告 達 理 上 季 勝 出 21W ， 比 對 前 季 的 17 場 頭 馬 ， 成 績 已 有 所 提 升 ， 不 過 始 終 兵 力 有 限 ，
今 季 要 保 持 20W 以 上 並 不 容 易 。 而 馬 房 的 銀 行 馬 應 不 離 「 百 笑 」 、 「 瀟 洒 大 少 」 及 「 功 夫 」 等 幾 駒 。
鎮 倉 寶 方 面 ， 當 然 是 今 季 可 望 續 有 進 步 的 「 時 尚 風 采 」 。
「 百 笑 」 首 季 跑 新 馬 賽 兩 戰 皆 獲 第 5 名 ， 成 績 算 中 規 中 矩 ， 上 季 評 56 分 起 步 ，
限 於 進 度 及 比 較 遲 熟 ， 首 3 仗 俱 只 是 後 上 得 個 近 字 ， 直 至 第 4 及 第 5 仗 分 別 跑 入 第 5 及 第 3 名 ，
才 開 始 嶄 露 頭 角 ， 其 後 進 軍 2200 米 大 長 途 ， 亦 跑 第 5 名 而 回 ，
明 顯 試 到 準 晒 ， 季 尾 1 役 兵 行 險 用 梁 明 偉 縮 程 跑 谷 草 一 哩 ，
居 然 可 後 上 爆 18 倍 冷 門 ， 由 此 可 見 此 駒 能 力 不 俗 ， 今 季 更 成 熟 起 碼 有 兩 至 三 場 頭 馬 。
「 瀟 洒 大 少 」 上 季 6 戰 雖 未 能 打 開 勝 利 之 門 ， 但 亦 場 場 跑 得 接 近 ， 最 終 上 名 成 績 為 1 亞 2 季 ，
以 一 匹 3 歲 馬 來 說 ， 已 經 及 格 有 餘 ， 今 季 評 54 分 起 步 ，依 然 屬 虛 分 性 質 ，
保 守 估 計 會 有 15 分 以 上 升 幅 ， 換 言 之 2W 應 該 冇 走 雞 。
「 功 夫 」 雖 然 因 健 康 問 題 跑 得 少 ， 但 至 今 3 次 上 陣 獲 2 亞 ，
其 中 1 場 仲 只 係 以 頸 位 輸 畀 「 鐳 老 虎 」 而 壓 倒 「 威 利 來 」 ， 後 駒 其 後 連 捷 兼 征 服 三 班 賽 事 ，
目 前 已 加 至 76 分 ， 反 觀 「 功 夫 」 仲 係 評 58 分 ，
單 係 呢 條 數 都 起 碼 有 2W ， 不 過 始 終 要 留 意 此 駒 的 健 康 進 展 。
新 秀 馬 ： 鏡 寶 可 贏 上 三 班
「 鏡 寶 」 上 季 雖 然 未 能 贏 馬 ， 但 5 次 出 賽 表 現 一 仗 比 一 仗 好 ， 當 中 最 後 一 戰 角 逐 四 班 1600 米 賽 事 ，
後 上 跑 入 第 2 名 ， 而 該 場 頭 馬 「 超 理 想 」 再 出 亦 獲 1 亞 1 季 上 名 紀 錄 ， 足 證 「 鏡 寶 」 具 四 班 頂 水 準 。
上 季 3 歲 的 「 鏡 寶 」 已 可 交 出 高 水 準 表 現 ， 潛 質 一 定 高 。
這 匹 Cape Cross 子 嗣 今 季 轉 4 歲 應 會 繼 續 有 進 步 ， 必 可 贏 上 三 班 。
鎮 倉 寶 ： 時 尚 風 采
告 達 理 馬 房 鎮 倉 寶 一 定 係 「 時 尚 風 采 」 ， 上 季 在 港 初 出 除 首 仗 跑 第 4 外 ，
其 餘 8 仗 均 非 冠 即 亞 ， 共 獲 5 冠 3 亞 佳 績 ， 彷 如 提 款 機 一 樣 。
今 季 4 歲 肯 定 仲 有 大 幅 進 步 ， 有 望 攻 下 一 系 列 4 歲 馬 大 賽 ，
包 括 最 高 榮 譽 打 比 在 內 ， 不 妨 拭 目 以 待 。
出 擊 月 份 ： 開 糊 後 攻 勢 凌 厲
告 達 理 馬 房 因 為 兵 源 少 的 問 題 ， 上 季 明 顯 較 為 慢 熱 ， 要 遲 到 10 月 中 才 開 糊 ，
不 過 遲 到 好 過 冇 到 ， 在 10 至 12 月 大 舉 出 擊 ， 「 o彭o彭聲 」 已 掃 走 11W 之 多 ， 已 起 到 穩 定 軍 心 的 作 用 。
