比喻為香港賽馬史上最強10磅仔--蔡明紹昨日順利登場(係唔係變成7磅,5磅就會由最強轉弱呢?:yyy: )
全日三匹坐騎都係師父提供,而且共得1冠1季1個第六,支持度有別於另外兩個初出見習生~

講下嬴馬一場~威利來嬴馬一場~

http://www.hkjc.com/chinese/raci ... ceno=8&venue=ST

好多馬友都睇到係告仔打團戰,師兄君禮幫手封位才令威利來順利連捷~唔討論呢一點,反而騎師

末段o既處理手法,實在令人睇到好牙煙~.~"威利來末段竟然係一鞭都無打,全程只係雙手推騎,

加上少量用馬鞭輕拍肩部提醒馬匹不要鬆懈,嬴來見到騎師非常淡定(會唔會過份淡定呢?)原全無

手忙腳亂之感~~但係題外話,如果因此輸左,大家又會有咩感覺呢??:zzz: 不妨羅返上場威利來由

阿棠勝出一場比較一下,你地又會喜歡邊個o既發揮呢?:loveliness:

全程無打鞭,係唔係代表呢個見習生唔識打鞭呢??非也,看看烏冬跑第3一場~

http://www.hkjc.com/chinese/raci ... ceno=4&venue=ST

人人都話香港見習生係澳洲佬訓練,騎姿都應該接近澳洲式,但係永遠會發覺,香港仔永遠只係學到

騎姿,但係學唔到澳洲佬o既鞭功,就係車輛鞭~~反而呢個新仔就看得出佢係歷來見習生之中,學得

最全面一位,見佢打鞭,佢係真真正正"畫"到一個圓形出來,已經有相當接近車輛鞭o既形態~~

睇返騎左多年o既阿滇,海榮,佢地打鞭完全唔係車輛鞭~~

所以單係評打鞭一環,呢位新仔個人感覺係非常討好,因為相當正宗~~

展望:希望快d可以見到佢騎外線馬,始終騎師父馬,有師父特別照顧,跑出成績並不出奇~而且告仔

出名肯照料徒弟,唔同其他練馬師~~而且希望佢末段唔好再騎得過份淡定~.~"

再發現一點......小蔡騎左10幾場馬,竟然有半數賽事都係走2疊放頭位置,呢個位好似成為佢o既私家位一樣~.~

[ 本帖最後由 莫問我是誰 於 1/1/2009 08:41 PM 編輯 ]

暫時在港嬴馬最多10磅仔,但係此子在三人中,反而係響外地嬴馬最少o既一員~.~""但係佢響外地卻有一勝表列賽紀錄,返到香港又可以

嬴出一場一班盃賽,係唔係代表此子特別有捧盃命呢?:loveliness:


成功網絡嬴馬一場,會覺得此子好有王志偉感覺,除左係放頭嬴馬外,轉完彎又向後望一望,騎來有少少慌忙感,手部推騎動作不大~
http://www.hkjc.com/chinese/racing/results.asp?RaceDate=12/10/2008&raceno=03

巴圖魯,又係前領馬建功,又係石哥提供~騎姿與第一勝時沒太大分別~
http://www.hkjc.com/chinese/racing/results.asp?RaceDate=08/11/2008&raceno=04

威霸龍,唔係只識打左手鞭架....右手鞭都無問題~
http://www.hkjc.com/chinese/racing/results.asp?RaceDate=23/11/2008&raceno=01

愛心大使,首次起孖..而且唔單只為石哥嬴馬,此場係威哥提供,不過暫時4場頭馬都係前領勝出~
http://www.hkjc.com/chinese/racing/results.asp?RaceDate=23/11/2008&raceno=02

電光能源,為輝哥嬴馬,呢一場可以睇出騎師進步神速,手部推騎動作變大,打鞭節奏感變得非常流暢,係6場頭馬中,騎得最吸引o既一場!!
大家不妨羅返佢第一場勝仗比較,簡直好似兩個人一樣~而且開始識留馬~
http://www.hkjc.com/chinese/racing/results.asp?RaceDate=30/11/2008&raceno=06

夢幻飛駒,終於為師父嬴馬,而且係第2次起孖,仲係第一次嬴後上馬~
http://www.hkjc.com/chinese/racing/results.asp?RaceDate=30/11/2008&raceno=08


其實一開始,個人係比較睇好楊明綸多於梁家俊,可惜因為際遇問題,令後者出賽機會較多,而且騎實力馬機會亦比前者多,造就左家俊騎

功有飛躍進步感覺~而且嬴6場頭馬,已經係為4個馬房嬴馬,暫時來講,此子應該係三人中最佳一員,如果繼續進步,相信冠軍騎師非佢莫屬!!

