賽馬世界 - Powered by Discuz! Board

標題: 蔡明紹 serious [打印本頁]

作者: bondli 時間: 21/5/2009 10:35 PM 標題: 蔡明紹 serious

news from my gf - 蔡明紹 serious

[ 本帖最後由 bondli 於 21/5/2009 10:40 PM 編輯 ]

作者: bondli 時間: 21/5/2009 10:36 PM

but not sure how serious

作者: taxi2003 時間: 21/5/2009 10:36 PM

唔好有事呀:zzzzzzzzz: :zzzzzzzzz:

作者: 君子 時間: 21/5/2009 10:36 PM

希望佢無事 :ooo: :ooo:

作者: 西人堅 時間: 21/5/2009 10:36 PM

:aaaaaa: :llll:

作者: 君子 時間: 21/5/2009 10:37 PM

告仔一時之間無晒兩個徒弟

作者: 春田花花幼稚園 時間: 21/5/2009 10:37 PM

QUOTE:

原帖由 bondli 於 21/5/2009 10:35 PM 發表
news from my gf - 蔡明紹 serious

清醒.直接去醫院,要留醫:sss:

作者: 魚仔餅 時間: 21/5/2009 10:37 PM

發生咩野事:kkk: :llll:

作者: DrEAm 時間: 21/5/2009 10:37 PM

吾好呀...

作者: timothyhin 時間: 21/5/2009 10:37 PM

聽緊881都話幾大煲:ppp:
不過好似話有知覺:ggg:

作者: 翼 時間: 21/5/2009 10:38 PM

/.\5好有事阿...平平安安

作者: 自由雨滇行 時間: 21/5/2009 10:38 PM

雖然唔鐘意佢但都希望佢吉人天相

作者: yuricylau 時間: 21/5/2009 10:41 PM

SERIOUS~:funk: :funk:

作者: 莫問我是誰 時間: 21/5/2009 10:41 PM

一定唔會有事,睇佢個相仲有排騎~~

今次墮馬算係一個大教訓~~:rrr: 騎馬發夢等於找死~:rrr:

作者: sw 時間: 21/5/2009 10:43 PM

孤兒仔仲未好好享受人生要頂住呀:bbb: :bbb:

作者: 魔術師 時間: 21/5/2009 10:44 PM

QUOTE:

原帖由 莫問我是誰 於 21/5/2009 10:41 PM 發表
一定唔會有事,睇佢個相仲有排騎~~

今次墮馬算係一個大教訓~~:rrr: 騎馬發夢等於找死~:rrr:

:ooo: 又唔好貢講, 佢騎馬都好認真, 意外始終是意料之外~

作者: kewell 時間: 21/5/2009 10:46 PM

God Bless You!

Chadwick recovers soon!

作者: 莫問我是誰 時間: 21/5/2009 10:49 PM

QUOTE:

原帖由 魔術師 於 21/5/2009 10:44 PM 發表

:ooo: 又唔好貢講, 佢騎馬都好認真, 意外始終是意料之外~

我又唔係咒佢死...

按佢今日表現,的確係唔專心,我第2場已經話佢騎威士紀極差,之後此子發揮繼續差勁~

踩中人後蹄一向係個人之失,而非意外~~如果佢踩中人後蹄,令到人墮馬點算??

我都係應罵則罵~唔好以為我買左佢輸錢先鬧佢~:zzz:

作者: 木奇異 時間: 21/5/2009 10:59 PM

萬事喜果度墮馬應該唔會有生命危險掛
最少比勝哥果次好D既 :ppp:

作者: 週日寧靜 時間: 21/5/2009 11:03 PM

後生仔..唔會好太獲姐

吉人自有天相:gggg:

作者: 馬俠 時間: 21/5/2009 11:06 PM

馬會果到又睇唔到佢點墮 :ooo: 好難估佢嚴唔嚴重

作者: iamjack 時間: 21/5/2009 11:46 PM

希望他吉人天相 , 平安無事

作者: kitchai1228 時間: 22/5/2009 12:24 AM

QUOTE:

原帖由 莫問我是誰 於 21/5/2009 10:41 PM 發表
一定唔會有事,睇佢個相仲有排騎~~

今次墮馬算係一個大教訓~~:rrr: 騎馬發夢等於找死~:rrr:

你望到佢騎緊個時合埋隻眼?

作者: 莫問我是誰 時間: 22/5/2009 12:43 AM

QUOTE:

原帖由 kitchai1228 於 22/5/2009 12:24 AM 發表

你望到佢騎緊個時合埋隻眼?

