安田記念的投注回憶...及今年名燈心水~~
回想自己第一次投注安田,就係響1999年,當年資訊無而家咁發達,而自己又受日本賽馬遊戲影響,所
以選馬多以"近績"為依據,仲記得1999年o個年,自己係買空中聖戰+草上飛呢條大熱q,點解咁買呢?
遊戲角度,自己訓練d馬多數會跑左京王之後再跑安田,而呢2隻馬又的確真係響京王串q,所以信心
增大~現實角度,一向係京王有表現o既馬都會響安田有表現,之前2年大樹系就係連勝京王同安田~
結果:幸運地中左,當日仲係入場睇跑馬呢,特別開心~~
2000年,今年非常特別,因為我地香港馬王靚蝦王遠征,但因為自己受到上年經驗影響,所以主力
都留意京王有賽績o既馬(而且自己玩日本game太多,攪到自己好小日本主義呢)最後,自己買左
京王跑第2 o既黑鷹win,點解唔買第1名隻馬買第2名呢?原因好簡單,因為當日非常巧合,係香港
有黑鷹o既同母弟弟"好運氣氛"出賽,傻傻地o既我就走去買呢2隻兄弟win,希望2兄弟同日揚威啦~
結果:呢2兄弟同日失威,隻好運氣氛跑完呢場仲退役tim~
2001年,最噴血o既一年,點解?因為見到上年靚蝦王o既雄姿,小弟也再不假思索,買左靚蝦王做膽
拖3隻腳o既連贏,以為滿心歡喜可以收錢啦,點知.....
結果:爆左上年我買o個隻黑鷹出來win左,靚蝦王影都唔見,而黑鷹跑完呢場又退役~
02,03年,印象中好似無投注,定係無轉播,所以都係一個字..無~~
2004年,今年又回歸京王懷抱,又係買左京王第2名o既千里通(又係買第2名?)無他,因為呢隻馬
有外出紀錄,所以比較留意佢~~
結果:比一隻響長途經典賽常入位o既鶴丸小子殺哂,經此一役,更加覺得日本短距離水準極低~~
2005年,又係重要o既一年,精英大師出征啦,但我又無買佢~~今年我更加專心去刨賽績,特別留
意馬場特性,發覺東京馬場係超級不利前領馬,所以對大師又戒心~~而自己最後買左京王第一名
淺草田園做膽(終於買返第1名啦),拖牛精福星同三連冠2隻大後上馬~~而買淺草原因,因為此馬
有5勝東京馬場紀錄,係全場之冠,隻三連冠都有3勝東京馬場紀錄呢~~
結果:牛精後上不及,第2名又係一隻跑長途經典賽又好成績o既東商變革,之前隻鶴丸小子o既理論
忘記了,該死~~
2006年,又係吐血o既一年,今年買左勝利飛駒做膽拖上年隻淺草,同京王第3名以前中過o既千里
通,點解用飛駒做膽,原因好簡單,因為上年成日中佢,雖然牛精響香港贏佢,但上年見隻牛精響安田
跑,轉彎好似又d唔順,所以飛左佢~~
結果:都話吐血架啦,今年又跑左上年我買條q出來....天呀,做咩咁玩我呢?連個天都唔種意我?
2007年心水,今年選馬,看來同上年一樣,可以唔理會京王指標了~近2年京王指標失準,相信係賽事水準太弱,而且三甲馬多是前領型,單係
一隻"我情可待",竟然已經連續3年在京王上名及奪冠,但此馬跑2次安田就跑出第10,第11,又看看今次第3次如何呢?
另外,今場其中一隻熱門"大和主將,呢隻前領馬2次跑安田以上年個第4最接近,但今年有隻"金剛力王"加快前面步速,對佢非常不利呢~~
而且同場又有隻礦物奇趣,相信步速相當地快,所以今年沿用上年戰略,買哂後上馬~~
而後上馬之中,個人覺得以"勝利飛駒"會係最穩,因為佢同4匹香港馬響冠軍一哩中,以佢後勁最厲害,而且佢上年已經有一次遠征安田紀錄,
有點牛精福星影子,所以用佢做膽,而其他香港馬,先唔要"步步穩",因為此馬上場治用慢步速放頭戰略贏馬,今場就算改變後上跑法,感覺佢
o既爆發力不及另外3隻港馬,而"好爸爸"可以作腳,始終後上能力不弱,上場之敗步速太慢,而"星運爵士"比較而言好像一向是9~12月狀態
最好,而重點係換霍達會不會改成大後上馬,如果真的轉成大後上跑法也一定要拖腳,看過女皇銀禧此馬的追勁你就不用懷疑~~
而日本馬方面,原本會留意那隻眾人焦點"大和主將",但因為同場太多快馬,而且此馬賠率一定偏熱,所以最後不要~~
而基於之前提到長距離經典賽實力馬匹縮程會有不錯表現,所以留意一下那隻"愛慕之吻",此馬賽績就無東商變革咁好,因為牝馬3冠3場都係
大熱門跑得接近,但今場飛走武豐變成冷門,拖冷腳不妨,另一隻就要武豐隻"鈴鹿鳳凰",完全只喜歡此馬係後上馬,而且曾經在東京新聞盃
後上贏馬,證明場地性能無問題,只係擔心此馬由3月25日到現在6月才跑,相距太遠唔夠fit~
心水:勝利飛駒(膽)拖
-->好爸爸,星運爵士,愛慕之吻,鈴鹿鳳凰
大家o既投注回憶又係點o既呢?:loveliness:
[ 本帖最後由 莫問我是誰 於 2/6/2007 07:12 PM 編輯 ]
|
