標題: 下一個季度有意改例，將以計分方法取代現行所訂的十三W政策。 [打印本頁]
作者:
Sweety 時間: 16/4/2007 05:54 AM 標題: 下一個季度有意改例，將以計分方法取代現行所訂的十三W政策。
自從馬會訂立了練馬師續牌指引，即一季要贏滿指定頭馬數目方算合格，細馬房練者要「做好呢份工」認真唔容易，
不過馬會在徵詢過意見後，於下一個季度有意改例，將以計分方法取代現行所訂的十三W政策，馬房除所獲頭馬之外，
亞、季軍亦會獲得分數，新制度無疑會較舊制更公平，亦可肯定消弭了小型馬房的壓力。
每位練馬師都想「做好呢份工」，不過如果成績未能達標，就隨時會被Out！
馬會自從訂立練馬師續牌指引後，由最初一季要贏足十二場增加至現時的十三場，
假如一位練馬師累積三季不合格，就會立即被馬會叮走。
亞季軍馬獲分數
一直以來眾練馬師都認為這項指引並不公平，尤其是對細馬房影響就更大，因此向馬會倡議將亞季軍的成績都計算在續牌考慮之內。
據悉馬會在參考過有關意見之後，正計劃來季以計分制代替頭馬數字作為續牌指引，相信此舉能解決眾練馬師的訴求。
今季開始時共有廿五個馬房，其後因岳敦提前散倉，變成只得廿四個倉口，競爭減少下，理應對練馬師爭取成績有幫助，
可惜到現時為止，仍然有三位練馬師未能達標，因此早前練馬師開會，再次聯名致函馬會行政總裁應家柏，
希望有關方面能放寬十三場頭馬的最低續牌要求，結果會方建議改用計分制代替，現正作出諮詢。
新的計分制其實相當簡單，馬匹跑入頭三名將會依次為練馬師帶來分數，這樣就算贏馬數目不足，
亦可以因亞季軍數目多而取得足夠分數達標，對一些運氣欠佳屢拚不逞的練馬師絕對是一項好消息。
大告：更能反映整體成績 16/04/2007
練馬師續牌條件將亞季軍計算在內普遍表示歡迎，告達理說：
「練馬師每季的工作都不一定會一帆風順，有時搏失幾場只取得位置，
已可能令續牌形勢岌岌可危，如果將亞季軍都計算在內，則更能反映練馬師該季的整體表現。」
姚本輝：計埋位置較公平
「十三場頭馬只是一個死數，不過就已令唔少練者戰戰兢兢，有時為達到這個目標，可能影響全盤部署。
其實現在每個練馬師都可拚則拚，就算跑入位置都是搏命，因此如果將位置都加入考慮就比較公平。」另一位倉主姚本輝說。
文家良：馬主支持好重要
「其實一個馬房能否獲牌的要素，多少取決於有否足夠馬主支持，
假如支持的馬主不能中籤，就算再好的練馬師亦難以爭取好成績。
如果硬性將十三場頭馬作為續牌要求，而無馬加盟就不容易做到。
加上細馬房亦不應和大馬房一樣對待，這項制度如能改善自然最好不過。」倉主文家良說。
作者:
河馬仔 時間: 16/4/2007 10:06 AM
咁就真係德政啦,我諗好多細倉都會好好多,而且有機會可吸納多一至兩個新倉開,多d良性競爭:eee:
作者:
EternitY 時間: 16/4/2007 10:32 AM
應該都ok ... 有時冇運真係好大獲 :eee:
作者:
飛神 時間: 16/4/2007 10:35 AM
原帖由 EternitY 於 16/4/2007 10:32 AM 發表
應該都ok ... 有時冇運真係好大獲 :eee:
強哥季初咪係咁:fff:
強哥今年又係跑十幾隻馬之麻
金鷹, 天鷹, 黑鷹, 京城之威, 魅力漢子, 真心馬主, 小飛象, 喜在心頭, 甜在心頭, 龍騰駿馬, 燈膽王, 魄力王, 真係贏
其他全部等收工/等好番/出賽當試閘:fff:
作者:
EternitY 時間: 16/4/2007 10:40 AM
原帖由 飛神 於 16/4/2007 10:35 AM 發表
強哥季初咪係咁:fff:
強哥今年又係跑十幾隻馬之麻
金鷹, 天鷹, 黑鷹, 京城之威, 魅力漢子, 真心馬主, 小飛象, 喜在心頭, 甜在心頭, 龍騰駿馬, 燈膽王, 魄力王, 真係贏
其他全部等收工/等好 ...
利駿寶先恐怖 ... 由蘇保羅轉去吳定強 ... 係咁試閘 ... :ooo:
作者:
飛神 時間: 16/4/2007 10:42 AM
原帖由 EternitY 於 16/4/2007 10:40 AM 發表
利駿寶先恐怖 ... 由蘇保羅轉去吳定強 ... 係咁試閘 ... :ooo:
下季禁機馬:fff:
作者:
raulwong1 時間: 16/4/2007 12:11 PM
呢個制度公平好多,有好多時運氣唔好就連場搏殺都只係得個p....如果p都計埋就好好多了
作者:
小武士 時間: 16/4/2007 07:26 PM
睇下馬會評幾多分為合格囉
作者:
p238hornet 時間: 16/4/2007 07:52 PM
幾好喎:ppp:
作者:
贏馬人 時間: 18/4/2007 03:31 AM
講馬佬都要計分，不及水準者out:bbb:
作者:
+超級無敵+ 時間: 18/4/2007 05:07 PM
當初攪十二場頭馬我硬係覺得係想趕夏志信，先至會出此下策架姐
依家會來港申請做練馬師既明星級trainer又唔多 (應該話直頭無)
而對有興趣來港既新晉練馬師又鬼死咁嚴格
本地果批應升既都升哂咯
所以係無新血而又要keep到既有既練馬水準既情況下，
保住現有呢班友仔既飯碗就變得好緊要咯:fff:
[ 本帖最後由 +超級無敵+ 於 18/4/2007 05:09 PM 編輯 ]
| 歡迎光臨 賽馬世界 (http://racingworld.no-ip.org/) |
Powered by Discuz! 5.0.0 |