆爽」個半馬位，上仗回勇，今仗到位，坐位望贏。
http://www.hkdailynews.com.hk/booklet.php?id=270423
--
烙號不吉 可以唔要
上期睇見樓上阿嵐講，先知原本每季幾百個馬匹烙號，唔係個個number都有馬用，咁又係鮋，香港中國人社會，有人胸無城府，亦有諸多禁忌，就好似有鱓大廈，明明有第14層，都會由13樓一跳跳上15樓，又或將14樓以13A代替，再極端鱓就連4樓甚至24、34樓，總之有個4字尾就唔要，不過講到尾，好多人寧可信其有，尤其電梯係公家設施，樓層就係用家地方，大家求個安心就OK，好過萬一有乜事賴三賴四，先再補鑊咁就無謂。
咁馬又點呢？問過馬會老友，原來今季暫時為止，先冇 P274，再冇P314，咁點解又有264、284及304鮋？老友話，呢個係應馬主要求，且係非一般馬主，主角係今次有份跑鮋「堅旺財」馬主兼馬會董事郭志桁。老友指出，郭志桁早輪有匹新馬到港，按排序烙號係P274，雖然唔知佢有冇提出理由，但唔使問都知嫌個諧音唔好聽，賽事部呢頭收到上頭柯打，轉頭又到新一批南半球馬到港，於是呢匹「旺財」系新力軍號碼順延，一跳就跳到上P314，點知呢個number仲衰，於是又留空314，郭志桁隻新馬終為P315。回顧今季出道鮋上季馬「小母牛」烙號N444，馬主杜太一家冇意見，目前四戰兩W兩P，表現都不知幾好，所以話要趨吉避凶，或者會否諗多鰦，絕對只係因人而異。
http://www.hkdailynews.com.hk/booklet.php?id=270430
