書展下星期開鑼，班高登仔日日開post研究班囡囡邊個size啱口味，搶閘出書的32D魔鬼胸蔚雨芯贏在起跑線，靠陰招搶贏周秀娜的32C嫩模羅彩玲Vivian則玩半裸誘惑，剝光上身瞓低任睇，說到寫真賣點，Vivian自豪地說：「sell純天然囉，無執相無造假，半裸輯相都無清場，真材實料怕咩你睇。」
寫真大戰即將爆發，周秀娜、陳靜DaDa、浸大E神Carol個個上岸唔玩，留低班嗌唔出名的o靚模鬥個你死我活，LuLu、Mika、Diva你識邊幾個？sorry，我真係唔係好識分，比較感興趣的，是人瘦胸大的蔚雨芯和搶人男友的Vivian。
搬家避賤男
本周一黃昏，記者見Vivian在銅鑼灣家具店揀大牀，沿途見牀就瞓，玩得好開心，揀啱牀款即影低資料，90後就是不會用紙筆抄資料的，睇完牀再揀衣櫃、飯枱、煮食廚具，樣樣啱心水，主打紫色系。
Vivian接受訪問時，坦言剛搬家，她說：「跟家人住好唔方便，有時收工夜了，回家好似做賊咁，躡手躡腳怕嘈醒佢哋，現搬到酒店式住宅，要換張新床，添購家品，好多嘢都要自己兼顧，（Avis係咪成日搵你？）其實我唔想再糾纏落去，好煩，唔想有人企喺屋企樓下等，我大個女，唔似以前咁易𠱁。」
