姚本輝--相馬眼真的是A級??
最近睇返山高個網發現呢d傳言:
(1)香港練馬師(包括我親戚在內)來澳洲買馬，好多時不是自己去揀，而是靠代理去睇。老實講，一歲馬未成型，佢地邊識睇？而自購馬跑左咁多，邊隻用晒邊隻仲有剩，佢地都未必知。
(2)我都跟親戚去過唔少拍賣會，亦見過姚本輝買馬，通常佢都跟住佢個鬼佬代理，有時都見過佢拖住個女仔。
(3)唔知大家知唔知：「電子麒麟」係大摩響美國買，「正蝦王」係馬主代理法國婆買，「牛精福星」係莊士敦買。姚本輝的鬼佬代理的確推介佢買「蓮華生輝」，佢亦獨具慧眼，但卻無人熟悉打理。姚於是求教吳嵩，係吳嵩介紹干納斯幫佢初步訓練「蓮華生輝」。其實仲有好多關於「蓮華生輝」在澳洲的故事，遲D話俾你地知。
(4)我親戚的確有好幾位馬主拎住七八十萬叫佢買馬，但連佢都話難搞，而且亦吃過馬主虧，驗左馬有小瑕疵佢地唔認數，唔單至連獸醫費蝕埋，仲俾人出律師信──吳嵩篇文其實無錯，親戚俾我睇過D獸醫報告，用詞艱澀，水蛇春咁長。香港馬主不少唔識英文，用中文解極都唔明。彼邦獸醫可以pass隻馬，但又長篇大論講呢度唔妥個度唔妥，的確令人無所適從呢。
(5)我親戚講係佢練馬個陣，香港入口制十分容易，大把馬揀，只要你識睇，贏場埠仔賽事就黎得，而家又要幾多分，又要城市頭馬，揀的機會已經少左，再有獸醫攔多一攔，在物以罕為貴的情形下，幾十萬點會買到好馬呢？一有筍盤，大家一搶就立即起價。
(6)吳嵩其實睇馬幾好，連我親戚都讚佢：我記得97年佢已有自己馬在澳洲跑打比(佢仲同張定邦一齊去馬場睇過隻馬添)，而且仲響昆士蘭聖烈治跑第三，我都買中位置。個隻馬好似同「富有心得」差唔多價錢。我仲記得佢替張定邦買入「利達駿」時，仲親手拎錢去交易(因為我識車佢去交易的人)。我響澳洲拍賣會見佢買「通勝」「馬友寶」「名成利就」等，記憶中都好平。大家可以查拍賣行網頁。
留意第三點~~
仲有又有傳言靚蝦王係馬販直接聯絡劉生,劉生睇過馬,知道隻馬馬腳有少少問題都一樣扑鎚買.......
輝哥仲可唔可以叫相馬--A:ppp:
|