1 月 份 冇 馬 贏 應 該 係 回 氣 階 段 ， 到 2 月 份 再 添 3W ， 4 至 7 月 份 則 合 共 取 得 7W ， 總 括 黎 講 表 現 絕 對 唔 差 。
展 望 今 季 出 擊 模 式 應 該 差 唔 多 ， 尤 其 只 要 見 佢 開 糊 後 ，
攻 勢 會 一 浪 接 一 浪 ， 屆 時 將 會 係 捧 此 廄 馬 的 最 佳 時 刻 。
博 殺 招 數 ： 新 勝 馬 喜 乘 勝 追 擊
告 達 理 馬 房 上 季 搏 殺 手 法 最 大 特 色 係 旗 下 馬 喜 歡 連 拼 ，
如 「 小 武 士 」 ( 圖 ) 、 「 小 福 星 」 、 「 時 尚 風 采 」 及 「 叫 關 領 」 4 駒 ， 全 部 均 有 打 疊 贏 馬 紀 錄 ，
反 映 此 廄 好 開 廄 馬 ， 狀 態 一 定 可 以 保 持 到 ， 今 季 不 妨 繼 續 追 捧 告 廄 贏 完 再 上 陣 既 馬 。
最 後 一 提 是 ， 告 廄 馬 跑 短 途 賽 事 ， 成 績 認 真 麻 麻 ，
上 季 於 谷 草 1000 及 1200 米 、 田 泥 1200 米 及 田 草 1000 米 四 個 路 程 ， 皆 冇 頭 馬 交 出 。
所 以 今 季 在 此 數 據 未 有 突 破 前 ， 實 在 不 宜 追 捧 此 於 短 途 上 陣 的 戰 馬 。
用 人 策 略 ： 高 雅 志 贏 14W 最 多
告 達 理 上 季 最 倚 重 騎 師 一 定 係 南 非 好 手 高 雅 志 ( 圖 右 ) ， 事 關 騎 練 合 作 共 交 出 14 場 頭 馬 之 多 ，
已 佔 其 頭 馬 比 率 達 三 分 之 二 ， 而 且 全 部 都 係 10 倍 以 下 的 有 飛 馬 匹 ， 反 映 幕 後 人 士 信 心 十 足 。
其 次 則 輪 到 杜 鵬 志 及 杜 利 萊 ， 各 自 替 告 廄 取 得 兩 場 勝 仗 。
至 於 華 將 方 面 ， 上 季 僅 得 梁 明 偉 曾 替 告 廄 建 功 ，
在 季 尾 爆 冷 勝 出 「 百 笑 」 ， 反 映 告 廄 馬 匹 用 華 將 絕 對 捧 唔 過 。
王 登 平 點 睇 ： 有 賢 內 助 分 擔 工 作
告 達 理 是 告 東 尼 的 哥 哥 ， 很 多 人 都 知 ；
不 是 很 好 感 情 的 兄 弟 ， 也 很 多 人 都 知 。
告 達 理 一 早 已 立 志 要 做 騎 師 ， 早 年 到 英 國 學 藝 ， 竟 與 黃 汝 安 跟 同 一 個 練 馬 師 學 習 ，
黃 汝 安 學 練 馬 工 夫 ， 告 達 理 則 學 騎 ， 兩 人 他 鄉 遇 故 之 。
告 達 理 學 成 之 後 回 港 策 騎 ， 當 時 告 東 尼 已 經 相 當 紅 ， 兩 兄 弟 也 常 常 同 場 較 量 ，
由 騎 師 鬥 到 現 在 做 練 馬 師 ， 有 人 說 無 怨 不 成 夫 婦 ， 原 來 兄 弟 也 如 是 。
告 達 理 的 騎 功 不 算 好 ， 所 以 騎 師 生 涯 不 算 長 ， 之 後 走 向 幕 後 發 展 ，
不 久 做 了 方 ( 方 祿 麟 ) 副 練 ， 幾 年 後 便 升 正 做 練 馬 師 。
告 達 理 開 倉 十 多 年 的 成 績 都 只 屬 普 通 ， 只 有 在 01 至 02 年 度 馬 季 頭 馬 超 過 40 場 ，
卻 有 多 屆 是 20 場 以 下 ， 沒 有 出 過 馬 王 級 分 子 ， 亦 沒 有 贏 過 打 比 ， 平 平 穩 穩 的 生 涯 。
告 達 理 為 人 低 調 ， 沉 默 寡 言 ， 性 格 內 斂 ， 耷 低 頭 行 好 像 「 好 多 o野 諗 」 ， 其 實 不 然 ， 性 格 是 這 樣 。
與 告 東 尼 一 樣 ， 告 達 理 有 個 好 太 太 ， 可 以 幫 手 應 酬 馬 主 ， 尤 其 告 達 理 不 善 交 際 ， 分 擔 了 不 少 工 作 量 。
本 身 是 個 很 勤 力 的 人 ， 會 自 己 操 馬 ， 每 朝 第 一 匹 出 跳 的 ， 很 多 時 都 是 告 廄 馬 ， 多 年 來 都 是 這 樣 。
