你地信唔信大注落飛馬架?
記得好多年前, 我本人賭馬都會相信大注落飛既馬(以前有人話我傻仔我都會照跟)
但到左今時今日, 我己經唔會再相信
個人以前會跟風咁買係因為, 投注額太過勁喇, 記得以前跑九場都可以推到上十三四億
換句話講, 如果要郁個電算機要用好大舊錢先郁到
比如要郁個win 咁計丫, 跑到去尾果三場咁計
淨係win 飛已經接近三四千萬, 如果要大戶落飛, 都唔知要用幾多錢先打得郁
果陣時我係信錢, 始終人地用真錢打落去, 反而我就絕對唔會信d 人話邊個邊個馬房比料
除非比料果個人親自拎一舊錢出黎買落去我就會信, 所以我個人好現實
至於近呢幾年無再信落飛, 因為其實而家投注額都唔高, 好容易唔洗用好多錢就可以郁到個彩池
唔知道大家有冇留意, 大約早七八年或以前
那時科技上無咁發達, 落飛既馬反而無咁明顯
因為以前舊式電算機, 唔會著紅橙, 也不會著其他顏色既燈
果陣時就有少少要靠記憶力了, 因你無可能每幾分鐘就抄一次
如果唔識睇電算機仲好麻煩, 9:2, 7:2, 5:2
有些人唔知咁樣係代表幾多倍
但無可否認以前大注落飛係準d
早5, 6年前左右啦, 都會試過有人一次過買八百萬win,
果陣谷草隻最佳證明, 由22蚊打到落15蚊
而家可能d 馬太難賭喇
就算好似琴日時尚風咁熱贏馬, 個信心都唔係好大
始終以前d 馬好賭d
|