本報上月踢爆側田背模女友曾雪華一拖三遊澳門，並與其中一名女伴拖手出入美高梅金殿酒店，原來當日側田是過濠江食河粉，該女伴正是首輯《美女廚房》中擔任「粉」的 25歲新人黃欣。昨日黃欣大爆兩人相識一個月已交換電話號碼及曾多次見面，又讚男方夠 nice及揚言「唔介意佢嘅髮型」，不排除雙方有機發展。

與側田拖手的女伴，其身份謎團昨日終於解開。原來她是 06年首輯《美女廚房》中擔任廚房女「粉」、現年 25歲的黃欣。昨日黃欣接受訪問時直認與側田同遊澳門，但二人口供有出入，她說：「嗰日係一班朋友去，一齊有 5、 6個人，有男有女。」但黃欣顯然不是從外地返港，她說：「有一個朋友喺外國返嚟。」

黃欣聲稱當日沒有跟側田拖手，也沒有在澳門過夜，她說：「同佢都熟熟哋，我上個月先識佢，係一大班朋友識嘅。去澳門嗰日，因為大家都有分頭玩，驚失去聯絡，所以先有佢電話。」上月識但已即遊澳門，問她與側田見過幾多次？她說：「十隻手指數得晒。」豈非見得極頻密？她馬上改口：「五隻手指數得晒。」

談到對側田有何感覺，黃欣稱讚他 nice、會提點她、畀意見、會照顧人，但她沒有見過側田不戴帽，笑說：「我唔介意佢髮型。」側田給她甚麼意見？她卻說：「跳舞點樣好啲，點樣同人相處，做人要有禮貌。」但記者指側田向來舞技唔掂，又屢被指黑面寸嘴，黃欣即面露尷尬以笑遮醜。

至於與側田有否發展可能，黃欣說：「將來嘅嘢冇人知，暫時係朋友。」又稱認識側田時不清楚他有沒有女朋友。她表示將來再見側田不會尷尬，但又擔心地說：「可能有啲避忌，怕俾人講，人哋認識我唔想係靠黐佢嘅名氣，有少少擔心佢會咁諗。」

原名黃卓慧的黃欣，最近為加入樂壇改名，連英文名也由 Helena改成 Lena。除了《美女廚房》外，她也做過《一擲千金》的千金小姐及演過多齣劇集，但發展平平。今年 3月她約滿無綫後，簽約新公司 Starworks，暫定年底出碟。