現時24個馬房中有7個養馬量少於40匹

其中賀賢、蘇保羅馬房麻雀雖小但五臟俱全，坐擁為數不少的高質馬
不單護級，取得較好成績也是手到擒來

霍利時近期有不少新血湧入，舊部亦具備不俗戰鬥力，上岸不出意外應是easy job

吳定強雖然長期在榜尾徘徊，但卻是馬壇的"韋根"，總是能夠化險為夷
今季擁有為數眾多的未用質新馬及有分在手的老馬，個人看好強哥可以提前N輪護級成功

所以，護級馬房數來數去只得三個：李易達，孫達志及胡森

1、李易達(31匹)

連續兩季收到警告信，奸仔已不能怠慢.上季完成換血
倉內29匹馬中至少有15匹未用或少用的質新馬
不過從上季睇大多數進度不太理想.若然大家關心、時裝精英等已有表現的馬未能取得多捷
又或者冇特別的標青分子湧現，相信李易達今季想護級難度非常大.
反而我對其馬房部份明顯部署減分的幾匹馬留有期望，如歡喜、白玉凱旋等
不排除有反彈可能.希望李易達唔好再死收爛收，早D贏馬上岸方是上策

2、孫達志(24匹)

不同於李易達，孫達志手馬質量明顯較高.
高分區的包裝鬥士、威武福星、穿雲箭甚至名駒評分肯定未盡，仍有上升空間；
減分較多的優勝、多旺財、幸運戰略有力反彈
甜蜜蜜當打，新馬如威旺財以及即將到來的包裝勝將(應無記錯?)季內都應會交出好表現
並有三匹T布馬，所以孫達志想達標難度應會小於李易達.
奈何兵力實在有限，一旦馬匹出現上季時肌腱受傷等各種傷病今季會舉步維艱

3、胡森(18匹)

昨天有能力的魅力好漢被拉走，胡森只剩下可憐的18匹戰駒
兵源極之有限，加上好易搵、至勝威龍、高山威龍等馬拼搏過多
今季能否延續上季的贏馬旺勢要打個大大的問號
與孫李相比，胡森竟然冇一隻T布馬，馬主的支持薄弱
想及格？真係難上加難，除非季中有新血液補充...否則靠不足20匹的馬希望渺茫
值得期待的馬有索咖啡同紅褲仔，兩駒有力更上一層樓；
舊將如左右逢源、經典皇牌等仍能在泥地賽事中也文也武
金秋與極速或會衝破90分，勁勇威龍、威勢之寶、幸運新寶、風采在各自的班次長期具備競爭力
其牠馬基本可以唔睇...望就望晴空萬里及早傷癒打救胡森
但不出意外，胡森今季在劫難逃

[ 本帖最後由 雄心威龍 於 30/7/2014 06:33 PM 編輯 ]

不過從上季睇大多數進度不太理想.若然大家關心、時裝精英等已有表現的馬未能取得多捷

應該係未夠表現,等待進步啵!

標凖唔同…兩隻馬甘嫩水都輸近過在我眼中已好好

你有你道理! 隻時裝精英 第2場改跑法唔駛大敗經已有大進步

收收埋埋個兩隻金筷子同金叻星都唔知輸左幾多錢落去,轉馬房都唔知幾win係手

[ 本帖最後由 kaosen 於 30/7/2014 02:51 PM 編輯 ]

名駒算吧啦

金筷子之前胡森都整傷左佢 依家仲要搵李易達養

乜得返 21 隻.....比起其他 兩件 佢起碼都正正氣氣 都攪成咁
(比起果2件有邊個更唔正氣 )

加三匹T布應是24匹...
李易達有兩匹T布，有31

肥胡今季都幾危

其實我都唔知佢究竟有冇心係香港繼續開倉

形勢最危險應該係李易達

又要玩又要收埋食

睇埋今季冇得睇佢D馬跑出黎當抽水

奸仔開齋...

靠柏寶對紅色手套

李易達咁多5班馬, 唔駛練得好叻, 靠d馬實力都夠贏啦

唔信咁多隻5班都唔曉贏

隻春天應該唔識贏我信大地王者會贏,不過到時可能轉走了,同主馬都不在李廄

胡森今晚又白卷,泥地都冇馬贏李易達件時裝唔知下次點

時裝今鋪偷唔到下次走樣居多
胡森今日真系元氣大傷