原帖由 taxi2003 於 25/6/2011 01:39 發表
邊度黎既消息??:fff: :fff: :fff:
眾主餞別黃汝安
相信大家都知道，Alex黃汝安練馬師已決定收鑼後引退，跑埋呢4個賽日，就主動交番個牌畀馬會，Alex出名好好先生，人緣又好，雖然唔再做練馬工作在即，但人情依然在，Helen知道成班練馬師，包括絕大部份本地，及幾位外籍如阿Paul蘇保羅等，下周一搞咗個餞別宴，以示彼此友誼不變；聽聞Alex未來會幫相熟馬主買吓馬，有好貨色又會介紹畀啲練馬師好友，咁繼續同馬圈保持聯繫，又有啲世藝，咁樣其實都幾好，Helen衷心祝福佢事事如意，且會有更加好嘅發展。
自從Alex宣布唔玩，但佢啲馬主好好人，至今一隻都冇少到，作為長期戰友，個個都支持到最後一刻，好似昨晚谷中夜賽上陣嘅「南陽望族」，馬主安廐團體成員，已同告東尼傾好咗，暑期就會正式加盟，另外「勁飛駿」亦落實去蔡約翰，而副練興叔一班相熟馬主，如今戰「明興寶寶」等十隻八隻，將會一齊入伍碧權旗下，另外又有部份會去新練馬師高伯新。
至於此賽另一駒「駕世鞍」，Helen雖然未知動向，但就知馬主John McNie同Alex由郭靈華時代開始，相交兼合作咗廿幾年，如果響呢個告別前夕，「駕世鞍」乖乖哋贏番場，對佢哋嚟講，肯定百般滋味在心頭。
