賽馬世界 - Powered by Discuz! Board

標題: 飛神論2012打比 [打印本頁]

作者: 飛神 時間: 18/3/2012 02:52 AM 標題: 飛神論2012打比

首先要說的是，近年的打比三甲馬起碼要符合兩個條件︰
1) 今季在1班的1600或以上賽事跑過三甲
2) 馬狀態好 (表現連貫, 可稱硬肌, 大家明吧)

所以起碼有3隻馬唔駛刨唔駛睇︰「名駒」、「同個世界」、「牽動美麗」。

剩下11隻馬，首先說說「甜橙」。此馬今季不斷尋找最佳跑法，放頭跟前後追都試過，在華商會盃試到可以後上，豈料經典一哩一戰以硬肌姿態頂贏「陽明飛飛」，但上場又用回後追，留得太後之下僅敗，未能經典三冠「叫糊」，非常可惜。此馬可跟可鬥，跑法機動，鬥志又不用懷疑，所以很多人作膽是相當正常。但有些擔心此馬氣量不到尾，希望母父能為牠帶來2000氣量！廐侶「智多飛」此馬可能在某些馬房一早已扶搖直上，如今未過90分是神奇、頂級、超卓！但個人認為此馬有長力，可以做四連環配腳。

大摩馬海戰術，除了「同個世界」外，個人也不看好「花月春風」，上仗給「開心老友」反先的姿態實在可怕！同場「軍事出擊」以打比試馬，落第告訴大摩此馬是快步速後上馬，所以「續領風騷」和「醒目精英」必會是直置，一來確保步速正常，二來可以補飛。「續領風騷」可能是不喜歡1600步速的馬(以前張福元常強調此理論)，所以會不會同樣不喜歡2000米實在很難說，但個人覺得起碼此馬證明可勝此群，反而「醒目精英」似到盡頭！

至於「軍事出擊」和「多名利」兩隻馬跑得好的時侯都是賺步速，表面看兩隻差唔多，但我會將出過頭既馬稱先小小。但有一點要注意︰「軍事出擊」埋門仲力趕工夫，未必是好事。

告東尼兩隻「牛精大師」、「包裝之寶」，近年無一隻打比一戰前未跑過千六及以上路程的馬可以在打比跑有三甲，所以也可以不理「牛精大師」。反而「包裝之寶」已知後上較佳，如果有紅海殺入一席不奇，起碼上次跑得好過同場所有大摩馬！

多屆冠軍練馬師蔡約翰今年出兩隻「陽明飛飛」、「驌龍」，我預料兩隻都會擺前走，更可能與「續領風騷」、「醒目精英」拍拖跑半程。「陽明飛飛」血統兩線都無二千長力，上次的一席第四完全沒威脅，個人計機會在「續領風騷」之下。反而「驌龍」是心中今場一路奇兵—上場證明馬夠鬥心同夠貫注，體力如果頂得順係可以走入一席的！

今場個人推介順序用2種方法排

如較利前領就︰「甜橙」、「續領風騷」、「驌龍」、「軍事出擊」、「多名利」、「包裝之寶

如較利後追就︰「甜橙」、「軍事出擊」、「多名利」、「包裝之寶」、「續領風騷」、「驌龍」

大摩出六隻，可以告訴不止一隻主力，應該係三隻三隻，所以揀三隻係基本工程，無謂估。

作者: 您睇我唔到 時間: 18/3/2012 09:52 AM

同個世界絕對唔可以睇小

作者: yinho 時間: 18/3/2012 09:59 AM

同個世界輸俾爪皇豪火短馬頭

爪皇豪火又輸俾驌龍1又4分1

但同個世界輸俾爪皇豪火時讓11磅

爪皇豪火輸俾驌龍讓3磅

當中差14磅而同個世界外地跑2000証明左長力呀

作者: yinho 時間: 18/3/2012 10:08 AM

我會揀同個世界先過驌龍

甜橙多名利同個世界軍事出擊驌龍

第6隻係包裝之寶同牛精大師揀

正常計就揀包裝之寶但我情意結鍾意牛精大師多d

作者: kewell 時間: 18/3/2012 11:43 AM

我都鍾意驌龍，同父馬有長力，隻馬鬥心真係好強，志叔騎又放心！

歡迎光臨賽馬世界 (http://racingworld.no-ip.org/)