競賽小組無能


今個季度，馬會競賽小組可謂烏龍百出，最近「傑作」為南非騎師薛凱文公然在覆磅前飲用汽水，但小組竟然懵然不察，事後要其他人提點才如夢初醒，監管機制形同虛設，競賽小組的無能盡顯無遺，馬會的威信也蕩然無存。

受薪董事一直自我標榜專業水平，但由薛天華領導的競賽小組，監察尺度時鬆時緊常惹詬病，對騎師陣上礙眼的跑法不聞不問，間接姑息養奸，加上騎師荒持續，即使獎金高，各方好手也抗拒前來客串，導致本地馬圈生態出現嚴重問題，騎師陣容乃人所共知的小圈子，只由極少數人來操控整體形勢。

受薪董事反應慢半拍

回說今屆國際賽日的大笑話，薛凱文騎「飛鷹山」贏出香港盃後，返回看台前，仍在鞍上的他，在眾目睽睽下竟向身旁的閘前助理員要求遞上一樽汽水，公然大喝數口，當時數以萬計的電視觀眾及現場馬迷無不嘩然。自稱監察水準達世界頂級的香港馬會競賽小組，當時竟然未有察覺到薛凱文這個嚴重違規的行為，直至傳媒向當值人員提點，小組才「如夢初醒」急召當事人查問，然而反應實在太遲鈍，薛凱文早已離開馬場，需要延至翌日才能向騎者作出研訊，罰款補鑊草草了事。

坐享高薪的受薪董事們，終日躲在研訊室內，表面上是埋頭工作，但卻缺乏外界監察，馬會亦一直不肯開放研訊室予傳媒旁聽。
       
白德民「待遇」與眾不同

現時香港的受薪董事主要來自澳洲，偏袒鄉里騎師之傳言，歷年從未平息。事實上，以往戴勝的表現經常惹起輿論批評，陣上騎法即使一再礙眼，但最終幾乎每次都能避過判罰。戴勝雖已離港返澳，但今季又輪到另一位澳洲騎師白德民公然挑戰法紀，「文武精英」、「常山鎮寶」、「龍的風采」等駒的低級發揮，令人不堪入目，有時鞭推並施贏馬，有時又笨手笨腳，贏馬一條龍，輸馬一條蟲，根本將香港馬迷都當作傻瓜。
       
亂解畫小組照單全收

身為白德民的波士，大摩也一樣視而不見，「常山鎮寶」逢用主帥例輸，反而借用楊穐棠卻爆出冷門，甚至早前國際騎師錦標賽抽籤配薛達祺，同樣贏得出色。至於「文武精英」白德民只用雙手輕推，最後不敵摩喼「驃驥王」，事後竟以坐騎不受鞭為理由，來回應小組查詢，惟之前「文武精英」卻在他鞭如雨下勝出，贏輸兩個款。此外，白德民處理「愛拼者贏」的騎法，亦令馬主施榮怡非常不滿，更去信馬會投訴。演出忽龍忽蟲，但次次甩身，如果說小組沒有偏袒，也令人難以信服。

縱使身為同業，也有個別華籍騎師對某些過江龍的騎法有意見，他們對小組不斷縱容小撮外籍騎師甚為不滿，甚至懷疑馬會高層與部分騎師「蛇鼠一窩」，進行利益輸送。難怪在港從騎已十六年的高雅志，早前亦突然向馬會請辭，返回祖家另謀發展。
       
歪理當真理

十一月二日賽後報告摘錄：白德民說，「文武精英」奔向終點時，他繼續手足並用猛烈催策坐騎，但沒有開鞭，因他認為「文武精英」已交出最佳走勢，加上坐騎已衝了一段較長途程，他覺得開鞭對坐騎不利。他說，上仗他策騎「文武精英」勝出時，曾數度開鞭，但該次他能夠留住「文武精英」至接近二百米才發力。他說，「文武精英」該次雖然能夠保持勁勢，但在鞭策下似乎沒有加速。
       
馬迷點睇 薛凱文違規

飲料成分點解唔使驗
郭先生：「連馬迷即場都睇到薛凱文飲汽水，點解競賽董事小組會唔知呀！而且又唔驗瑶佢飲碹支禝，咁點知碹支係汽水呢？依家罰五千蚊完全無作用，起碼都要罰薛凱文停賽先合理！」

罰五千欠阻嚇力
何先生：「罰薛凱文五千蚊對佢真係濕濕碎，我認為最少罰五位數字先至有阻嚇力，同埋馬會應該要驗瑶碹支禝，睇瑶會唔會係用箧化解違禁藥，咁做先至算公平公正！」

馬會厚待外隊？
梁先生：「我認為呢單禝好嚴重，就算取消資格都唔過分，因為碹支禝可能係藥物，如果係普通汽水都可能影響磅位，而且騎師未覆磅根本唔應該同其他人有任何接觸，究竟馬會係咪對外隊特別寬鬆？」

騎壇小圈子問題嚴重

香港馬圈幾十年來都以遍地黃金馳名，但近年海外好手紛紛拒絕來港，皆因對香港馬會已全無信心，只怪競賽小組低劣的執法水準所致。一些極度礙眼的騎法應問不問，相反司空見慣的陣上輕微擠碰，卻往往小題大做，沒有「特權」的騎者們，更經常受到嚴厲判罰，直接影響馬匹部署以至馬主利益。個別本地練馬師對目前騎師嚴重不足，都歸咎於馬會政策失當。

韋達坐大非馬迷之福

小圈子問題愈趨嚴重，導致每季數百億元的投注，完全未獲保障，韋達繼續一人坐大，每場賽事大部分實力馬任由他左揀右揀，都只怪缺少具分量的外來騎師與他抗衡，馬圈生態失衡，絕非馬迷之福。

檢討現時在港出賽騎師的數目，長期只得約二十人，在「手快有、手慢冇」的不健康狀況下，練馬師及馬主有時被迫起用某些騎師，賽後卻只換來一肚氣，卻又投訴無門。香港馬圈「大彩池、小圈子」的畸形現象，都是拜無能管理層所賜。

啊，薯片佬本身同隔離咁「友好」、加埋西方馬經都有地盤，

呢o的報導到底係咪夾埋一齊出架？

薜凱文只係飲左一啖仔佢居然話 "大喝數口" 擺明誤導 :zzz:
e篇野我好懷疑老輝有份寫 :yyy:  睇下講白德民果度, 根本就係老輝d陰謀論, 連高雅志走人都係陰謀論 :yyy:
愛拼者贏個馬主根本就唔知聽左邊d人篤白德民背隻, 如果真係不滿, 一早應該投訴la, 等到10幾日之後?
我都唔鐘意韋達坐大, 不過問題唔係競賽小組, 而係馬會的騎師政策. 海外好手紛紛拒絕來港只因人地外面收入穩定, 又有大把大賽跑, 早咩野要黎hk同韋達果d爭姐, 一定爭唔贏ga

我都陰謀論一下先:fff: :fff:
佢地口講罰薜凱文,其實心入面係想頭馬取消資格等爆冷保住個place:yyy: :yyy:

就算唔係老雞自己寫，都可能係佢 D 信徒有份寫！:eee:

會唔會係生果日報既人過左檔呢

成篇野我好懷疑係對面班天皇人物 + 薯片佬 夾手夾腳寫既 :eee:

薛凱文單野反而覺得馬會罰少左.
當然如果唔涉及賭博就無問題,但問題呢度係香港.

馬會厚待外隊.

問下家長係唔係有崇洋心理,講英文叻係唔係人都高level d?

有冇諗過白德民係邊位練馬師主帥?
點解無人話過練馬師乜乜物物?例如大摩,方嘉柏?

3年前鄭雨滇騎自由行贏左冼毅力隻勁闖.

結果入凱旋門時滇仔係黑哂面,之後立即俾羅達操番.

呢d又係咩野黎:fff:

飲料成分點解唔使驗
郭先生：「連馬迷即場都睇到薛凱文飲汽水，點解競賽董事小組會唔知呀！而且又唔驗瑶佢飲碹支禝，咁點知碹支係汽水呢？依家罰五千蚊完全無作用，起碼都要罰薛凱文停賽先合理！」

我上次o既戲言...估唔到真係有馬迷提出~.~"""

駛唔駛捉埋個入閘員去驗呢?:yyy:

呢d 偶一才發生嘅嘢 追究來把鬼咩 而且對方係 客人和已經成過去.
香港人 愈來愈無聊和得閒. 大事和有潛在危機嘅事又睇唔到,就係浪費晒d時間,爭論埋呢d以後都唔多可能再發生嘅嘢. :uuu:
現在 香港人  心中只有 報仇雪恨:tttt:

[ 本帖最後由 櫻花 於 24/12/2008 03:54 PM 編輯 ]