陳靜（DaDa）昨出席電腦展活動，戴上粉紅色假髮一身cosplay性感打扮的她，令人眼前一亮，甫出場即謀殺不少菲林！姍姍來遲的李蘊則以春麗look示人，擺出多個可愛甫士「賠罪」。另邊廂的何佩瑜（Jeana）雖然封胸出席，但不時露出銀色內褲邊以「蝕底」殺出一條血路。
DaDa昨日以cosplay打扮於灣仔會展出席電腦展活動，她戴上粉紅色假髮並騷三吋事業線，身穿緊身運動衣騷小蠻腰，表現風騷，在活動上與「春麗」李蘊拗手瓜，DaDa輸了比賽，但贏盡身材！
首次以cosplay打扮的DaDa透露角色由主辦單位為她挑選，由於雙方曾經合作，DaDa笑言價錢滿意。問怕不怕在場蜂擁的龍友只影胸部？DaDa說：「唔好畀我睇到就得啦！我都做足安全措施，唔會有咩甩漏。」
李蘊聞劉謙尷尬
由於活動因李蘊遲到而延遲開始，姍姍來遲的她表示抱歉，更得到DaDa出言相助，認真老友。問李蘊覺得其男友劉謙於電影《大武生》內的造型靚不靚仔？笑得勁冧的她面露尷尬之色，更反問身旁的DaDa及吳若希：「你哋覺得呢？」將問題帶過。
反而對無綫更改歌手的合約，亮相其他節目平台須於兩星期前申請，李蘊則說：「其實多個平台都好。（但要兩個星期前先做得有線訪問喎！）我已經講普通話o架喇喎，如果係咁都有少少唔方便。」她又透露早前已續約無綫，不過有關方面就未有向她說明上述條款。
男友唔使錢任睇
另外，愛騷「不倒胸」的o靚模Jeana昨日只露小蠻腰，不過就不時露出銀色內褲邊，繼續誘惑！她表示將於8月尾推出寫真花絮DVD，屆時亦會主打「偷窺」的主題，隨碟附送偷窺小玩具，她會否叫男友支持？Jeana笑言：「佢都唔使畀錢睇啦。（送畀佢？）我成個人都送咗畀佢。」
Jeana又透露男友並不知道她將出DVD及演出舞台劇，她說：「我拍寫真時都同佢冷戰咗幾個月，我驚會再冷戰，希望大家可以幫我保守秘密。」