發夢只係比喻,即係話佢陣上唔專心,無用心去跑~

作者: 冼馬田 時間: 22/5/2009 12:52 AM

等真係有消息先啦，而家有線新聞都只係話佢墮馬入院，未知情況

作者: kitchai1228 時間: 22/5/2009 01:05 AM

QUOTE:

原帖由 莫問我是誰 於 22/5/2009 12:43 AM 發表

發夢只係比喻,即係話佢陣上唔專心,無用心去跑~

咁咪係囉
墮馬係意外冇人想
點可以話佢唔專心?

作者: 莫問我是誰 時間: 22/5/2009 01:16 AM

QUOTE:

原帖由 kitchai1228 於 22/5/2009 01:05 AM 發表

咁咪係囉
墮馬係意外冇人想
點可以話佢唔專心?

第18個post已經講左,唔多講~:kkkkk:

作者: kitchai1228 時間: 22/5/2009 01:22 AM

QUOTE:

原帖由 莫問我是誰 於 22/5/2009 01:16 AM 發表

第18個post已經講左,唔多講~:kkkkk:

我睇左
但唔同意你個講法係人為.
唔通A出手打B
B會係唔錯個個?
因為係佢自己唔避開比A打?
邏輯好似唔太ARM喎

作者: kewell 時間: 22/5/2009 01:24 AM

QUOTE:

原帖由 kitchai1228 於 22/5/2009 01:22 AM 發表

我睇左
但唔同意你個講法係人為.
唔通A出手打B
B會係唔錯個個?
因為係佢自己唔避開比A打?
邏輯好似唔太ARM喎

笑左:ggg: 唔岩聽唔駛回覆我呢個post架啦:ggg:

作者: elamo 時間: 22/5/2009 01:37 AM

:ddd: so serious

作者: DrEAm 時間: 22/5/2009 01:53 AM

QUOTE:

原帖由 kitchai1228 於 22/5/2009 01:22 AM 發表

我睇左
但唔同意你個講法係人為.
唔通A出手打B
B會係唔錯個個?
因為係佢自己唔避開比A打?
邏輯好似唔太ARM喎

咁個個人都有吾同睇法
小蔡今晚d表現又真吾好喎...:ppp:

作者: 莫問我是誰 時間: 22/5/2009 02:10 AM

QUOTE:

原帖由 kitchai1228 於 22/5/2009 01:22 AM 發表

我睇左
但唔同意你個講法係人為.
唔通A出手打B
B會係唔錯個個?
因為係佢自己唔避開比A打?
邏輯好似唔太ARM喎

你舉o既例子會唔會奇怪左一d呢??點解要舉"A出手打B"?

套用返現實情況,好簡單,你出街,你唔小心踩到人,你會唔會立即同對方講,呢個係"意外"來架~~??

我諗正常人第一句講,應該係話對唔住,我唔小心或者我無心踩到你~~

返來馬場,點樣先叫意外呢,如果前面馬匹突然出現急停,導致後上馬匹"收制唔切",踩中對方後蹄,咁先叫意外吧!

如今,賽後報告就話另定研訊,而家一切以我肉眼估計(所以之後如果我冤枉好人,我會道歉),我睇直鏡,見到前面馬匹並無勒避,急停或者

搶左萬事喜跑線呢d情形出現,所以依我經驗,係小蔡判斷錯誤,"跟車太貼"出事~~而賽後報告,天祿又真係甩左蹄鐵~~

我知道,有人墮馬大家都會心情低落,唔理小蔡有無出錯,大家都會支持小蔡一方,但係要作出中肯o既判斷,有時真係好殘忍,如果你覺得我

係好殘忍,好無人性,完全無人情味,無錯,我認架~~

如果我唔保持呢個中肯o既心去評估賽事,出現偏袒的話,咁我o既分析就一定出錯~~

所以今次事件,我個人覺得絕對唔係意外,係小蔡個人之失,講完~

作者: 武豊 時間: 22/5/2009 04:28 PM

好耐以前d人有句話"行船跑馬三分險", 而家科技有進, 行船應該無以前咁危險啦, 但係跑馬既危險係無咩點減少既, 始終馬本身係畜牲一隻, 唔係機器, 騎上去既人無可能百分百控制到! 咁當然, 人也不是機器, 未必日日都表現100% (便是蘇銘倫都有夢遊的日子!)

