賽馬世界 - Powered by Discuz! Board

標題: [新報] - 練馬相馬 [打印本頁]

作者: tin7tin7 時間: 25/10/2013 06:46 PM 標題: [新報] - 練馬相馬

強制試閘凸顯對賽馬的無知
前晚貼咗第五場的「歐洲駿馬」，我承認是一個錯誤的場次選擇，我貼牠的原因是基於該場對手好弱，而佢就班底較高，兼且上次亦跑第三名，想不到牠連一匹由五班升上的「京城精英」也跑不過，在全面性機會之下，騎師一步都冇跑錯，但只能跑一個接近的第五名，算啦，唔再追啦，我認屎。
有馬主及馬迷問我「受薪董事教練馬師練馬是甚麼回事呢？」
鮍！最明顯鮋就係「馬匹必須經過試閘及格或多次試閘及格才准出賽。」替馬匹教閘是練馬師份內事，但由受薪董事強制練馬師替馬匹教閘或試閘等，真是狗捉老鼠，多管閒事。
須知馬匹試一次閘等同出賽一次，試閘通常是會用慢步速，故時間差兩至三秒是合理計算，但如果一匹馬要Keep fresh去跑或者匹馬係肺弱，有流鼻血底的話，就真係俾佢害死，如果馬主和我部署一匹馬兩星期後再跑，但又要試閘交代，是否會使馬匹過勞呢？那麼，這事又應由誰負責呢？

蓮花盛放於試閘虛耗體力
我舉一個例子：「蓮花盛放」（右圖）上次賽前我對牠估計甚高，唯一擔心牠在短期內跑完再要試閘，我就係驚佢over-train，結果證明我的擔心是對的。我又舉另一例子證明Racing Control對賽馬的無知。
於2005年2月11日，第385場賽事，我訓練的一匹五歲雄馬「動力金剛」排第13檔，而排第12檔的是由大衛希斯訓練的雌馬「丹山格格」，入閘後「動力金剛」煩躁不安，頻頻起擒，當然啦，隔離廂是匹雌馬，五歲的「動力金剛」當然有生理反應啦，其情況已經失控，當時牠只想交配，賽跑已拋諸腦後，其實排12檔的「丹山格格」亦受到影響，結果「動力金剛」輸二十又四分三馬位，兼賽後被發現心律不正，當然要試閘及格才可以再跑啦。
但事件反映出賽前Racing Control或受薪董事，未有注意到或者未有認識到將一匹雌馬和一匹五歲雄馬放在隔鄰廂閘同場競跑之嚴重性，其保障騎師安全的意識已經蕩然無存。

發情公馬接近雌馬須當心
要知當一匹五歲雄馬發情之時，牠潛在的獸性會自然顯露，牠只想交配，阻牠者死，騎師和閘前助手當時實在是很危險的。「動力金剛」賽後心律不正常？我並不感到意外，我解釋給馬主聽：「如果有個性感靚女坐我隔離，我都會心律不正，問非所答啦」。如果Racing Control由首席受薪董事數起至整體裡面有人識№鮋，就會在排位前將佢懐分開（亦可與馬主和練馬師商討），在外國，如果練馬師發覺該場形勢不利，對馬主和投注人有影響，甚至在排位後也可以退出比賽。但當日Racing Control 並無咁做，就算在排閘時都應先交帶閘前助手，分開來站於不同角落處理，免生危險，或可安排馬女最遲入閘，甚或把牠們隔開閘廂來處理（我唔介意排第14檔），結果10倍馬匹（有票鮁）就此輸掉，可憐的馬迷們，真冤枉呀！賽後只係將責任推卸給練馬師，一聲Order試閘，就此搞掂。

閹後情緒趨穩定
各位可以翻查一下紀錄，事後我將「動力金剛」閹掉（首席受薪董事無教鮁），此後牠再也沒發生過心律不正，贏鰦兩場，跑得好穩定。但此事件可凸顯當時的首席受薪董事，甚至整體Racing Control對賽馬的無知。
中國人說的紙上談兵，沒有實戰經驗便是他們的寫照。呢件事全為事實，有錯我梁定華可以站出來俾你再罰過，但Racing Control的疏忽，無知，大眾馬主、馬迷可以罰邊個呢？

[ 本帖最後由 tin7tin7 於 3/11/2013 08:06 PM 編輯 ]

作者: yuricylau 時間: 25/10/2013 08:33 PM

咸華專欄係咪有指定日子出??

