香港練馬師高薪厚祿年賺$500萬閒閒㳜!! - 香港賽馬討論區 - 賽馬世界

馬俠

虛擬馬主

UID 3905
精華 1
積分 0
帖子 17549
港元 5525 萬
存款 10 萬
聲望 172
閱讀權限 20
註冊 6/7/2007

#1

發表於 17/8/2008 10:45 AM 資料短消息

香港練馬師高薪厚祿年賺$500萬閒閒㳜!!

香港賽馬既以水準高聞名於世，獎金之高亦為世上數一數二。在這遍地黃金的馬圈中，練馬師高薪厚祿，以蔡約翰、方嘉柏、告東尼、大摩等冠軍級人馬為例，一年「閒閒㳜」五百萬獎金落袋，還未計馬主打賞、個人投注回報、練馬費等收入，難怪個個腰纏萬貫，身家隨時拍得住大公司老闆，部分本地練馬師甚至早已躋身富豪行列。
上季共有三位練馬師落袋獎金超過五百萬，其中大摩高踞第一位，佢贏得高班賽及大賽多，自然豬籠入水，單係「爆冷」奪女皇盃及遠征杜拜入Q，已經為摩𤐵進帳不少。獎金榜排第二及第三位的告仔及方嘉柏，上季雖然頭馬數目並非太標青，但一樣有唔錯簕「收入」。至於贏馬最多的蔡約翰，當年從澳洲轉戰香港，至今五度封王，上季他總共奪得四千八百五十一萬六千七百元獎金，當中練馬師佔九點二個巴仙，神仙蔡實際四百四十六萬多元落袋，每月平均收入約為四十四萬元（以馬季十個月計），乃另一位馬場「大富翁」。

從練搵錢瓣數多

「正掟」搵得多，練馬師「下欄」也不少，平日馬主打賞不計其數。香港練馬師非馬會僱員，賭馬雖則有贏有輸，但至少多一條搵錢途徑。香港馬會向馬主收養馬費，練馬師免除後顧之憂，而很多馬房物料例如墊馬格所用的報紙，亦由馬會供應，實際練馬師在港經營馬房，成本有限，收入多而開支少。
每匹馬收六百元練馬費，一視同仁，連同獎金，馬會每月自動過戶，練馬師乾手淨腳兼「薪高糧準」，蔡約翰、大摩、方嘉柏經常爆倉，每月再有三萬六千元袋袋平安，「正掟」加「下欄」肥過肥仔水！
誠如德國名牌薛達志所言，當初正是被香港豐厚獎金吸引，才決定毅然放棄國家祖業來港開倉，金錢誘因令他難以抗拒。

貧」極都唔失禮

不過「同人唔同命」，在港當練馬師也分「貧富」兩級，若然神仙蔡、小方、告仔屬於富貴級，則伍碧權、告達理、鄭俊偉之流以上季獎金計，個人落袋不足一百萬元，平均每月僅得七、八萬，雖好過不少打工仔，但一家大機構中層管理人員月薪也隨時不止此數，因此這類練馬師只能歸入「草根階層」。
一水之隔，澳門今季準冠軍練馬師梁國浩截至本月十四日為止，季內總獎金一千五百多萬元，個人佔一成，實則落袋一百五十萬左右，其收入高過香港的「草根階層」同儕，但較之蔡約翰、方嘉柏及告東尼卻是小巫見大巫，別人一季獎金，等於自己三季，梁國浩惟嘆「同人唔同命」！

*練馬師主要收入及福利*
．每匹馬每月練習費$600 ．佔旗下馬獎金9.2% ．馬會宿舍或房屋津貼．馬主派紅錢？．投注獲利？

[size=+0]蔡約翰點搵咁多？

[size=+0]
每月練馬費　　＄ 36,000
每月平均獎金　＄446,000
每月平均收入　＄482,000
註：以馬季十個月計
以蔡約翰為例，他擁馬60匹，每月練馬費收入為$36,000，平均獎金約$446,000，這兩項可見收入合計每月約$482,000，他一年便有接近五百萬元收入，難怪賀賢、薛達志、蘇保羅個個仆到𨪛！
值得一提，上季為蔡𤐵進貢獎金最多的功臣乃「好利威」，此駒只跑四場（連同遠征日本安田）獲一冠兩亞，總獎金超過六百五十萬，堪稱神仙蔡之「搖錢樹」。