標題: 另類銀行馬~~ [打印本頁]
作者:
冼馬田 時間: 6/7/2009 11:33 PM 標題: 另類銀行馬~~
我會同大家傾0下我心目中的銀行馬。
今次講第一匹，係馬威力。呢隻馬今季為左減分而跑得好多，到四五月減夠分，都已經用左好多力，季尾搏左幾場都贏唔倒，不能否認略有退步，但程度上也是欠運。我估計經過暑期畀番0的新鮮感佢，九月跑四班谷草點都唔會冇馬贏，好著數都贏三班賽，同期同類0既馬威力我認為唔會差得好遠。睇方嘉柏會唔會季初用盡佢，肯用0既隨時可執兩W幾P。
作者:
Running 時間: 7/7/2009 12:00 AM
講另類銀行馬，我會推介兩隻：我跑得、福建王子。
前者擺到明遲熟，季尾兩戰越跑越接近，加埋身型越跑越壯，證明佢都係而家先開始成熟，下季五班必定係大超級，點都有兩場頭馬在手。
後者健康好返後，狀態同樣開始見好，呢類老馬個勢一起返，季初狀態必定會非常Fit，就算而家評43分，我估老苗都唔會收埋，季初谷草一哩、田草千六都係佢射程範圍，最少都執到一場頭馬。
作者:
冼馬田 時間: 7/7/2009 12:27 AM
福建王子你唔講我遲0的都可能會講到﹗呢隻馬根本係神馬黎0既，我當佢而家老退左0的，都值四班頂。有時0的馬健康有過挫折唔緊要，只要有底質，一養番好威力會好大，仲經常會有好賠率畀番你，呢隻福建王子，希望佢冷門0的啦﹗
作者:
冼馬田 時間: 7/7/2009 09:52 PM
今日講第二隻：卡加小子。
呢隻馬本身就好忠心0既，今季長期評分偏高，都間中剷入三甲，而家評六十分，下季可以名正言順跑四班賽，其實我認為負輕磅跑三班賽都得，因為賠率會好0的。谷草沙田千四千六不拘，睇呂健威點部署了。
作者:
thankheavens 時間: 8/7/2009 12:27 PM
原帖由 Running 於 7/7/2009 12:00 AM 發表
講另類銀行馬，我會推介兩隻：我跑得、福建王子。
前者擺到明遲熟，季尾兩戰越跑越接近，扒V壯，證明佢都係而家先開始成熟，下季五班必定係大超級，點都有兩場頭馬在手。
後者健康好返後，狀態同樣開始見 ...
幾好
撐
作者:
冼馬田 時間: 8/7/2009 10:24 PM
今日講第三隻馬，勝利雄威。
睇住分廄表，見倒吳定強0的馬，一定會會心微笑。全馬房大部分馬都係有分在手，佢又好順其自然唔會刻意早用，佢又有一批馬主好信佢長期支持。我地賭馬就唔駛理佢點解會咁，總之見有好馬就照賭可也，話之佢。
呢隻勝利雄威，係果種顯示過質素，但中途健康有挫折，又好彩被養番好健康可以再黎過的馬。已一再在陣上展現鬥心，九成都跑十足畀你睇，季尾熱倒係輸在後上馬排個一檔，係值得畀藉口佢0既。唔排除佢今季六七歲先好似耀目同老張神駒咁贏佢三場﹗
作者:
西人堅 時間: 8/7/2009 10:43 PM
另類銀行馬.....
我以為係 d 必熱但係 成日唔響度 ge :zzz:
作者:
冼馬田 時間: 9/7/2009 12:32 AM
原帖由 西人堅 於 8/7/2009 10:43 PM 發表
另類銀行馬.....
我以為係 d 必熱但係 成日唔響度 ge :zzz:
你喜0既可以開個post講呢類馬，不失為好0既回顧話題
作者:
冼馬田 時間: 9/7/2009 10:04 PM
今日講第四隻，名店之星。
呢隻馬呢，今季全力減分，減到有0的過龍，結果季尾忍唔住要執番場。本身跑盡係二班夠贏的馬，下季七十八分起步仍有水位，如果跑三班賽，我睇不論沙田跑馬地或泥地一樣夠跑，但上番二班就要睇對手了，而泥地遇弱對手的機會較大，我睇徐雨石正章都係搏左泥地先，唔得先再算，馬本身係好準0既，長線係值得擺錢落去0既馬。
作者:
taxi2003 時間: 9/7/2009 10:04 PM
原帖由 冼馬田 於 9/7/2009 10:04 PM 發表
今日講第四隻，名店之星。
呢隻馬呢，今季全力減分，減到有0的過龍，結果季尾忍唔住要執番場。本身跑盡係二班夠贏的馬，下季七十八分起步仍有水位，如果跑三班賽，我睇不論沙田跑馬地或泥地一樣夠跑，但上番 ...
喘鳴馬唔係可靠投注對象:ooo: :ooo:
作者:
飛神 時間: 9/7/2009 10:05 PM
甜在心頭:loveliness: :loveliness:
作者:
飛神 時間: 9/7/2009 10:05 PM
原帖由 taxi2003 於 9/7/2009 10:04 PM 發表
喘鳴馬唔係可靠投注對象:ooo: :ooo:
有賠率先賭囉:fff: :fff:
作者:
taxi2003 時間: 9/7/2009 10:06 PM
原帖由 飛神 於 9/7/2009 10:05 PM 發表
有賠率先賭囉:fff: :fff:
冇用.....你唔會知佢幾時唔發作,可能熱門果次唔發贏左:yyy: :yyy:
作者:
飛神 時間: 9/7/2009 10:06 PM
原帖由 taxi2003 於 9/7/2009 10:06 PM 發表
冇用.....你唔會知佢幾時唔發作,可能熱門果次唔發贏左:yyy: :yyy:
賭馬就係咁架啦
作者:
冼馬田 時間: 9/7/2009 10:11 PM
原帖由 飛神 於 9/7/2009 10:05 PM 發表
甜在心頭:loveliness: :loveliness:
甜在心頭紙上評分係已經好so，不過我自己意見就係睇倒佢季尾搏左兩三場0的步真係縮左，明顯係真係年紀大有退步，唔係刻意想收埋慢慢食果種，如果來季可以25分起步，季初體力好0的，或可能有機會贏馬。
作者:
taxi2003 時間: 9/7/2009 10:13 PM
原帖由
飛神 於 9/7/2009 10:06 PM 發表
賭馬就係咁架啦
所以呢D馬發多過一次我都永久BLACKLIST:ppp: :ppp:
作者:
西人堅 時間: 9/7/2009 10:15 PM 標題: 回復 #8 冼馬田 的帖子
活威小子算唔算, 獲獲熱
死 6 鋪先得 2w3p....獲薑次次飛 都唔錯 ga :zzz:
作者:
西人堅 時間: 9/7/2009 10:18 PM
原帖由 冼馬田 於 9/7/2009 10:11 PM 發表
甜在心頭紙上評分係已經好so，不過我自己意見就係睇倒佢季尾搏左兩三場0的步真係縮左，明顯係真係年紀大有退步，唔係刻意想收埋慢慢食果種，如果來季可以25分起步，季初體力好0的，或可能有機會贏馬。
唯一缺點.....個個都知減過龍....肯定熱 :jjjj:
作者:
冼馬田 時間: 9/7/2009 10:19 PM
原帖由 taxi2003 於 9/7/2009 10:06 PM 發表
冇用.....你唔會知佢幾時唔發作,可能熱門果次唔發贏左:yyy: :yyy:
咁跑馬係包含好多突發野0既，唔賭喘鳴馬係一個方法。我自己意見係唔駛拘泥於佢喘唔喘鳴，主要都係計隻馬有幾多能力同賠率行事。上面講果0的勝利雄威同福建王子呀咁都唔係健康穩定0既馬黎架﹗
作者:
taxi2003 時間: 9/7/2009 10:23 PM
原帖由 冼馬田 於 9/7/2009 10:19 PM 發表
咁跑馬係包含好多突發野0既，唔賭喘鳴馬係一個方法。我自己意見係唔駛拘泥於佢喘鳴，主要都係計隻馬有幾多能力同賠率行事。上面講果0的勝利雄威同福建王子呀咁都唔係健康穩定0既馬黎架﹗
勝利雄威我都賭過幾次
腳患如果控制番既,可以正常做番功夫,問題其實唔大....
而且,再出事既十居其九又要長抖好少累人
但喘鳴呢D唔同...
你唔可能從賽前準備估隻馬會唔會發作
而且今次發完下次突然冇事你都吹佢唔漲
但又可能發完一次又一次
作者:
冼馬田 時間: 9/7/2009 10:25 PM
原帖由 西人堅 於 9/7/2009 10:15 PM 發表
活威小子算唔算, 獲獲熱
死 6 鋪先得 2w3p....獲薑次次飛 都唔錯 ga :zzz:
如果包裝至尊未退役我就一定揀佢﹗呢隻咁0既衰野型格靚，晨課又肯走，好鬼引人，但表現跟型格不相符，咁早退役真係可惜呀﹗
未退役0既呢我會揀隻蓬萊仙子，我估計呢隻五班馬，仲要係五班都唔知贏唔贏倒馬果種。可能係另一隻永勝之霸。:eee: :eee:
作者:
sw 時間: 9/7/2009 11:00 PM
原帖由 taxi2003 於 9/7/2009 10:13 PM 發表
所以呢D馬發多過一次我都永久BLACKLIST:ppp: :ppp:
我學你blacklist某隻喘鳴馬結果比佢摑左兩大巴:yyy:
作者:
李澤楷 時間: 9/7/2009 11:03 PM
原帖由 sw 於 9/7/2009 11:00 PM 發表
我學你blacklist某隻喘鳴馬結果比佢摑左兩大巴:yyy:
的士好多野我地係唔學得:jjjj:
作者:
冼馬田 時間: 10/7/2009 09:50 PM
我又黎勒，今日講第五隻馬，極奇妙。
畀呢隻馬其實多多少少係有0的愛駒0既因素0係裡面，經常0係被低估0既情況下跑得好，次次入三甲都有相對好0既賠率。上季隻馬高分，又畀練馬師棄練，支支左左，跑得唔好係正路。來季如果可以八十五六分起步就最好，基本上沙田跑馬地所有短途賽都冇問題，如果試跑泥地0既，我也會非常歡迎﹗
作者:
冼馬田 時間: 12/7/2009 09:06 PM
講左幾隻老馬，都七七八八了，暫時我唔會講老馬住咯。其實要0係老馬堆之中搵出另一匹「京城之威」同「耀目」真係一0的都唔容易。一季裡面，跑得唔好，減分又多0既老馬，其實有唔少；但你要分辦出邊0的馬係回氣減分階段有心部署下季捲土重來，或者純粹因為個分太高而發揮唔倒水準；另外有0的馬佢跑得差，係因為佢真係退化，或者健康上面已經彎左，減多三十分都唔慌會夠跑的。
舉個例，不老英雄今季減分都減左好多，但我就唔敢貼佢做另類銀行馬了。
今日開始講番幾隻後生0的0既馬。呢0的馬都係我愛駒，同埋我深信呢0的馬係仲有水位的。
第一隻係特寶樂，呢隻馬由一千跑千八二千都試過得，究竟係咩馬呢咁？我認為主要係隻馬0係第三班根本大超級，所以路程好似好廣泛咁，只係同你跑個班而已。
呢隻馬最大優點係可以擺前走啦，同埋可以跑谷草，部署可以好有彈性，亦唔會因為某個路程上賽績太好而偏熱。而家評九十分我認為仲有兩W幾P在手。路程我認為冇必要跑到太長，識跑一哩千八就大可主攻呢兩個路程啦，唔駛煩。
不過要注意一點，呢隻馬可能上季太後生，鍾意跑新鮮，有時熟左路或者上場體力用多左就會反覆，來季成長後情況應會好一點﹗
作者:
木奇異 時間: 12/7/2009 09:43 PM
要講搵食馬 點可以冇杏仁 :fff:
游龍獻瑞 擺前守好位馬 上季除左季初之外幾乎鑊鑊都留到鬼咁後黎跑 明顯想減分
杏仁 搞ED老馬 真係出神入化 總之就算贏完都冇人會信 佢又爆過你睇
如果E隻馬 暑假唔轉倉唔退役 應該可以贏返上50分 越冷越要追 :eee:
作者:
小野伸二 時間: 12/7/2009 09:51 PM 標題: 回復 #26 木奇異 的帖子
係咁7-10倍開飯既咪次次都無你份...?:ppp:
作者:
冼馬田 時間: 13/7/2009 10:04 PM
我又黎啦。
今日講第二隻後生馬，新薪。
呢隻馬自佢第二次出賽跑谷草千二果場之後，基本上係場場都瘋狂咁買，熱都冇法。相信都唔駛我多講佢0既好處，總之呢隻會係另一匹谷草霸王，最好就繼續攻千二，1650如果佢到0既就今季已經應該試0下，下季先試反而到時要睇情況，太熱要避避，反而如果跑泥地千二，可能係大茶飯呢﹗
講起呢隻馬，我就犀利咯，呢隻馬幫我中人生以來第一次孖T。果次佢跑沙田千二，係第二口孖T頭關，隔夜有十六倍(臨場好似得番八九倍)，咁0岩尾關係香港金盃0番，爆冷同包裝大師我估一定有位置Q架啦，於是我就懶醒走去搏孖T，尾關爆冷同包裝大師雙膽拖兩腳，頭關用新薪射全餐﹗結果就梗係中啦，頭關開新薪搭兩大熱門包裝至尊同正本仁心，尾場加多隻熱腳花好月圓，每十蚊派七百幾，我買兩蚊注，收番百幾，幾鬼死勁呀﹗:xxx: :xxx:
作者:
kewell 時間: 13/7/2009 10:06 PM
原帖由 西人堅 於 8/7/2009 10:43 PM 發表
另類銀行馬.....
我以為係 d 必熱但係 成日唔響度 ge :zzz:
我都以為係, 講呢D咪又係普通既銀行馬:yyy:
作者:
冼馬田 時間: 13/7/2009 10:24 PM
原帖由 kewell 於 13/7/2009 10:06 PM 發表
我都以為係, 講呢D咪又係普通既銀行馬:yyy:
咁我改POST名做「無聊銀行馬」好唔好？
作者:
kewell 時間: 13/7/2009 10:27 PM
原帖由 冼馬田 於 13/7/2009 10:24 PM 發表
咁我改POST名做「無聊銀行馬」好唔好？
絕對唔係想冒犯冼兄, 只係覺得同我預期有d唔同je:aaa:
作者:
木奇異 時間: 13/7/2009 10:28 PM
原帖由 小野伸二 於 12/7/2009 09:51 PM 發表
係咁7-10倍開飯既咪次次都無你份...?:ppp:
10倍樓下我就只拖唔賭win啦 :ppp:
作者:
Running 時間: 14/7/2009 11:09 AM 標題: 回復 #28 冼馬田 的帖子
放o係呢個馬房，都係算把啦！:yyy:
作者:
☆STAN★ 時間: 14/7/2009 06:48 PM
招財名駒 :eee: :lll:
此馬此季兩勝,兩場都好似識自動波咁勝甩人,仲成功幫米高鄭上岸,四班冇難度
千八最好,田"泥"都得,跑法亦有利,米高下季都要靠此馬爭功,長追冇防:lll:
PS: 米高鄭D新馬初出不防都買/拖番注,一定有意外收穫:lll:
[ 本帖最後由 ☆STAN★ 於 14/7/2009 06:49 PM 編輯 ]
作者:
冼馬田 時間: 14/7/2009 11:25 PM
好0既練馬師可以造就好馬，但有時練馬師都需要好馬造就，許怡都要靠翠河先贏倒冠軍銜頭啦。
我認為如果馬本身係好馬，就算練馬師練得差0的，最多都係令隻馬0既潛力遲0的先發揮倒出黎，贏遲0的而已，終歸都會畀番你0既。如果未發揮倒隻馬，又唔識保養慢慢用，搞到隻馬傷埋，咁練馬師先至係責無旁貸﹗
今日講呢隻馬又係好好馬，但咁0岩又真係擺左0係一個我唔多喜歡0既馬房度，講0既係納帕二號﹗
呢隻馬初出一仗我冇本事中，但之後兩場都追住架勒。因為睇佢初出一仗，馬本身腳法好有蠻勁，睇番賽事片可以見倒馬兩隻前腳係寧寧捨捨向外踢出去，唔同一般中班馬。唔想0係度扮咩相馬專家，總之從實戰中，人人都可以見倒呢隻馬係好肯追馬，好肯纏鬥，由一千到千四都跑得好，即係未定型，評六十分仲可以0係四班起步，即係先送一場頭馬，我自己估，呢隻馬0係三班都唔留得好耐，睇練馬師點發揮啦真係﹗
作者:
冼馬田 時間: 18/7/2009 12:11 AM
幾隻老鬼銀行馬都畀評磅員多減左三幾分，真係天助我也:yyy: :yyy:
今日同聽日，會講兩隻高分馬，今年都有馬贏，分數表面上係盡0既，我但仍認為要時刻留意，尤其0係被低估0既時候。而呢兩隻馬我今季都多次走雞，真係寫畀自己睇等自己記得多於一切﹗
第一隻係厚利多，中佢果次呢，係香港盃預賽果次。我認定左佢係愈長愈好0既馬，果陣隔夜有成三十幾倍，買左佢搭爆冷WWQQ咁啦，好正常。點知臨尾畀人打大劫，真係未試過中一隻馬中得咁嬲的﹗
但更嬲更抵打的事0係之後發生，港澳盃贏馬果次呢隻馬係久休三個月而來，刻意跑果場的；季尾贏馬一場係大爛地，佢係英國馬大佔便宜。結果我兩場都因為隻馬一三三磅而冇買到﹗:xxx: :xxx:
經過呢0的教訓之後，黎緊呢季，甚或係以後呢隻馬仍服役的日子，我都時刻會記住佢，呢0的好馬，有時紙上有缺點係唔怕的﹗總之逐場計，時刻吼實，遇0岩佢夠冷，對手又各有疑問時，就隨時可以取而代之﹗
作者:
冼馬田 時間: 18/7/2009 11:59 PM
今日會講埋另一匹高班好馬，愛駒，但上季連番走寶的馬，時尚風采。
呢隻馬前季真係當佢愛駒，中佢兩次都應0既，但今季佢兩次贏馬都有0的睇唔起佢，真係奶野﹗
呢隻馬有個特色，係鍾意一入直路就出頭，由四百米開始畀個騎師騎到尾就0岩架勒，畀著好多馬咁跑法埋門兩步一定畀馬過，但呢隻時尚風采係唔會0既，季尾贏果場就係好典型「時尚風采式」的贏馬方法﹗
下季只要回夠氣，減0的分，又畀人低估0下，佢又會黎料的了﹗
0係呢度，「另類銀行馬」我已經講哂架勒。我自己0既一套信仰，係賭馬一定要賭被低估的馬，所以，連銀行馬，都係揀一0唔係咁鋒芒，相對會次次都有0的分頭，而本身又有能力0既馬。希望透過以上0既分享，可以刺激倒大家0既思考，亦都可以remind番自己，唔好再走雞啦時尚風采﹗:xxx:
| 歡迎光臨 賽馬世界 (http://racingworld.no-ip.org/) |
Powered by Discuz! 5.0.0 |