莫問我是誰：
「我係一個享受刨馬樂趣o既人~~
中馬固然開心,如果係經過自己刨完馬之後再,滿足感更大~~
而無心插柳式中馬成日聽到~~同埋六合彩電腦有咩分別呢??
以前老師父教落,賽前功夫未做足,就咪鬼去賭,一定鋪硬草皮~~到現在都言猶在耳~」


刨馬時最重要看甚麼呢？
1. 操練 - 馬匹操練所表現的狀態、馬房的操練模式
2. 賽績 - 馬匹的評分、路程、排檔及陣上表現
3. 配搭 - 馬房、騎師、馬匹的配搭是否匹配，有無玄機

我很想將這些因素全面掌握，且分出優次(即那項因素最重要，佔較多比重)，但至今仍瞎子摸象，茫無頭緒，有人能指點一下嗎？

看你是日運程

因人而異:fff:

佢你刨馬時睇a片:fff: :fff:

除左春田叔因人而異之外,個人o既修為亦會隨住時間,經驗而改變~~

好似小弟初出茅廬之時,刨馬元素好簡單,就係只看往績~~以往跑呢個路程係唔係專家呀,近績有

無表現,成日大敗d馬就立即飛左,當然咁樣買馬會忽略左好多野啦~~

時間耐左,就發覺要配合睇晨操,睇下隻馬晨課試快時間是否輕鬆啦,出腳有無力啦,試慢時間神色

如何,毛色有無轉到有光澤,當然最直接發現寶藏,就要靠看試閘啦,好多時試閘會睇到最多野,尤

其係初出新馬或季初時段~

時間最耐一d啦,因為多左好多pp同ppg到港,竟然發現自己一向唔相信o既血統派原來都好有用~

研究血統主要作用,唔係睇隻馬會有幾高班,最主要係估計到佢可以應付到邊d路程啦,場地性能

如何,可唔可以應付乾快地,變化地甚至泥地等~有時仲可以依據血統習性,知道佢適合跑快活谷

定係沙田,同埋隻馬係唔係早熟早殘定係遲熟慢熱馬呢~~

跟住又過左若干時間~自己開始留意到步速o既影響性,會係每場賽事前估計當中邊d馬會放,邊

d會留後,而估計對邊類馬著數啦,當然唔少得自己畫一張屬於自己o既賽事走位圖啦~千萬唔好

咁懶只靠馬會o個張圖,開講有話力不到不為財,而且自己畫走位圖畫得多,就會同時熟識埋d

騎師個性,有d騎師特別喜歡走外疊,有d喜歡貼欄,一d喜歡前領,一d喜歡留後等等~~

來到呢到,對一場賽事都已經起左一個初模,跟住開始就係要靠個人經驗,估計馬匹實力,究竟

每隻馬匹值幾多分,響呢場賽事係唔係擁有最大優勢呢?

而近年又流行講一d場地偏差,呢d就要視乎你信不信啦,信則有,不信則無~~

其實仲有好多細節就不能詳盡講解,好似我個人來講,會特別喜歡買一d輕磅馬啦~~仲有而家人

老左,晨操方面o既考慮性份又無咁多,又會開始以練馬師角度估計一下佢會點部署一隻馬何時出

賽,何時係出擊目標啦,呢一刻就要睇下馬會提供o既賽程表啦~~仲有結合馬房當日是否大舉出

兵啦,騎師又係唔係手握重兵呢~~

小弟又有一個習慣,會先刨哂一日所有賽事,之後會進入最後難關,就係要選擇出究竟邊幾場自己

係最有把握可以中到,就會將o個幾場串起佢買過關~~無信心o既場次,就可以選擇唔賭又或者

小注買下冷門~~

講左咁多,其實最重要係自己睇多d,慢慢累積經驗,自己養成一套屬於自己o既刨馬心得~謝謝~:loveliness:

好詳盡既解釋 :gggg:
始終都係果句..要刨馬刨得熟又要準
一定要有好多好多既時間
一場馬通常14隻..跟住仲要通常都8-10場tim..
要刨成百幾隻馬..乜野都要睇哂..真係好難架:wwww:

多謝無私指教。很少有人能夠像你那麼無私奉獻自己的心得讓大家分享。我認為花多點時間刨馬未必會與結果成正比，若你走錯方向的話，只會更受挫折。所以，花時間在正確的方向上是最重要的。個人的力量及時間有限，又不是職業賭徒，無法兼顧太多，只能集中一兩點專攻，並且集中注碼賭他兩至三場。我通常每次賽事選兩場做1拖2 位置連贏過關 2x1(每注20元)及2x3(每注10元)，這便是全日的重心了，如有幸的話，最高可中4條2x1(每注共30元)，收穫也不少啊！近來最好的成績是2條2x1。進賬約一萬元，今季肯定不會輸給馬會了。

3586	06-NOV-2007 00:12	跑馬地 星期二	過關 位置Ｑ 2X3	7 場    5 創惑 拖 8 鼓浪旋風 +            9 熊中雄 8 場    11 堅毅 拖 9 有聲氣 +            12 鎖定目標 $10	$80.00	$3,604.50
3587	06-NOV-2007 00:12	跑馬地 星期二	過關 位置Ｑ 2X1	7 場    5 創惑 拖 8 鼓浪旋風 +            9 熊中雄 8 場    11 堅毅 拖 9 有聲氣 +            12 鎖定目標 $20	$80.00	$6,478.00

3888	05-DEC-2007 20:49	跑馬地 星期三	過關 位置Ｑ 2X3	6 場    12 瀟洒大少 拖 5 好本領 +            10 有聲氣 8 場    12 時代明星 拖 2 富有心得 +            8 鄉村傳奇 $10	$80.00	$2,153.00
3889	05-DEC-2007 20:49	跑馬地 星期三	過關 位置Ｑ 2X1	6 場    12 瀟洒大少 拖 5 好本領 +            10 有聲氣 8 場    12 時代明星 拖 2 富有心得 +            8 鄉村傳奇 $20	$80.00	$3,735.00

我只會集中兩三場自己心水場次去度

因為咁樣既可以節省時間，更重要係唔會因為度埋餘下場次，導致自己o既思維混亂。

每個人刨馬都不同
對我來說
時間不足
只看近績
但不太著重路程

原來同兄台係同一個流派~~:yyy:

只係我無咁幸運,一日跑8~10場,唔係成日可以成功選中有能力過到關o既場次~~

好似剛剛初三賽事~~買左2x1,頭關已經中左開心多多+銀太陽大冷qp,但係第2關隻膽玉峽生輝嬴左,d腳又唔見哂影~~:ddd:


所以好多時都話,選擇邊d場次投注過關更為困難呢~~

養成刨馬為樂趣~~會快樂好多~~

每次見到排位表都有開心興奮o既心情~~相信已經唔係人人都有呢種感覺lu~~:loveliness:

我覺得刨多d,自己就會進步多d~~

當然最重要要做埋賽後檢討啦~~

個人覺得,好似一開始無刨o既場次,而又去做賽後檢討好似對自己無多大進步~~:loveliness:

時間上
賽後檢討:賽前, 我自己用 8:2

基本上賽後檢討得好....下次單單睇完 報名表已經知買咩馬 :zzz:

相當同意~~所以我成日會買一d馬,就係叫上賽跟進馬~~

若果一個賽日又多匹跟進馬一齊出賽,真係可以慳左好多刨馬時間呢~~

到時可以立即買條大飛,整條5x26啦喂~~:fff:

不過當然希望自己d跟進馬唔好咁不幸報谷賽而又排左12位~~o個時自己真係會心大心細~~

進退兩難呢~~:sss:

勤力人賺勤力錢...

我買馬..本著心態
就係無信心就算
一日中1場賺幾舊
總好過一日賭10場輸幾舊
:yyy:

依家既玩法就係buy list
buy list多數係留意新馬場場追
而舊馬即以前度下的buy list
則看分，態，部署才出手
有d質新需要等變身
睇變身就真係靠勤力了:yyy:
我呢d懶人呢...就比較鍾意留意d有質而單薄馬...
抖兩.三個月 / 勤操壯身出黎又係搵錢時間:yyy:
(過暑假此類馬很多，需小心選擇)

始終本少唯有碌大左先玩氾本野
通常碌大左就心雄
心雄就好快打回原形:ggg:
到時就真係不要著燈，能否先跟我摸黑吻一吻 :sss:

不過呢排繁忙就只係無聊見到
10蚊買下玩下但發覺輸輸下都成舊水:vvv:
唯有等AL過左先慢慢玩:cccc:

哈哈我都有衣種感覺架因為細個加上唔鐘意賭.. 所以次次都會靜靜雞寫低下自己D心水-0-
睇下自己貼唔貼得中HEHE

不是那麼幸運可以常常過關。過一關，可以收點回本的錢，有錢收的感覺總是好的；過2關，則可以作長期抗戰。不過一定要控制注碼，賭有心水的馬。
現在問題最大的是：心水馬如何度出？如何評價牠在某一場次的爭勝機會，此中的學問太多，希望能得到指教。:loveliness:

成功而能贏錢的馬迷是在賽後做功課，不是賽前。

都係靠經驗o既累積~~慢慢浸淫下啦~~:loveliness:

不過最重要,都係你o個句說話啦~~"花時間在正確的方向上是最重要的":loveliness:

如果自己相信晨操有用幫到你嬴錢,就向呢個方向發展~~血統有用咪學血統,步速有用咪學步速~~

我自己就係雜貨店,樣樣都學少少,刨馬時又樂趣多d~~:loveliness: