呢只馬真系好嘿恐怖。。。近三場香港內地賽事末段場場爆22秒以內，絕對馬王級水準，論後勁絕唔會輸比雄心威龍。
希望加州仔唔好為咗避開雄心威龍去跑一哩啦。香港盃有你兩個，實食冇呲牙了。
而家驚就驚蔡明紹跑香港盃時又發神經。點講呢，畢竟佢年輕，發揮時好時壞，特別系操控馬王級分子時。
個人認為，最好都系比老巫操熟只馬來跑，對蔡明紹依舊持保留意見。今場畢竟系讓磅賽，而且加州仔仲未試過換騎師。一旦換翻大師傅，邊個敢保證加州仔可以贏多幾個馬位呢。

理想搭配：老巫配加州仔，紀仁安配馬王。勢必有一番龍爭虎鬥。

兩駒模板：加州萬里-牛精福星，雄心威龍-爪皇凌雨。
其實加州仔D跑法同牛精福星好似，又同屬告東尼馬房，1400-2000皆宜，操練得當達到牛精福星高度並非冇可能。加油啦加州仔:jjjjj:

[ 本帖最後由 天使小帕 於 31/10/2011 07:58 PM 編輯 ]

記得上次女皇杯加州仔形勢係十分不利....因為內檔位置好遲先有位望空...雖然佢有足夠空間比佢一路衝唔洗減慢....但望空同有馬遮始終效果唔同....

而且佢來港後5場頭馬全部由紹仔取得....連國際賽個第2都係佢拎返黎....GI又係佢贏
試問....突然換人輸既話....d人又會引黎好多言語....

始終蔡明紹個韁繩較岩隻馬....佢e家都唔一定要留到最尾....只要隻馬頭幾段唔用力....600米開始比佢走順基本上已可以發揮最好....因為隻馬乖左....只要香港盃抽到中內檔....佢就好大機會爭勝....

但你話換左柏寶/巫巫呢d告仔老拍檔....我就唔係太過讚同....老巫個種騎師跑後上馬....個人唔太鍾意....佢既騎法比較特別....唔會推到同大力....只係用腰腳黎幫隻馬發力....

其實睇返蔡明紹今季功力比上季好左....我就覺得既然贏左今場賽事....就可以放膽比佢一試....係陣上只要執行返策騎指示....同埋好簡單姐....全程捉實....同佢爆段論後勁....佢比雄心威龍更強....只係係跑法上較為被動....而雄心威龍可以佔盡先機....同埋隻馬本身黎港前都跑到2000....我覺得佢跑2400唔係冇可能....
不過我就覺得佢會跑2000再挑雄心威龍機....

不過個人就覺得....隻馬冇話咩問題....紹仔發揮又正常....輸既只係一場海外賽....紹仔經驗未夠....但香港已有兩次一級賽經驗....所以我覺得換人既話...對紹仔的確係有D唔公平LOL

o係錯誤中吸取教訓,希望紹仔,可以不斷進步啦,,:ccccc:

不過我最鐘意既華藉騎師都係梁家俊:iiiii:

其實唔單止新加坡果場了，賀年盃輸比新力勁果場佢發揮得都好差。。。走位蝕到飛起。真系對佢冇乜信心。主要都系發揮唔穩定咯。換人應該就冇乜可能了，望就望蔡明紹可以系國際賽度發揮出水準，唔好浪費呢匹大有機會挑戰G1冠軍嘅靚馬:abcde:

[ 本帖最後由 天使小帕 於 31/10/2011 03:47 PM 編輯 ]

我真係想親眼見証本地騎師可以贏一場INT GI !!!

雖然你講個場發揮係較差....但隻馬踏入正軌之後都一直都表現好好=]....

梁家俊同你騎後上只怕比好多外籍師傅要強 :tttt:

我真係前睇後睇左睇右睇

都唔覺得呢隻野可以嬴到雄心威龍 :ppp: :yyy: :fff:

大家諗下 A 跑道跑 2000 慢步速 14 隻馬跑

蔡明紹 唔揀入面衝而揀出面衝，要幾多疊轉最後一個彎 :yyy: :yyy:

我想講 雄心威龍 都係爆 22.0 內的馬匹 :zzz:

仲要今年 5 歲, Pins 頭半年大大大大熟黃金期 :jjjj:

唔一定要跑2000:fff:

1200 - 2000 無敵也 ~ 今年 :yyy:  

睇阿苗可維持佢幾耐 :fff:

1200都得?:yyy::yyy:

董事盃就正:gggg:
2000 2強鬥1600 2強:jjjj:

今季三冠長途王精采囉...:eee:

我同意用巫斯義,
巫斯義騎後上馬有番咁上下,
加州萬里係一匹乖巧的馬匹,
容易操控,
擺巫斯義都適合~

但去到大賽, 紀仁安 vs 蔡明紹,
紀仁安騎功始終硬淨d!

至於用柏寶, 我不同意!
因為柏寶好大機會又會抽出大外疊轉彎!
好似佢尋日騎自由好咁, 然後係最後200m 騎到自由好內閃十分嚴重~
最終輸少少, 除左係柏寶的韁繩唔岩自由好外,
練馬師方嘉柏亦要負上呢個責任!

加州仔唔會用老巫@@你試唸下,如果一早要轉既晨中就轉左,洗等今年都仲係明紹仔? :ppp:   雄心威龍=爪皇凌雨???? :ppp:  你話火龍駒將來就係咁話姐@@

我覺得明紹仔己經做得好好,老巫騎左幾多年馬,明紹仔又騎左幾多年??老巫騎馬個陣明紹仔都未出世拉@@ 每一個有成就既騎師仲有開始時,無人能夠一步登天@@ 點解告仔要咁支持佢先?實有佢理由嫁@@ 如果真係有心用老巫既話其實上年尾幾場一早就可以轉@ 洗等今年? :eee:

我覺得會勁過牛精福星
:eee:

雄心威龍=爪皇凌雨????   你話火龍駒將來就係咁話姐@@
衣句係咩意思?

雄心威龍 > 爪皇凌雨 :tttt:

暫時來講雄心威龍仲未達到凌雨的成就，目前佢依然<凌雨，想超越佢起碼都要一年以上時間，而且仲系未知數，我只希望佢可以儘快追上甚至超過老馬王。畢竟凌雨系香港馬壇一匹傳奇馬。
至於火龍駒超越爪皇凌雨？打吡都未贏過，一世都冇可能同凌雨相提並論。

[ 本帖最後由 天使小帕 於 3/11/2011 04:04 PM 編輯 ]

我講既係路程:ppp:   2400米既路程專家現役我只數到火龍駒同好先生@ 龍駒無記錯只係受傷定唔知咩事先無得跑:ppp:  更何況兩隻早遲熟唔同點比較@@ 凌雨真係叻既點只係休息成年幾兩年都爆到場海外一級賽@@ 如果係咁既話@我會另一隻馬王去比較:爆冷 @@ 爆冷雖然係同一場海外一級賽跑第二,但該場跑12檔失先機先至輸比隻陽光經典:ppp:  相反凌雨只係守住個令位,志哥抽洛去@@  
      至於真正既馬王成就我個人傾向為爆冷多過凌雨,當然凌雨的劇情性會較爆冷多@@ 至於雄心威龍同凌雨既比較,暫時都好難下定論,我只係認為雄心威龍依家已經成就上同凌雨打成平手,超唔超過既話等贏香港盃先再講都未遲@@ 我認為雄心威龍馬王既成就主要因為佢由一隻四班中既華人倉馬轉倉之後一年突飛進步既成績:eee:  真正既馬王同佢贏既賽事無關係,主要係氣派,同皇者既氣息@@:ppp:  如有不便,在這抱歉

<br />
大佬！講feel去比較的話根本得把口，只係你覺得雄心已經同凌雨相若，但用數據證明而家的雄心未夠凌雨會講得通d,一，凌雨贏杜拜，遮打盃同香港盃，雄心未做到，反之雄心贏到的，凌雨都贏左，所以要成就同凌雨相若，而家仲言之尚早！