作者: 小武士 時間: 25/10/2013 08:43 PM

我解釋給馬主聽：「如果有個性感靚女坐我隔離，我都會心律不正，問非所答啦」

其實佢不如用個專欄寫晒呢D野算啦

作者: taxi2003 時間: 25/10/2013 08:50 PM

QUOTE:

原帖由 小武士 於 25/10/2013 08:43 PM 發表
我解釋給馬主聽：「如果有個性感靚女坐我隔離，我都會心律不正，問非所答啦」

其實佢不如用個專欄寫晒呢D野算啦

支持

作者: 李澤楷 時間: 25/10/2013 09:02 PM

QUOTE:

原帖由 小武士 於 25/10/2013 08:43 PM 發表 
我解釋給馬主聽：「如果有個性感靚女坐我隔離，我都會心律不正，問非所答啦」 
 
其實佢不如用個專欄寫晒呢D野算啦 <img src="images/smilies/naughty.gif" smilieid="457" border="0" alt="" />

外國大把呢D事件,又唔見有事,定係香港無咩雌馬.山雞當鳳凰

作者: 贏馬人 時間: 25/10/2013 09:05 PM

QUOTE:

原帖由 yuricylau 於 25/10/2013 08:33 PM 發表
咸華專欄係咪有指定日子出??

日日都有

作者: tin7tin7 時間: 25/10/2013 09:08 PM

QUOTE:

原帖由 李澤楷 於 25/10/2013 09:02 PM 發表
 

外國大把呢D事件,又唔見有事,定係香港無咩雌馬.山雞當鳳凰

係監獄,10年唔見女人,比個魯芬你

你上唔上

作者: 冼馬田 時間: 25/10/2013 09:10 PM 標題: 回復 #3 小武士的帖子

根本全世界都等緊佢寫風月版！

作者: 西人堅 時間: 25/10/2013 09:19 PM

幾時寫骨場之星, 骨場之寶, 骨場金剛, 骨場財星, 骨場之友, 骨場精英

作者: 贏馬人 時間: 25/10/2013 10:12 PM

QUOTE:

原帖由 tin7tin7 於 25/10/2013 09:08 PM 發表
係監獄,10年唔見女人,比個魯芬你
你上唔上

你未聽過當兵三年，豬hi當貂蟬咩？

作者: 木奇異 時間: 25/10/2013 11:19 PM

其實佢寫d文篇篇都好有睇頭

作者: tin7tin7 時間: 3/11/2013 08:00 PM

【練馬相馬】梁定華

有情風再鬥千杯豪情
駕聖嫡愛捧位置Q

最近有朋友打電話給我，他首先叫我不要動氣，因為有官方的代言人（官方公仔箱評述員及常常自認係某已故馬評家的徒弟），說有過氣馬圈中人爆馬會料。

我朋友說那官方代言人所指的是我，叫我小心說話，不要像斯諾登要亡命天涯。

我不單止不擔心卻反而感到很高興，因為有一個資深的評馬人都看我的小框框，我不是感到開心麼！不過狗口長不出象牙這句說話亦無乜錯。以宗教傳統去處理便是「以牙還牙，以眼還眼」吧。我目前寫的都係事實，而且是站在馬迷和投注人立場來講說話，討公道。如果無做過又無做錯，又怕乜人爆呢？要爆料之話，都要嗰個爆料人係有料先得嘅，爆唔到料，都係一句講晒「無料」囉！咁想爆都無得爆啦。

千祈唔好幻想自己是個圈中人，如果缺乏圈中人的實際經驗和真正曾經參與其事者，咁又點算係呢！？只能用「側聞」或者我猜我估這些字眼來寫，我最不喜歡拉人裙冚自己腳，做人要有自己的風格。我梁定華隨時可以站出來同任何一位圈中人士辯論，講一下事情真偽，我已是退休人士，當然不及斯諾登那般偶像化；隱惡揚善，只怕那些惡人連半分善行也未做過，那麼怎樣去揚呢？我依家唔係打馬會工，彼此立場不同，我唔會再做鵪鶉，係事實就講囉，幫惡人隱惡者即是助紂為虐。

我以往做練馬師時，投訴和譴責我的FILE（檔案）幾呎厚，皆因我做人講宗旨，不會買人怕！我唔會過埠仔做練馬師，我亦唔係靠寫稿寫貼士搵食，《新報》老總唔想我食飽就瞓，成日都係打麻雀、跳社交舞，咁後生就咁頹廢（宜家社會65歲都仲好後生，哈哈）。給我一個角落，想講乜就講，想寫乜就寫。就算將我的稿費先用來賭晒馬，唔中就無糧出，中咗才有錢收都得，係咁牙擦架啦，唔啱大家一齊攞份糧出嚟賭番鋪先講。不過第二次世界大戰時的軸心國日本，與當時敵對的同盟國美國，今天不是一樣是盟友聯手箝制中國嗎！

今日第三場第五班1600米草地，「千杯豪情」上仗（56場）走勢進步，末段衝刺令人咋舌，雖然加咗6磅，但檔位內移至排第三位，除非係用陰謀論去諗佢，否則仲係有機會贏。「文武精神」上次已經同「千杯豪情」交過手，而且全程處於較佳位置，但末段卻全無招架之力，我唔排除佢今場仍有一爭之力，但要贏則需要靠運氣搭夠，對手失誤才可以。「開心凱旋」上仗亦係同上兩駒同場，當日所處形勢甚為有利，但都係只能夠跑第七名，該場賠率有6.3倍，為乜會咁高估呢，今次杜利萊唔跑都係咁先啦。

「明民天下」9戰只跑過一次第三，今場形勢一般，但因配個莫雷拉就必然會成為熱門之一，我橫睇掂睇都唔覺佢有冠軍相。「有情風」上仗又係與「千杯豪情」和「文武精神」等同場，雖然只跑第二，亦走勢不俗，今次排位比上場好，若按照上仗彼此之間的末段走勢去衡量，佢未必能反先「千杯豪情」，但講騎師的鬥志和馬匹演出之準繩度，我賭佢WP。

作者: 小武士 時間: 3/11/2013 08:03 PM

我以往做練馬師時，投訴和譴責我的FILE（檔案）幾呎厚，皆因我做人講宗旨，不會買人怕！

作者: 西人堅 時間: 3/11/2013 08:09 PM

哈哈哈哈, 一下就串到卡樂B 收皮

作者: 小野伸二 時間: 3/11/2013 08:16 PM 標題: 回復 #14 西人堅的帖子

卡樂B不嬲都無料扮四條

特別係近兩三年，好似無食藥咁日日發癲

作者: 西人堅 時間: 3/11/2013 08:28 PM

QUOTE:

原帖由 小野伸二 於 3/11/2013 08:16 PM 發表
卡樂B不嬲都無料扮四條

特別係近兩三年，好似無食藥咁日日發癲

佢當年上賽馬X堂同老雞一齊串山高果時已經係咁

作者: tin7tin7 時間: 3/11/2013 08:29 PM

QUOTE:

原帖由 西人堅 於 3/11/2013 08:28 PM 發表

佢當年上賽馬X堂同老雞一齊串山高果時已經係咁

卡樂B都上馬網?

作者: yuricylau 時間: 3/11/2013 08:30 PM

QUOTE:

原帖由 tin7tin7 於 3/11/2013 08:29 PM 發表

卡樂B都上馬網?

子健都好似係呢度會員

作者: 西人堅 時間: 3/11/2013 08:42 PM

QUOTE:

原帖由 tin7tin7 於 3/11/2013 08:29 PM 發表

卡樂B都上馬網?

果時佢比人趕去左澳門馬會
成日鬧香港馬會又鬧山高
依家香港馬會比返份工佢就死曬狗咁

根本就是無料小人一個

作者: 贏馬人 時間: 3/11/2013 08:49 PM

QUOTE:

原帖由 yuricylau 於 3/11/2013 08:30 PM 發表
子健都好似係呢度會員

唔係好似

係直情係

作者: tin7tin7 時間: 3/11/2013 08:49 PM

QUOTE:

原帖由 西人堅 於 3/11/2013 08:42 PM 發表

果時佢比人趕去左澳門馬會
成日鬧香港馬會又鬧山高
依家香港馬會比返份工佢就死曬狗咁

根本就是無料小人一個

唔識講

作者: 贏馬人 時間: 6/11/2013 06:25 PM

評馬人都要流眼淚？
不論做人做事都應該承擔責任，我支持政府的問責制，以往每次賽馬我都剪下一些名家貼士，當賽事結束，我便會對一對他們的成績，覆看他們的賽前評論，從中觀察他們對賽馬的認識有幾多，看看他們對馬迷、對報館的誠意，因為我和他們（評馬人）接觸的機會甚多，如果他們在工作方面馬虎，沒有熱誠，正所謂「親君子而遠小人」，那麼便很難和他交往了。
我現時所講的說話，可能被馬經版同事或靠寫貼士稿謀生的人士XYZ？但在我當練馬師的期間，曾經有一種想法，評馬人的工資應該與他們的成績掛鈎，多中多得，唔中就攞梳蕉返屋企，再升一級便是自己出資投注，以示信心，報館或電視台再以同等或協議的金錢投注，Double or Nothing，資深評馬人如果真係咁堅就應該接受這個挑戰，贏咗咪風光囉，輸咗都捱唔得幾耐（倒貼），會自動消失，減薪或轉行。呢一種玩法就叫做「流眼淚」。

獎罰政策自我激勵
以前有馬主或投注人士跟我說，某某騎練的貼士好準（騎馬人都有人信），我回說，我樂意出資替該等人士投注，但他們的投注額不可以少於50個（萬），該等人士出資25個就可以啦（唔好話俾我聽賭得咁叻，但連25個都出唔起）另外，25個我俾，如果唔中，就大家都「流眼淚」，結果無人敢接受挑戰。練馬師要贏15場才算及格，咁評馬人要貼中幾多場頭馬或以累積贏到幾多彩金才算合格呢，唔好話一場裡面三、四個評馬家大家唱雙簧，你揀一我揀四啦，我聽見都肉麻。今時今日我跳出練馬師框框，站在中立的立場說句公道話，只知責人不識責己，大家一齊「流眼淚」咪啱囉。以上說話只是我自我約束，激勵自己，不是有心得罪各位前輩馬評家。莫怪莫怪！

方程式熱身後到位
第八場三班1200米，「旺當家」磅重位外，133磅排12檔，苦也！「新力飛」有點能力，但三班唔突出，要有良好因素支持才能夠贏，由於今場有能力的馬匹皆排檔不利，執死雞係時候了。「真誠真意」上仗第35場在全面性機會下競賽，只能跑第五名，今場仲要孭129磅而排第11檔，如果因為莫雷拉而捧成熱門就唔抵囉。「雪風神駒」13戰只一勝，其餘三甲不入，我唔賭呢類馬，靠估嘅。「富貴榮華」壞咗，不可再憧憬往績。「勁有盈」今季初出，太耐無跑，唔睇住。「勁飛駿」今季初出，動態唔似。
「好老友」上仗97場排12檔係熱身賽事，以讓賽方式去跑，今場形勢有利，小小風吹草動（上仗79倍）便馬上跟進。「八心之鑽」又係壞咗，輸俾佢就當抽水啦。「上浦猛將」插班馬初出，看其往績有多少呃秤，在紐西蘭參賽時全部綁繫舌帶，以冷門身份參加一場一級賽及三級賽，所以在港都只係編69分，此馬一路交由楊明綸操練，幕後希望佢能掌握到馬性，小拖入三重彩無妨。「方程式」上季尾已顯示有競賽能力，上仗107場雖然初出，亦跑得有聲有色，今場佔盡形勢之利，賭WP。「帝聖駿駒」等降班。
呢場「方程式」WP，「新力飛」P，三重彩擺兩匹初出的插班馬「好老友」和「上浦猛將」博好分。

