詹瑞文前晚於會展舉行「笑林十八窮人唱 GAG會」，唱盡有錢人、藝人、 o靚模及特首，他更即場公佈世界窮人榜頭 7位排名，曾蔭權、黃長發、三奶 Karen也榜上有名， o靚模更因冇料到而入圍。
由詹瑞文及組合朱凌凌合作演出的「笑林十八窮人唱 GAG會」，前晚於會展舉行，吸引了袁詠儀、張智霖以及伍詠薇捧場。阿詹表示作為一個窮人要有 18項條件，當中包括：冇志氣、冇前途、冇面子、冇自信、冇機會、冇能力、冇目標、冇理想、冇心機、冇厘頭、冇嘢做、冇生意、冇人理、冇朋友、冇揸拿、冇料到、冇 guts以及冇嚟到。
笑特首冇能力
阿詹更公佈窮人排行榜，排行第 7位的是 o靚模，因為一班 o靚模的問題所在是冇料到，也都不知自己做甚麼；第 6位是黃長發，他笑言阿發本來是二人組合，但現時列入窮人之列是因為冇志氣；緊接第 5位的是三奶 Karen（李姿霆），他說：「佢嘅情況好嚴重，𠵱家真係冇揸拿，本身有鞋王照，𠵱家連鞋都冇得挽。」
第 4位是陳水扁、第 3位是米奇，第 2位是曾蔭權，阿詹說：「曾蔭權衰乜，咪係冇能力、冇 guts、冇料到、冇人理、冇自信同冇嚟到。」
寸古巨基轉會
另外，阿詹於騷上唱盡有錢人因金融風暴而身家大縮水，他說：「福布斯好×街，每年整呢啲榜睇吓啲富豪身家跌幾多，大家睇到何鴻燊身家跌不知幾開心。」他又將古巨基轉會一事開玩笑，他說：「有個人本身喺好多金牌嘅公司跳去英國殖民地公司。」接着朱凌凌成員陳文進就扮演基仔的小動作及唱腔，之後他模仿郭富城時，台下觀眾掌聲雷動。
