賽後備忘馬~~
由今日開始我會有賽後備忘馬提供比大家....希望可以幫到大家日後賭馬仔(順便幫埋自己做紀錄):eee: ....不喜勿插...多多支持
20/9
第四場 蓬來仙子
上季初出一役走勢相當勇猛,可以力迫馬來之光盡顯本身質素,本身腳法唔曳,表現亦尚算穩定,今季剛轉三歲初次上陣便跑1400明顯上有難度,賽前則比較令人擔心係氣量,結果,係留頭鬥後既跑法下,入直路前落後一批舊馬5個幾身位,竟可以反勝1個身位令人跌眼鏡,反映今季馬匹長成不小,但仍未足夠,希望會繼續有進步
展望 : 以今場走勢睇,今季應可有多兩三場頭馬進帳
第五場 大王者
上季尾轉跑法轉路程後即取得頭馬兼擊敗長勝等質新馬,盡顯出本身鬥心,今季馬匹於出賽前增磅30幾磅,似乎需要一場熱身,但今場跑得出奇地好,一檔之利,全程走勢比上季更純熟,入直路後有點外閃與他駒碰撞仍可跑回一席第三,下場再出必有留意價值,
展望 : 今季馬身比上季更長成,可望實力更上一層樓
第八場 特綵
今場負頂磅一百三十三磅上陣明顯上較難跑,全程留居後疊位置直路竟可以二十二秒八八既段速追回一席第四,負頭馬只有個多身位,以其後勁絕不似一匹三班馬,頭三名馬匹亦屬路程專家,仍可讓咁多磅而追近,而且草泥亦適合,下場再出應可補中
展望 : 以其後勁不是三班馬可與其抗衡,相信可以更上一層樓跑上更高班次
|