單係睇電光能源發揮一場,根本已經唔覺得佢係一個10磅仔,看看告仔可否為徒弟後來居上~:loveliness:

[ 本帖最後由 莫問我是誰 於 21/12/2008 03:34 PM 編輯 ]

其實呢個騎師只可以用"可惜"來形容~季初又比師父話不準外借,令到出賽機會大減,加上師父不準外借之餘,師父本身又不多加栽培,你想佢

有好大o既進步空間都幾難~~

其實可以講o既場次並不多,今年跑得最佳算係水晶皇,又係石哥提供,雖然最後輸左,但係騎者呢場發揮已經相當出色,入直路雖然見大家平
安已經一早大力推騎,但係明綸亦無心急,等到對方拍上才施騎功,最後只係輸運氣~~
http://www.hkjc.com/chinese/racing/results.asp?RaceDate=23/11/2008&raceno=06

榮利俱全,一向覺得敢響窄位上前o既牌仔,日後必可成材,如海榮,君禮等等~~
http://www.hkjc.com/chinese/racing/results.asp?RaceDate=26/11/2008&raceno=01


不過此子到而家都有一個致命傷,就係此子原來係一隻單蹄馬!!此子絕大部份時間,只係識打右手鞭,我自己就從未見過佢打左手鞭~~

作為一個騎法全面o既騎師,唔應該只識打右手鞭,希望騎師要注意呢點~~

展望:當然希望佢快d交出第一場頭馬~牌仔進步o既動力就係來自頭馬~~其實由季初到而家,此子騎功都完全無寸進,同成績有掛勾感覺~~
而家同家俊o既有明顯o既距離~~就算同初出o既蔡明紹比較,亦明顯無對方o個進淡定感~~

人地初出仲可以淡定過你已經跑左60多場o既師兄,壓力看來會愈來愈大~:ppp:

[ 本帖最後由 莫問我是誰 於 21/12/2008 03:58 PM 編輯 ]

咁我覺得梁定俊好一些吧 ....

楊明綸吾駛講野啦......

現階段,三人之中的確係家俊最好~:loveliness: 不過蔡明紹師父係告仔...小心小心~:fff:

期待第4人登場......不過第4個人壓力應該係最大~:yyy:

講澳式..
應該係家俊最接近:ppp:
同埋好少見見習生咁快推騎推到上頭

[ 本帖最後由 nathanxhim 於 21/12/2008 04:32 PM 編輯 ]

不過而家d華將,大部份都係混合形,左抄一d,右抄一d~~

相信呢3條友好快會轉變~:loveliness:

由成功網絡到電光能源,進步之快,唔知邊個指點佢o既呢?:loveliness:

梁家俊兩度壓線贏杜利萊:ccccc:

不過我個人主觀感覺
蔡生有腦 :loveliness: :loveliness:
唔似君禮 :fff: :fff:

莫兄要預多個位講蘇狄雄呀~:loveliness: :eee:

我就永遠覺得見習生先有勇,後有謀比較好~:loveliness:

鬼仔蔡嬴第一場頭馬要由打團戰得來...顯得好唔光彩~.~""

近年見到o既辣椒仔,如海榮,君禮都不停交出成績~~:loveliness:

聽聞貌似某神.....相信出賽之日必成"蕉"點:eee: 到時都唔駛我多評論~:yyy:

佢紐西蘭跟蘇利雲..:fff:

返到來香港,我估蘇保羅都唔會有幾多野教到比佢~.~""

應該多得石哥唔少~:loveliness:

遙距教學:yyy:
石哥都好賞識佢:gggg:
相反奸仔達就真係:aaaaaa:

楊明綸o係操控隻馬都唔係咁好......:ppp: :ppp:
季初隻大關刀難得超弱組跑第4就輸佢轉彎操控得差:hhh: :hhh:

睇番而家o既小小楊...
進步左架喇:gggg: :gggg:
騎後上馬都見到係騎得郁D馬:jjjj:

蘇狄雄今日正式開操..期待:jjjj:

何良訓練出來的新仔.大多都唔錯

奸仔達教佢點睇電算機:ppp::yyy:

佢同黎海榮關係真係好好:ccccc: