|
講返呢兩場馬 , 海中寶嬴果場 , 喜富龍係跟係領放馬之後 ( 或旁邊 )
未轉正直路已經要出頭 , 有幾多隻馬可以咁頂到尾呢 ?
兩場既步速其實都差唔多 , 但係要留意下喜富龍所在既位置
場次123 , 佢係出閘搶前 , 埋欄後才收慢等實業輝煌放頭 , 果場出閘有好多馬搶前 ,
當然會對居中及後上馬有利 , 佢跟係放頭馬後面 , 轉彎放頭馬無力迫住走 ,
返到黎有第四算偷笑 :fff:
場次150 , 喜富龍出閘一樣幾快 , 但係明顯係拖住守好位 , 大約就係果堆出閘搶前既馬匹之後
於是佢就成為步速受益者之一 , 跟住跑正常點都好過望空既
再加上入直路時外面d馬無力 , 開埋條私家路出黎 ....:ooo:
呢兩場既分別 , 發力點並唔係最重要既地方 , 而係跑法同對手
海中寶泥地有料其實好多人都知 , 寶樹多盈仲係高班泥地中堅份子
海中寶近3季跑11次泥地有4w1第三 , 大摩係佢6歲果時都仲肯收呢隻馬
係大摩手上已經3w泥地 , 同當初黎果時已經加左17分 ,
但係係轉倉果時即嬴之後 , 即使再加一w , 分數依然可以keep住係65-67之間
可見大摩有心放長黎玩 , 此馬已報星期日三班1600米 , 再等多一兩場消化評分加幅之後
隨時今季又黎多場 :ppp:
寶樹多盈多年黎係2班打滾 , 呢隻馬一度上到94分 , 上季仲可以係2班嬴馬
今季跑兩場熱身之後 , 跑返正本戲泥地 , 即見真章 , 可惜檔差
伸算返佢年紀大退步 , 本身能力係三班依然有力取勝 :lll:
貝利高呢匹 貝多芬既全兄弟馬 , 照睇就應該跑返長d
例如 1600,1800米既草地 , 表現應該會更好
泥地亦未必不可一試 , 因其兄長亦於泥地入位
長遠黎講質素未必好似貝多芬咁高
但係係二班應該都有立足之地 , 不過依家先跑到第4場 ,
隻馬仲係新 , 賀賢話你急佢唔急 , 慢慢養好隻馬佢仲好 ,
我認為呢隻馬跑草係優於泥 :gggg:
|