方塊龜、黃狗毛、生菜絲、卡樂B，你哋敢唔敢接受挑戰呀？

作者: 雄心威龍 時間: 6/11/2013 06:27 PM 標題: 回復 #22 贏馬人的帖子

不過方塊龜最近好旺，D貼士準到

作者: poiuy 時間: 6/11/2013 06:35 PM

方程式熱身後到位
第八場三班1200米，「旺當家」磅重位外，133磅排12檔，苦也！「新力飛」有點能力，但三班唔突出，要有良好因素支持才能夠贏，由於今場有能力的馬匹皆排檔不利，執死雞係時候了。「真誠真意」上仗第35場在全面性機會下競賽，只能跑第五名，今場仲要✈129磅而排第11檔，如果因為莫雷拉而捧成熱門就唔抵囉。「雪風神駒」13戰只一勝，其餘三甲不入，我唔賭呢類馬，靠估鮋。「富貴榮華」壞鰦，不可再憧憬往績。「勁有盈」今季初出，太耐無跑，唔睇住。「勁飛駿」今季初出，動態唔似。
「好老友」上仗97場排12檔係熱身賽事，以讓賽方式去跑，今場形勢有利，小小風吹草動（上仗79倍）便馬上跟進。「八心之鑽」又係壞鰦，輸俾佢就當抽水啦。「上浦猛將」插班馬初出，看其往績有多少呃秤，在紐西蘭參賽時全部綁繫舌帶，以冷門身份參加一場一級賽及三級賽，所以在港都只係編69分，此馬一路交由楊明綸操練，幕後希望佢能掌握到馬性，小拖入三重彩無妨。「方程式」上季尾已顯示有競賽能力，上仗107場雖然初出，亦跑得有聲有色，今場佔盡形勢之利，賭WP。「帝聖駿駒」等降班。
呢場「方程式」WP，「新力飛」P，三重彩擺兩匹初出的插班馬「好老友」和「上浦猛將」博好分。

我鍾意睇呢d,,唔中一回事

作者: 贏馬人 時間: 1/12/2013 02:30 AM

華哥卒之講啦......

作案要動機幕後主腦不能放過

在不足一星期內，有兩位華籍騎師湯智傑被競賽董事小組罰八日和蘇狄雄被罰16日，我質疑在競賽董事小組的眼中，是否所有外籍騎師全部都沒有犯錯，所以只有華籍騎師受罰，各位認同嗎？
首先我想話俾各位馬迷知，我和巫斯義大家都是朋友，過去在我當練馬師的時候，他也幫我贏過馬，他對馬匹判斷準確，有些馬匹得到他的幫助，跑起上來真係脫胎換骨，昨天我講的「喜欣賞」是個別事件，以事論事，但經過馬會賽後報告，巫斯義在終點前未盡全力策騎而受到警告的事件，起碼不只一次，他未有受罰，是因為巫斯義認為當時馬匹已沒有機會贏，或者他的跑法不會影響賽果，而競賽小組又接受他的解釋，咪無事囉，我好欣賞巫斯義能夠講得贏班競賽董事小組，因為事實巫斯義贏過咁多國際大賽，累積咗咁多出賽經驗，佢說的話，又點到班競賽董事小組質疑，因為小組裡面沒有一個真正跑過馬，對馬有認識的人，所以話要人尊重，都要有料先得。但係如果一位騎師唔盡力跑俾馬迷和投注人士睇，保留咗一些真實性，有佢知無別人知，下次再跑之時，馬迷和投注人士又用乜嘢去衡量呢？

疑點利益應歸於被告
華洋有別，假設以往巫斯義的解釋，由一位華籍騎師講述出來，競賽董事小組會同樣接受嗎？會否同樣處理呢？我看不出湯智傑騎「愛的呼喚」有乜嘢問題，殺人犯案也要講證據，和找出犯案動機，「愛的呼喚」當日獨贏賠率是13倍，「團隊精神」是59倍，如果話佢地搞嘢的話，個動機為何呢？如果是受人指示而去做，咁邊個係幕後黑手呢？如果件事係無動機的話，那麼件事情只不過是誤會，根本唔成案。做事一定要徹底，馬迷有知情權，競賽董事小組要找出拉馬動機和幕後黑手，才能使人信服，單憑我話你係就罪名成立，並唔合情理。
之前我認為歐道樂同彭利力都未必捱得過聖誕節，但係世事好難預料，隨著近期湯智傑同蘇狄雄兩個本地薑先後被罰停賽，睇嚟呢次隨時要摑自己嘴巴，要認一次低威咯。依家咁情況，歐道樂同彭利力應該有番多啲座騎，唔使咁早「執袍袱」。

作者: tin7tin7 時間: 1/12/2013 05:40 AM

作者: 魚仔餅 時間: 1/12/2013 01:49 PM

得啖笑

作者: 西人堅 時間: 2/12/2013 12:43 AM

方 X 輝反串咸華上海之友到退役都硬係唔報泥1200

歡迎光臨賽馬世界 (http://racingworld.no-ip.org/)