更改策騎指示冇理由唔公布

馬匹陣上跑法往往成為一場賽事勝負關鍵，若果參賽馬貿然改變慣常跑法，某程度可以改變整場賽事的戰果，偏偏真金白銀落注的普羅馬迷卻被蒙敝，他們強烈要求馬會必須在賽前公布更改策騎指示，以示公正。

今年開季前，馬會突然作出練馬師更改策騎指示不用備案的決定，馬迷再無機會掌握這項重要資訊，結果今季出現多場跑法極具爭議性的賽事，包括「勁擊」在總場次 110田草千八米突然採用跟前跑法大敗而回、「雄心馬主」於總場次135谷草一哩不留而放跑尾二等，當中後者更演變成馬主去信馬會投訴，引起風波。
        


促馬會「撥亂反正」

不少馬迷皆嘆今季賽事難賭，完全估不到參戰馬會採用哪一種跑法，紛紛希望馬會可以「撥亂反正」，在要求練馬師一旦改變馬匹跑法必須備案之餘，更要恢復向外公布有關情況，以保障投注人利益。

有關策騎指示應否公布，普羅馬迷大部分傾向贊成，問題是何時公布才最合適。其實在前季初，鄭俊偉曾就當時仍由他訓練的「御名燈」之跑法，賽前兩日提早向競賽小組備案，當時馬會立即向外公布，結果此駒於該仗順利勝出。不少馬迷均十分贊成這種做法，他們認為在情況許可下，如果可以賽前一至二天公布改變策騎指示，對他們「度馬」更有幫助；即使未能於排位後隨即公布，至少可於馬匹臨出沙圈騎師上馬時，透過場內廣播當眾宣布。
        
馬迷不甘做羊牯


賽前一日應公布

王先生：「我當然希望改變策騎指示能夠盡快公布，最好就是於賽前一日就講清講楚，因為馬迷在這方面有知情權，同時對自己刨馬亦有一定幫助。」

馬會政策唔公平

袁先生：「策騎指示梗係要向馬迷公布，現時馬會政策對馬迷絕對不公平，若果馬會要公布，至少要在沙圈出馬後盡快知會馬迷，讓我們可以認清形勢才投注。」

馬迷愈o黎愈被動

馮先生：「賽馬本身已經是一種不公平的遊戲，如果連策騎指示都不向馬迷公布，我們只會處於更被動的位置，有時賽事出現非常礙眼的鏡頭，亦只有無可奈何。」
        
練馬師：軍機不可洩

公布策騎指示除了牽涉投注人利益外，亦與馬房部署息息相關。有部分練馬師認為策騎指示某程度上屬於馬房軍事機密，若一早向外宣布，隨時失去出奇制勝的效果，更怕遭到對手針對性部署，因此練馬師反而傾向支持不需預先公布更改跑法，藉此保障馬主及馬房利益。

馬會其實對於應否硬性規定練馬師向競賽小組備案改變策騎指示兼向馬迷公開，一直持開放態度。不過，據部分馬會中人透露，若要排位後公布策騎指示，技術上未必可以做到，如果留待馬匹臨場離開沙圈後硬性公布，亦擔心馬迷會等待最後一刻才下注，除投注額受到影響外，也擔心對一早已下注的馬迷不公平。

        
競賽小組難辭其咎

今季馬會容許練馬師任意更改策騎指示，又不需向馬迷交代，賽後研訊草草了事的作風亦令馬迷怨聲載道，競賽小組難辭其咎；他們更認為現時賽事由局內人所操控，缺乏外界監察，嚴重剝削馬迷對賽事重要資訊認知權，馬會有必要盡快想出完善解決辦法，在平衡馬迷及練馬師與馬主利益之間落墨，以挽救各方對本地賽馬的信心危機。

邊個寫既 :hhh:

頭版主題報導

你睇埋佢地尋日點樣_競賽小組，唔知仲以為係隔離班友o既手筆。:zzz:

馮先生：「賽馬本身已經是一種不公平的遊戲，如果連策騎指示都不向馬迷公布，我們只會處於更被動的位置，有時賽事出現非常礙眼的鏡頭，亦只有無可奈何。」

唔公平又要玩wor:fff: :fff:

真係唔明策騎指示公布左又點?  公布左放頭但又漏閘咁點? 佢放唔出你停佢10日8日? 又如果有第2隻馬搶放, 你唔通因為個策騎指示而去鬥燒燒死?

賭博ed野 永遠都係個莊家有著數la 邊會公平既姐 :kkkk:

其實係人都知賽馬本是一種運動 賭博只係附屬品

你地嘈點解香港吾可以好似外國咁一家大細入馬場 點解餐室入面D報紙一定要抽起馬經版 點解賽馬比人既印象除左賭就無其他野

咁就要問你地評馬人本身點樣對待賽馬運動啦

更重要係一場馬無論跑乜野賽果，馬會都會有錢賺，都唔明d人邊度黎陰謀論..

再講，一直都話策騎指示屬於戰術私隱，我覺得現行政策已經唔錯

有改變就一早通報俾馬會，輸左都有得賴

同埋我地成日見騎師因應步速快慢改變戰術，呢d野賽前俾哂策騎指示都預計唔到...

無咁多變化你點會咁有興致研究...

不如話哂俾你聽全部馬點跑之後俾你畫埋圖計埋邊隻贏好無..

我睇完篇報導見到d受訪馬迷所講既野..即刻講左句"低能"..

無人渣住支槍叫佢賭既 咁唔鍾意 唔好賭丫笨 :yyy:

話左俾你知點跑 你估你又會中咩? 賭博呢家野向來十賭九輸 怪就怪自己唔夠勁啦

見到呢d垃圾報導真係....香港報業既悲哀:yyy:

咁摩連奴排陣賽前使唔使對外公佈?:fff:

我出伊巴謙莫域,但我鍾意擺佢支援巴洛迪利,吹咩:fff:

可能伊巴今日打右閘呢，不過唔話你知之嘛:yyy:

照擺佢出黎踢，你自己慢慢估~

而家興左右翼賽事上經常換位,賽前使唔使公佈C朗同朴智星會經常左右交換邊打:fff:

呢招卡比路首先發明:fff:

龜+西=歸西:fff: :fff:
公佈策騎指示果時又唔見你班賊頭贏好很多:zzz: :zzz:
我都唔需要知策騎指示都贏到錢喎......:ccccc: :ccccc: :ccccc: :gggg: :gggg: :gggg:

講果班講馬佬都冇腦:eee:
比全部人知劇本點搵食:eee: :eee:

賽馬引人入勝就係因為佢千變萬化
講咗策騎指示我唔做令到你唔買,但係我隻馬都贏咁點?:aaa: