http://www.hkdailynews.com.hk/horse.php?id=312134&scid=15
烈風天馬變打壞游水惹的禍
我剛剛才講過話在周末跑馬會導致整體刨馬經時間唔夠充份，連個人亦緊張埋，結果真是連場爆冷，就算莫雷拉贏的「金巴裡好」都派彩$147.5。講真，俾我再揀多次我都唔會揀佢，依家俾佢贏咗，真係要對莫雷拉寫個服字，看他在陣上跑法夠主動，直路騎到足，韋達拍住佢，便變成一個小學生咁。馬匹爆冷門是慣常事，但騎師王爆冷門，而且仲爆到係彭利力，就點都諗唔到。全日最撈到嘢的應該係「奪目商人」，由開賽前五分鐘的8.6倍下降至開跑時4.2倍，套用馬房仔話齋真係「索」到痺，我一直以來都提醒各位馬迷，泥地無分1200米轉跑1650米，或者1650米轉跑1800米之別，總之啱跑泥地就OK。
潘頓贏莫雷拉要開香檳
另方面我相信贏到場馬未必令到潘頓好開心，最重要的是他卒之能夠憑「奪目商人」恰返次莫雷拉的「兵工闖」了，前晚應該可以開香檳，飲得杯落了。
全日睇跑馬使我最不開心的是看到我以住練開嗰匹「烈風天馬」跑到包尾，過終點後馬上拉停，及在賽後被驗出氣管內有很多血。我在季初曾經忠告過有關人士並以溫馨提示指出，「烈風天馬」以往曾經做過喉嚨手術，不適宜游泳，但主理將我呢項寶貴經驗置諸不理，我亦同時指出「烈風天馬」要多行機（每日最少兩個小時），使牠多作露天活動，無咁緊張，可惜目前一切操練都是倒行逆施，此駒目前已經可以列入操壞嗰類，除非經過長期休養治療，操練從頭來過，否則可以將呢匹馬的名字抹去。
游水非天性 容易受驚嚇
各位馬迷，我相信你們都會看過一些宣傳和馬匹游泳的影片，講述馬匹游泳的益處，但馬匹始終都是陸地上的動物，亦非兩棲，牠的強項是奔跑，保護自己的本能是速度，牠並未具備落水游泳的條件，造物者並未為牠加上掌和蹼，馬蹄絕對不適宜游泳，大部份馬匹都有恐水症，如果各位唔信，可親臨馬匹游泳池參觀便有分解了。
馬匹游泳池遍地馬屎，臭不可耐，是馬匹驚慌和緊張時癩出來的，池水也有馬屎飄浮充斥，所以當我以往在任職練馬時甚少派馬匹游水，同樣現時奧運馬房的練馬師亦甚少遣派馬匹前往馬匹游泳池，但對操練並無影響。
如果各位馬迷發現馬匹在亮相圈行圈時，看到牠們的馬尾短了一橛，那大多數是游水導致的唔好處（馬尾是幫助馬匹平衡的）。馬會有宣傳報導有關馬匹游泳的益處，但馬匹游泳的害處就從來無人講，基本上有些馬匹是不適宜游泳的，例如「烈風天馬」、「贏啲啲」和「大地王者」等，日後我有時間再講。
1. 大家都係練馬師, 現任睇法同自己唔同都唔等於錯吧?
梁生經驗咁豐富, 睇法咁獨到, 烈風天馬跑左兩季又咪得1W
2. 告仔練馬都經常派馬游水, 如果真係有咁大害處,
貴為冠軍的告仔冇理由唔知吧
3. 最後提到的兩駒, 唔怪之得轉左去李易達