部 署 叫 關 領 出 色
練 馬 功 力 雖 然 不 算 深 厚 ， 但 多 年 的 經 驗 ， 爛 船 始 終 都 有 三 斤 釘 ，
上 季 一 匹 「 叫 關 領 」 養 得 出 神 入 化 ， 季 初 3 捷 加 分 後 ， 季 尾 轉 到 更 利 放 的 谷 草 1650 米 再 添 兩 W ，
部 署 上 十 分 成 功 ， 變 通 得 夠 快 ， 狀 態 由 季 初 保 持 到 季 尾 ， 也 不 易 做 到 ， 告 達 理 實 在 功 不 可 沒 。
展 望 ： 上 季 「 時 尚 風 采 」 與 「 叫 關 領 」 兩 駒 合 共 勝 出 10 場 ， 已 差 不 多 佔 告 達 理 頭 馬 總 數 的 一 半 ，
如 果 下 季 沒 有 這 樣 的 多 捷 馬 ， 他 的 成 績 會 一 落 千 丈 。 況 且 廄 內 新 血 不 多 ， 形 勢 並 不 樂 觀 。
珊 翠 絲 報 料 ： 黃 錦 燊 睇 好 盈 然 贏
與 不 少 中 游 本 地 倉 口 一 樣 ， 告 達 理 練 馬 模 式 是 喜 歡 慢 工 出 細 貨 ，
無 疑 在 現 時 競 爭 激 烈 的 馬 圈 來 說 ， 確 實 有 點 吃 虧 ， 這 亦 解 釋 到 為 何 以 告 廄 不 俗 的 成 績 ，
養 馬 量 都 未 能 有 大 突 破 。 不 過 有 「 叫 關 領 」 此 類 苦 等 三 季 終 於 能 反 彈 ，
一 季 取 得 五 捷 的 成 功 例 子 ， 證 明 只 要 有 耐 性 的 話 ， 又 確 是 會 有 回 報 ，
相 信 練 者 亦 無 需 隨 波 俗 流 ， 繼 續 按 步 就 班 出 擊 。
就 上 季 所 見 ， 除 了 「 叫 關 領 」 外 ， 馬 房 亦 有 不 少 質 新 馬 減 夠 分 後 有 所 表 現 ，
如 「 榮 利 俱 全 」 、 「 香 港 寶 」 均 能 以 頗 超 級 的 姿 態 於 五 班 取 勝 ， 預 計 以 現 時 的 評 分 ，
今 季 會 繼 續 吼 準 起 筷 。 其 次 「 電 訊 大 班 」 及 「 高 豐 採 」 看 來 也 是 早 已 將 目 標 放 在 今 季 才 全 力 反 撲 ，
且 看 會 否 又 有 另 一 匹 「 叫 關 領 」 出 現 。
據 「 電 訊 大 班 」 馬 主 張 敬 川 透 露 ：
「 我 的 新 馬 『 電 訊 莊 主 』 早 已 到 港 ， 所 以 我 曾 對 告 達 理 表 示 ，
如 果 『 電 訊 大 班 』 未 能 回 復 舊 觀 的 話 ， 不 如 退 役 ， 但 練 者 指 出 老 馬 經 過 暑 期 休 養 生 色 ，
相 信 會 跑 出 應 有 水 準 ， 在 五 班 始 終 爛 船 仍 有 三 斤 釘 ， 我 亦 相 信 其 分 析 ， 希 望 見 到 愛 駒 可 以 重 開 勝 門 。
至 於 『 電 訊 莊 主 』 ， 告 達 理 上 季 曾 表 示 不 想 質 新 馬 太 過 急 進 ， 相 信 到 今 季 是 時 候 進 入 收 成 期 。 」
其 實 除 了 擅 於 部 署 戰 馬 低 點 反 彈 ， 告 廄 自 購 馬 也 是 馬 房 的 招 牌 作 ，
上 季 的 「 小 武 士 」 、 「 小 福 星 」 及 「 秘 密 行 動 」 均 有 甚 佳 成 績 ，
而 減 夠 分 的 「 小 戰 士 」 及 馬 房 團 體 馬 「 盈 然 贏 」 應 該 可 以 替 告 添 進 帳 ， 後 駒 馬 主 之 一 ，
正 是 名 人 黃 錦 燊 ， 他 與 告 廄 明 星 馬 「 時 尚 風 釆 」 馬 主 是 老 友 鬼 鬼 ，
與 告 達 理 相 識 多 年 亦 對 他 甚 為 欣 賞 ，
並 笑 言 有 信 心 「 盈 然 贏 」 的 前 景 不 遜 於 「 時 尚 風 釆 」 ，
屆 時 大 家 又 會 見 到 黃 錦 燊 太 座 ， 即 大 美 人 趙 雅 芝 拉 頭 馬 了 ！
