伍碧權在港練馬多年，近季由於長期兵源不足處下游位置，上季更只得 10W未能畢業，所以今季一定要努力，否則對續牌頗有影響，但由於兵力始終有限，相信又要打護級戰。

上季伍廐頭馬特色，乃贏得好開之馬會盡用，最佳例子莫如「辣得喜」，贏馬後匆匆隔一周再出連捷。其餘仲有「千杯不醉」、「質超駒」及「年年如意」等取得兩 W，可見此廐由於長力不足，有戰鬥力之馬會於季內好開時盡贏，相信今季部署手法都唔會有太大變化。

黃汝安上季由於有兩位副練何敬森及洪國興加盟，吸引到不少嫡系馬來投，一度成為 50駒之大倉，故此季尾埋單計數，共勝出 19W。可惜今季何敬森被調往梁定華馬房，引致不少支持何敬森之馬亦轉投華，養馬量暴跌，目前暫只得番 24駒，兵力打回原形，料要在下游掙扎。

今季此當務之急，必然係希望再贏夠 13W畢業，但限於兵力，或許又會部署專吼谷草或泥地此類對手較弱之場合出擊。