賽馬世界 - Powered by Discuz! Board

標題: 蘋果各廄兵力解構 & 討論區 --- 第十六彈 --- 何良 [打印本頁]

作者: 活力寶蹄 時間: 25/7/2007 11:08 PM 標題: 蘋果各廄兵力解構 & 討論區 --- 第十六彈 --- 何良

24 廄兵力解構：包裝大師勁有水位

何良上季贏 23 場頭馬，以佢養馬數量計，成績已算不俗，

不過由於此廐養馬數目未有大幅上升，今季要保持水準，應有一定難度。

而廐中有力搶分之馬，

不離「包裝大師」、「鴻運至尊」及「年年開心」三駒，且看何良如何運用。

「包裝大師」首季在港上陣兩戰皆冇料到，上季戰績卻大幅提升，

先後上陣 6 次，獲 3 冠 1 亞，而且季尾一役贏到「喜德寶」及「勵盈」冇得跑，

以後兩駒其後再出即可贏馬計，「包裝大師」目前評 83 分，

起碼仲有 15 分甚至以上水位，今季 2W 應該冇走雞，肯定係何廄武器之一。

鴻運至尊染指大賽

至於「鴻運至尊」至今 5 戰 5 捷，仍然係不敗之師，

即係話實力去到邊仍是一個謎，雖然上季 11 月 19 日退出後仍未有上陣紀錄，

但於 2 月份復課，韋達更於 5 月替其主課及試大閘，

顯見健康情況不致太差，加上此駒已是何廄目前陣中評分最高一駒，

如果健康回復正常，應有力替何良染指大賽，

故肯定唔好唔出，一上陣即可捧。

年年開心有力再上

最後一提「年年開心」，情況一如「包裝大師」，

首季在港 5 戰皆冇表現，直至上季踏入成熟期即可起作用，共上陣 7 次，

獲 3 冠 2 亞，尤其跑谷中 1650 米， 2 戰獲 1 冠 1 亞全入 Q ，

再配合何良擅長部署馬匹於中距離出擊，今季有力更上一層樓。

新秀馬：海王之寶至少兩 W

「海王之寶」上季只跑過一場 1000 米直路賽， 30 倍冷門僅失位置跑第 4 名。

其實此駒來港前在新西蘭已經試 1600 米閘，肯定是匹中距離馬，

可以在 1000 米交出追勁質素必佳，相信會一如全兄弟馬「神勇至尊」般，

擅 1400 及 1600 米，最保守估計今季可以交出 2W 升上三班。

出擊月份： 9 至 12 月攻勢凌厲

何良養馬量唔多，不過上季各月份頭馬皆平均，除 2 月份食白果外，

其他月份皆有頭馬交出，當中以季初 9 至 12 月攻勢最凌厲，

總共勝出 13W ，確保取得「畢業資格」後才慢慢玩。

展望今季成績，由於養馬數目差不多，

要保持上季般幾乎各月份都有頭馬交出應該唔易，但肯定會像上季一樣，

於季初 9 至 12 月份搶攻，所以於此段時期追捧何廄馬乃最佳時機。

搏殺招數：谷草 1650 米勁

何良上季頭馬最大特色係短途及大長途次數較少，

集中在 1400 至 1800 米爭成績，總數佔 18 場，

其中以谷中 1650 米勝出 6W 成績最好，代表作係「超力好」，

上季兩度在谷草 1650 米一放到底而回，而且分別排在 8 檔及 12 檔，

可見此駒不受檔位限制，今季再戰谷中此程值得吼實。

反觀大長途賽事卻是弱項，上季 5 度派馬出爭 2000 米或以上路程，

悉數不入三甲，反映何廄馬跑長途不利。

用人策略：信任韋達黎海榮

何良用人方面較為單調，最信任係韋達，上季騎練合作共交出 9W ，

已是合作勝出次數最多之騎師，其次當然係當家見習生黎海榮，

上季合作共交出 8 場頭馬，今季相信何良仍會倚重此兩位騎師爭功，

尤其韋達騎此廄之大熱門馬，上季共勝出 8 次，更加值得信賴。

王登平點睇：純品何良要諗計

何良現只養馬 20 多匹，是數一數二的細倉了，不過上季仍勝 23 場，

即幾乎平均每匹馬都贏一場，不容易啊。近幾季何良都在掙扎求存，

頭馬數字徘徊 20 場左右，沒辦法，外來練馬師來得香港的都是「硬  」，

無錯是提高了水準，但本地練馬師稍一不留神，很易被打至困境。

我敢說，在香港練馬練得好，於世界任何一個馬場都會練得好。

何良正式入過馬會的騎術訓練班，這訓練班是用來培養騎師的，

但並非所有學員都可成為騎師，每屆都只有少數捱得住而又合適，

不合適的有些會安排到馬房做騎馬人，何良就是其中之一。

他跟過多個馬房，如告達理、鄭棣池等等，

十幾歲已入馬房，是個很純品很 nice 的人。

須丟「撬馬」包袱

又是所有本地倉都有的問題，個性比較被動，

這可能與本地馬圈一個不成文規矩有關。

是這樣的，在本地馬圈文化  ，最「死罪」就是撬其他馬房的馬，

