|
講真冇一隻可以好似精英大師咁了...跑法超級主動,由頭帶到尾,唔洗騎靠自己速度,
分析下今年D新馬
萬事佳 : 以乾快場地速度見稱,以我所見似乎需要更為硬功既師傅騎,蔡明紹未必可以發揮到最頂點,而且可能會受場地限制,落雨明顯出腳偏慢,贏馬雖然輕鬆今明顯需要以推騎維持速度,增程可能會更合,但觀乎質素未達級制賽水平,上班都可能未必未砌,希望未來繼續進步而上
盈彩繽紛 : 今季一出已經係落雨場地取勝,質素明顯超級,其實連出四場千二無論草泥外檔都能夠輕鬆取勝,但係咪去到精英大師級數又未必,以其跑法較為被動,有D似鳥語花香,若步速過慢可能會有影響,但暫時未見,上場沿途形勢危機重重仍能以四分三馬位取勝,可以肯定,其跑法應可更有彈性,上一級賽指日可待
美猴王 : 新一代谷草王,落敗於一場一千米賽事,明顯與其熱身途程不足,以致末段未能以最強勁衝刺追上,但受阻仍可以追到第三,質素非等閒,跑法未必太過彈性,留後衝為最佳跑法,其後勁絕對可以妣美同一世界係國際賽當日所展示既後勁,而且翻步大,於千二米途程有絕對優勢,以其段勁絕對可以同對上兩隻對碰,但要睇佢轉戰沙田,長直路係咪可以保持到衝刺力400米
旅英駿駒 : 係初出新馬1000米既時候,已經唔係一匹新馬可以做到既野,第二,三段時間造出近乎一級賽既水平,其後進度較普通,插班仍能造出好時間,只負開心自在短馬頭屈居第二,質素肯定比預期更深不可測,要睇日後進度
4隻超新星,今季真係會好好睇,4隻適應力都強,
跑法各有特色,最期待韋達兄會揀邊隻....KAKA
美猴王,盈彩繽紛,旅英俊駒
|
