估唔到個POST突然咁多回應呢
先回個言先，好開心能得到咁多位RW網友的鼓勵，這點我真的很感動呢。
講回"他"的回應先，先講講血統方面先，雖然我真係唔熟呢方面，但我地有好多主持都識，而且都好專，GALLANT CHIEF及魯賓遜及飛標主持們佢地肯定好有研究，相信"他"如果有買生果報都應該知。
至於吹水方面，咁賽馬節目冇話一定由第一秒到尾都要講馬，以前董標做賽後節目都會在頭十五分鐘講下人生道理，就是這些的環節才令賽馬節目更有多元化的。
而第三我見"他"所述，話要係節目中講咁多血統問題，不過賽馬又唔係一個單純講血統之運動，有好多其他的問題亦值得深思，而出擊手法方面我地幾位主持楊駿王力等人卻是好多見解。
而"他"說要我地講為何唔揀某些馬，我地每次節目都有講哂全場14隻馬的一節，希望"他"不要忘記啦。
至於我就真係揀馬好水就真，成日輸，我六年前都試過係報紙寫馬，可惜本人不才，雖然我自知自己不是一位眼光獨到的評馬人，但本人由第一集開始，能在六年間和各位主持通力合作，而大家的感情也能維繫至今，直到最後一集都能團結一致，這點我確實既感謝又自豪的。
雖然我們做這五百幾集節目是義工性質，但我好肯定我們做節目之熱誠、水準及態度絕對及格有餘的。
[
本帖最後由 河馬仔 於 21/5/2013 11:00 PM 編輯 ]