一旦被人傳「撬馬」，十分無面，同行都會鄙視你。

可能受這文化影響，本地練馬師有時怕瓜田李下，

都不敢與別人的馬主太接近。看過不少好朋友因「撬馬」反目，

所以華人練馬師一般都很警惕，久而久之可能矯枉過正了，就變成被動。

「美德」與「包袱」，就這麼一線之差，真的很難拿  。

舊馬主大多已經「分勻」，新馬主又爭不到，

加上流失，何良養馬越來越少，已響起警號，要諗諗計。

展望：養馬量少，真正巧婦難為無米炊，靠手上的馬，能贏到上季的 23 場，

已經要殺雞還神。除非有新血加盟，否則今季的路極崎嶇。

何良是平穩人，遇逆境夠不夠膽用猛藥求變？（只是個比喻，非叫你用禁藥）

何良有時就是作風太保守，不夠放。

珊翠絲報料：須克服「中年危機」

筆者常覺得奇怪，以何良的成績，理應支持量不止於現時數目，

因為何廄養馬量不多，但頭馬數字均能維持在理想水平，

計百分率的話，成績已算是出色。

其實何良開倉初期，試過養馬量爆棚之餘，更曾登上練馬師龍虎榜前列位置，

可見其確是有功力，可惜欣賞的伯樂仍不算多，現時何廄養馬量只餘 24 駒，

其步入「中年危機」的機會，看來比呂健威更甚。

「自己向來低調，練馬手法亦不急進，可能現時的馬主對這套不大欣賞，

　不過我深信練馬始終要看長線，這才是對馬主最大的利益。

展望今季希望旗下幾匹質新馬能扶搖直上，憑有限資源能取得理想成績，

相信不難得到馬主的認同而給予支持。」何良說。

其實何良揀馬的眼光絕對不差，如果說「蓮華生輝」是令姚本輝反彈的救星，

何良在上季初也有「鴻運至尊」這匹不敗之師的明星馬出現，

可惜季中後健康出現問題，未能令馬房帶來招徠。

其實「鴻運至尊」外，

何廄仍有「包裝大師」、「年年開心」、「超力好」質素甚佳的質新馬，

以其揀馬的眼光，相信引進的生力軍中，也不乏明日之星。

海王之寶馬主大讚

事實上，在暑假何廄有「勁彩寶蹄」及「新威」來投，證明識貨的馬主尤在。

說起何廄的質新馬寶藏，實在不得不讚「海王之寶」，

此駒初次上陣時已後上有追勁，正是由何良替馬主揀蟀。據馬主盧德光透露：

「我的妹夫即『盟友』馬主蘇傑開與何良是同學，大家都非常稔熟，

多年來自己家族及團體名下的馬大都由何良訓練，成績也理想。

而他引入『海王之寶』時也認為是高質馬，不過可能較慢熱，

需要時間成長，所以初出進度未足下能有如此後勁，

實在令我喜出望外，相信今季很快便會打開勝門呢！」

作者: 活力寶蹄 時間: 25/7/2007 11:08 PM

作者: 活力寶蹄 時間: 25/7/2007 11:09 PM

作者: 活力寶蹄 時間: 25/7/2007 11:10 PM

鴻運至尊..半年冇出...:ooo: :jjjj:

作者: 少仔 時間: 25/7/2007 11:12 PM

何良咁多隻馬我淨係鍾意衝勁直前....:lll:

作者: 帶來吉利 時間: 25/7/2007 11:16 PM

佢上名率好高:rrrr:
不過d馬真係一年小過一年:llll:

作者: 西人堅 時間: 25/7/2007 11:17 PM

可能受這文化影響，本地練馬師有時怕瓜田李下，都不敢與別人的馬主太接近。看過不少好朋友因「撬馬」反目，所以華人練馬師一般都很警惕，久而久之可能矯枉過正了，就變成被動。

係平叔先夠 quali 講 le d 野出黎:ccccc:

作者: 木奇異 時間: 26/7/2007 03:05 PM

年年開心 ...... 計福建王子的實力, e隻應該只係3班頂馬
包裝大師 ...... 只要健康唔再出事, 應該有95分
鴻運至尊 ...... 跑唔跑得返都成問題, 仲想跑大賽? 而且睇佢係谷草贏隻青幅王都咁辛苦 (仲搞到重傷), 就算健康冇事E隻都未見得有大賽實力 :ooo:

作者: 馬俠 時間: 26/7/2007 10:54 PM

鴻運至尊都唔知跑到幾多
包裝大師真係望佢可以高d班啦
年年開心可以去到2班頂1班尾既泥地馬
海王之寶大大舊咁轉彎驚唔係好得..但直路得1000米又驚短,都要觀察下
鴻運至尊同主馬神勇之尊..隻馬仲有少少可再上高少少既班次

作者: taxi2003 時間: 29/7/2007 03:50 PM

看來都係要靠谷草.......養馬太少,新血亦少
沙田靠哂包裝大師同海王之寶(估計3班中堅分子)

歡迎光臨賽馬世界 (http://racingworld.no-ip.org/)