30/07/2011(轉載自東方日報)


澳洲殿堂級高手白德民自07年重臨香港發展後，一直受聘於大摩，亦是目前唯一的馬房主帥。上季白德民以破紀錄的57W打入騎師榜前三名，同時協助大摩重奪冠軍，個人連續兩季取得逾六千萬獎金，名利雙收。雖然拍住波士在港橫掃無數大賽，捧盃捧到手軟，但仍未嘗取得遠征勝利，白德民寄望憑擬定11月出戰墨爾本盃的「火龍駒」，一圓多年夙願。
  
白德民

作為馬房主帥，白德民可以獲得坐騎的選擇自然不及韋達與柏寶兩位公司騎師，然而白德民認為與大摩合作愉快，將帥之間有商有量，因此樂於維持關係。此外，摩廐不乏高分佳駟，亦令白德民增加不少贏大賽的機會，上季合共捧走五項分級賽，成績驕人。不過，白德民與大摩攜手贏過不少大賽，但依然欠缺一場海外G1頭馬，白德民希望憑自己豐富策騎經驗，替波士達成目標。
  
火龍駒上季尾輕取遮打盃成為本港最佳長途馬，馬主洪祖杭（右）笑逐顏開。

火龍駒征澳啱晒


白德民說：「近年我夥拍不少摩廐佳駟南征北討，可惜先後失諸交臂，遠有『爆冷』於杜拜司馬經典賽飲恨獲亞，近有『同一世界』、『鳥語花香』分別在杜拜及新加坡跑入前列，但總是與頭馬無緣。不過，目前摩廐的確不乏精英，絕對有力染指海外大賽，如應屆最佳長途馬『火龍駒』明顯愈跑愈進步，最近一戰於2400米遮打盃取勝，盡顯能耐。根據我多年於澳洲策騎的經驗，我認為『火龍駒』愈長愈妙，挑戰3200米的墨爾本盃勝任有餘，我相信以牠的能力，有權替波士揚名立萬。」翻查資料，白德民分別於1990年及1996年憑「京士頓令」與「神聖」兩度捧走墨爾本盃，既然他對「火龍駒」有信心，機會絕對樂觀。
  
讚惑今季挑戰大賽


另外，大摩近年一直替馬主以高價從外地引入自購馬，自然有人覺得他以本傷人，用金錢換取成績。不過，白德民卻指出摩廐的PPG亦不乏佳作，價錢亦不算高昂，當中他對「讚惑」與「醒目精英」兩匹PPG的前景尤其睇好，他說：「『讚惑』上季三歲已取得4冠殺上一班，難度甚高，相信今季轉四歲會有更大進步，可躋身大賽行列；而季尾連贏兩仗的『醒目精英』，若非曾於馬房踢親，早已扶搖直上，如今牠在二班依然充滿戰鬥力，同樣前途無量。」



火龍駒3200到唔到阿:hhh:

[ 本帖最後由 阿源 於 30/7/2011 12:54 PM 編輯 ]

先唔理3200到唔到.....
會唔會去都已經成疑問:fff:

仲有人信？

仲有人信？

另一篇報導話火龍駒極有可能跑考菲爾德盃:fff:

直洛連跑兩場? :yyy:

當佢真係去先...
考盃>墨盃 呢個plan其實好正常:eee:

澳洲馬好正常 ! 佢唔記得左十二月香港有場一級賽 ? :yyy:  學好先生?

香港瓶要對住D歐洲馬根本無得揮:ccc:

晒9氣,,到時一係用檢疫or狀態做藉口縮沙

我睇隻馬個口應該唔到:ppp:

聽住先:fff:

大摩呢D野講左幾多年:kkkk: :yyy: ?

去到先算:kkkk:

咁風雲小子同步步速都真係有去過澳洲跑:fff: 不過巳經係N年前的事:hhh:

風雲小子都5 - 6年前:yyy: 呢幾年暑假都話派馬過去:kkkkk:

檢疫問題仲未完滿解決..聽住先:yyy:

讚惑同醒目精英應該主攻 Classic Mile:yyy:

[quote]原帖由 asiadragon 於 30/7/2011 01:59 PM 發表
檢疫問題仲未完滿解決..聽住先:yyy:

讚惑同醒目精英應該主攻 Classic Mile:yyy: [/quote}
DEL

仲有軍事攻略:yyy:  火龍駒出年2000 夠做雄心威龍:iiiii:  <幻想

大摩仲未係海外賽事揚威.

反而姚本輝就威左好多次.
方嘉柏都有.