嘻，又講千杯不醉
今日都輸到傻左，仲有0的輸到莫名其妙，但事後檢討仍是要做的。
上次我0係度批評「千杯不醉」0既跑法。之後隻馬連馬房都轉埋，而伍碧權擺左0係呢隻馬身上0既心機真係好多，所有基本功課重新再做一次先再上陣，結果今次柏寶騎，跑第二。拿，講明先，今次我亦都冇買佢﹗
陣上所見，今場跑倒入黎，最關鍵係馬本身進步左。今次隻馬排中內檔，運氣係好左，但隻馬跑來一0的都唔急，騎師冇乜花過功夫隻馬就已經自自然然留住來跑了，練馬師功不可沒吧。
而家好多練馬師畀策騎指示都係中方駿暉毒，又話想埋欄呀、慳呀，搵遮擋呀之如此類，實在愚不可及﹗如果怕隻馬難留，點解自己唔先練好隻馬，教好左隻馬，先交隻馬畀騎師發揮？如果以「千杯不醉」今日咁0既走勢，有冇遮擋都得啦﹗
而家諗番上次「千杯不醉」0既跑法，其實好多騎師都好鍾意咁樣救外檔，但「千杯不醉」出黎0既效果咁肉酸，一來湯智傑0既跑法的確係太粗糙，但練馬師唔搞好隻馬，又畀埋0的咁0既策騎指示，要留完隻馬跟住隊幾追番上黎之後再留﹗大佬，如果隻馬乖就話0者，明知隻馬口勁重，咁做就擺明係玩死個騎師。
所以我果日怪湯智傑，其實都係過份左，佢係有責任，但主要責任唔0係佢度﹗
今日「千杯不醉」讓「家家興旺」九磅而輸大半馬位，如果有減磅華將騎可能有幫助，十磅生經驗太少，騎以往曾經重口的馬有風險，唔，用湯智傑減三磅應該不錯﹗
| 