衷心祝這個年青人無事!

[ 本帖最後由武豊於 22/5/2009 04:36 PM 編輯 ]

作者: yinho 時間: 22/5/2009 04:40 PM

QUOTE:

原帖由 莫問我是誰 於 22/5/2009 02:10 AM 發表

你舉o既例子會唔會奇怪左一d呢??點解要舉"A出手打B"?

套用返現實情況,好簡單,你出街,你唔小心踩到人,你會唔會立即同對方講,呢個係"意外"來架~~??

我諗正常人第一句講,應該係話 ...

我都覺係佢想拎位出黎,但又俾雪山神駒封左佢,收唔切先搞成咁

但跟車太貼真係好易出事,近既都有王志偉差d中招,仲比馬會炳:hhh: :hhh:

作者: 莫問我是誰 時間: 22/5/2009 05:03 PM

見習騎師蔡明紹於昨晚（5月21日）第七場賽事綿發讓賽中策騎「萬事喜」出賽時墮馬，其後被送院診治。

受薪董事小組今天接獲通知，表示見習騎師蔡明紹現正接受觀察。至於他是否適宜於短期內恢復策騎，則須待至今晚稍後時間方可確定。

因此，馬會將於明天上午就此事再作公佈。

作者: Running 時間: 22/5/2009 05:08 PM

QUOTE:

原帖由 莫問我是誰 於 22/5/2009 05:03 PM 發表
見習騎師蔡明紹於昨晚（5月21日）第七場賽事綿發讓賽中策騎「萬事喜」出賽時墮馬，其後被送院診治。

受薪董事小組今天接獲通知，表示見習騎師蔡明紹現正接受觀察。至於他是否適宜於短期內恢復策騎，則須待至今晚稍後時間方可確定。

因此，馬會將於明天上午就此事再作公佈。

多數都要換人啦:mmm:

一如之前所講，因為跑星期四，撞正星期日跑馬，好多配搭一早已經入晒紙，

結果出o左事之後，今日排位就仍然有佢個名，不過臨急臨忙又唔夠騎師用，o的配搭的確係難搵o的。

既然馬會有心想試下跑周四夜馬，今次事件實在有必須檢討，以免日後又出現同樣情況下，隨時搞到無人可用。

作者: jintinc 時間: 22/5/2009 05:13 PM

QUOTE:

原帖由 Running 於 22/5/2009 05:08 PM 發表

多數都要換人啦:mmm:

一如之前所講，因為跑星期四，撞正星期日跑馬，好多配搭一早已經入晒紙，

結果出o左事之後，今日排位就仍然有佢個名，不過臨急臨忙又唔夠騎師用，o的配搭的確係難搵o的。

既然 ...

狄雄有機:fff: :fff:

作者: Running 時間: 22/5/2009 05:20 PM

QUOTE:

原帖由 jintinc 於 22/5/2009 05:13 PM 發表

狄雄有機:fff: :fff:

我反而諗徐生俾佢o個兩隻同主馬:fff:

作者: jintinc 時間: 24/5/2009 07:26 PM

QUOTE:

莫問right:fff: :fff:

小組是日就見習騎師蔡明紹於接近四百米處被「萬事喜」拋下的原因進行研訊。小組聆取了見習騎師蔡明紹、白德民（「天祿」）、見習騎師梁家俊（「金剛小子」）以及見習騎師蔡明紹所屬馬房練馬師告東尼的證供。

小組確定，接近四百米處，「萬事喜」自「金剛小子」後面向外移出，當時「金剛小子」收慢避開「寶利多」後蹄。

「萬事喜」向外移出時，踢中「天祿」後蹄並且失蹄，導致見習騎師蔡明紹被拋下。根據所得證供，小組認為墮馬事件純屬意外。

作者: taxi2003 時間: 24/5/2009 07:30 PM

QUOTE:

原帖由 jintinc 於 24/5/2009 07:26 PM 發表

莫問right:fff: :fff:

小組是日就見習騎師蔡明紹於接近四百米處被「萬事喜」拋下的原因進行研訊。小組聆取了見習騎師蔡明紹、白德民（「天祿」）、見習騎師梁家俊（「金剛小子」）以及見習騎師蔡明紹所屬 ...

同元武者同case,唔夠位想夾硬撬出:ppp: :ppp:

作者: 莫問我是誰 時間: 24/5/2009 08:36 PM

QUOTE:

太明顯啦,如果賽後報告可以再完整一d,深究一下,萬事喜係唔係踩中天祿左後蹄,而導致天祿左後蹄蹄鐵甩脫~~

果日好彩天祿嬴左,如果輸左,投注左天祿o既馬迷如果知道甩蹄鐵原因,o個時又會有咩回響呢?:aaa:

作者: ztan 時間: 24/5/2009 08:51 PM

呢單野令我諗返起鄭昌達:zzzzzzzzz:

作者: 莫問我是誰 時間: 24/5/2009 08:54 PM

QUOTE:

原帖由 ztan 於 24/5/2009 08:51 PM 發表
呢單野令我諗返起鄭昌達:zzzzzzzzz:

我記得係佢騎正隻衰馬"如我所願'..呢隻馬超級神經質,同隻銀星二號有得揮~

當年賽後報告~

見習騎師曾錦銓（「海翡翠」）原先過磅時，未有帶同皮帶及馬鐙，須重新過磅，馬匹亦延遲前往馬匹亮相圈。他因疏忽被判罰款二千元。小組接納胡活士（富高）關於他過磅時遲到的解釋。「新皇朝」入閘後煩躁不安，嚴重漏閘。剛出閘不久，「完美勝利」被「星丘之星」擠迫及須勒避，當時「星丘之星」正被「武當俠士」急速帶向外跑。由於見習騎師鄭昌達自「如我所願」墮馬後嚴重受傷，小組決定為所有人士著想，應進行初步研訊。小組除已極小心觀看所有巡邏影片外，亦向胡活士（「富高」）、馬偉昌（「特區駿馬」）、見習騎師曾錦銓（「海翡翠」）及韋達（「進威星」）查詢。小組亦聆取見習騎師鄭昌達獲指派追隨的練馬師約翰摩亞的證供，他同時亦屬「如我所願」的練馬師。現階段，小組認為不適宜作出最後結論，但小組發現在趨近八百米處開始轉彎時，戴上眼罩的「如我所願」令見習騎師鄭昌達難以穩定其走勢，該駒正在「海翡翠」及「特區駿馬」之間的半個馬身位後走勢笨拙。趨近八百米處時，正在外閃的「富高」令「特區駿馬」略為受妨礙，導致該駒向外斜跑。約在同時，「進威星」挨擦「海翡翠」的肩部、令「海翡翠」一度失去平衡及略為向內斜跑。小組根據他們的觀察及現時所得的證供，小組初步認為由於「如我所願」持續走勢笨拙，而其內側及外側的馬匹斜跑，「如我所願」因而失去跑線，及前蹄觸碰「特區駿馬」的後蹄，該駒似乎因此而跌倒。在研訊時，全部騎手均說在墮馬事件發生前及發生當時，他們均未有聽到身邊有呼叫聲要求給予空位。當「如我所願」跌倒時，「完美勝利」及「新皇朝」須大力勒避。「掌權之威」及「天天歡喜」亦因此受妨礙。小組將等待見習騎師鄭昌達可以作出證供時，才能作出最後結論。接近二百米處時，「天天歡喜」向外斜跑以繼續上前。趨近終點時，「犀利」向內斜跑，令「雄心萬丈」約在二百米處時受妨礙。「富高」全程嚴重外閃。賽後獸醫報告「海翡翠」右前蹄不良於行。「海翡翠」將須於試閘及格經獸醫檢驗後才准再次出賽。賽後獸醫說「進威星」左邊跗關節內側割傷。「特區駿馬」被送往接受獸醫檢驗及例行檢查。馬偉昌（「特區駿馬」）說該駒走勢良好，但在賽事中須較理想更向外避，因他不斷被外閃的「富高」阻礙。他說在趨近終點時，「特區駿馬」墮退及傾向內閃。賽後獸醫報告「特區駿馬」左後蹄內側割傷。

作者: ztan 時間: 9/6/2009 07:09 PM

QUOTE:

原帖由 莫問我是誰 於 24/5/2009 08:54 PM 發表

我記得係佢騎正隻衰馬"如我所願'..呢隻馬超級神經質,同隻銀星二號有得揮~

當年賽後報告~

見習騎師曾錦銓（「海翡翠」）原先過磅時，未有帶同皮帶及馬鐙，須重新過磅，馬匹亦延遲前往馬匹亮相 ...

http://www.youtube.com/watch?v=qImAjUeuE04&feature=related

歡迎光臨賽馬世界 (http://racingworld.no-ip.org/)